AMOOTSI 7:3 - Qullaawa Maxaafa

³ Kaaliiqino marare hedinota agure, «Kuni laitto coyi di"ikkanno» yiinoe.

AMOOTSI 7:3 ပူးပေါင်းရင်းမြစ်များ

KALAQAMA 6:7

Kaaliiqi, «Kalaqoommonsahura gaabboommona konne manna, saada, godowunni ha'ranno kalaqamanna cea baattote aaninni huneemmo» yii.

UMI DUDUWO 21:15

Hakkiinni aanche Kaaliiqi Yerusaalame hunanno gede Sokkaasincho soyi. Ikkollana Kaaliiqi mannu shetto lae marare, manna gudanni noo Sokkaasincho, «Xaate ikkinona aguri» yii. Hatte yannara sokkaasinchu Yabuusichu Oorina ayiddumme mule uurre no.

FAARSO 106:45

Insara yee gondoorosi qaagino; bagamannokkihu baxillisinni kainohunni mararinonsa.

FAARSO 78:38

Isi kayinni maarannoho; cubbonsa agurinonsata ikkinnina dihuninonsa; batinye hige hanqosi hoolino; duucha hige aarasi ittisino.

FAARSO 90:13

Hanqikki mamooti geeshsha keeshshanno? Kaaliiqa ballo, soqqamaanokkira alba higinke.

FULO 32:14

Kaaliiqino hanqosi agure, mannu goofannokki gede assi.

ERMIYAASI 26:19

Moote Hiziqiyaasinna Yihudu manni Mikiyaasi shiinosiyya? Hiziqiyaasi Kaaliiqa waajjino; baxillesi afi'rara huucci'rino. Kaaliiqino abbara hedino bao aaninsanni hoolino. Ninke kayinni, uminke aana shetto abbi'nammoraati» yitu.

ERMIYAASI 42:10

‹Abboommo'ne bao daafira dadilloommona, tenne baattora heedhiniro uurriseemmo'ne ikkinnina didiigeemmo'ne; kaaseemmo'ne ikkinnina dibuqqiseemmo'ne.

HOOSEI 11:8

«Israeele! Ate hiitto asse agureemmohe? Hiitto asseno sayise eemmohe? Adaamanna Tseboyimi assummo gede, hiitto huneemmohe? Ate lowo geeshsha baxeemmohe daafira, konne baala assammora wodani'ya diaannoe.

IYUEELI 2:13

Wodana'ne ikkinnina uddano'ne dartinoonte» yaanno. Kaaliiqi Magani'ne shaqqadohonna maarannoho; rahe dihanqannoho. Bagamannokkihu baxillisino bati'raho; hunateno dimuddamannohona, isiwa higge.

IYUEELI 2:14

Mayi afino? Miteekke Magani'ne Kaaliiqi hanqunni higannoha ikkanno; intannirinna anganniri fushshaatira ikkanno jajja, halashshe aa dandaanno.

AMOOTSI 5:15

Busha coye hunne; dancha coye baxxe; yoote nafara baala halaale xeissinoonte. Miteekke Olantote Mootichi Kaaliiqi, gatinoha Israeelete manna mararannoha ikkannona.

AMOOTSI 7:6

Kaaliiqino marare hedinota agure, «Kuni coyino di"ikkanno» yiinoe.

YOONAASI 3:10

Maganu, Nennewe manni assinorenna bunshe agure higinota lai; kunnira, marare abbara hedino bao aguri.

MARRO 32:36

Wolqa noonsakkitanna mannu goofita afe, mannasi keereensanno; soqqantannosire baala mararannonsa.

YAIQOOBI 5:16

Kunnira hurtinanni gede cubbo'ne ki'ne ki'neneewa aagintaabbe; ku'u ku'unnira huucco. Keeraanchu manchi huuccatto, lowo guma uyitannota jawa wolqa afidhino.