AMOOTSI 7:2 - Qullaawa Maxaafa

² Kanchafaru baattote aana fulinoricho baala sholoole itanna afe, «Mooticha Kaaliiqa'ya! Eeggatena mannikki sao aguri. Mannikki Israeele shiima ikkitino daafira hiitto ikkite gata dandiitanno?» yee huucci'roommo.

AMOOTSI 7:2 ပူးပေါင်းရင်းမြစ်များ

FAARSO 12:1

Kaaliiqa ballo, wodana suwino manni goofinona, ammanamino mannino dinona, gatisie.

FULO 10:15

Gobba baala tunsiise amadino daafira, kaadetewiinni gattinota haqqu aana noo laalonna mu'ro baala mucuqqi asse iti; Gibitsete baattora noo haqqi mittuno gatikkinni shamaricho baala co'o asse gudi.

FULO 34:9

«Mooticha'ya ballo, baxattoeha ikkiro, kuni manni mokkookka ikkirono, ledonke fulatto gede huucci'reemmohe; cubbonkenna saonke agurte mannakki assi'rinke» yii.

ISAYAASI 37:4

Asoori moote Heeshshote Magano xonara roorricha soyino. Maganikki Kaaliiqi konne coye macciishshe xoninoha qorichishannoha ikkanno. Kunnira hanni manninke giddonni gatte lubbotenni heedhannori daafira huuccinke» yitue.

ISAYAASI 51:19

Lame ero qarri daannohe; baonna goofo, hudenna bagadu amadannohe. Ledokki manchitannohu nooni? Sheshifachishannohehuno ayeti?

ERMIYAASI 14:7

Bati'ru cubbinke hasanni noonkeha nafa ikkiro, su'mikkira yite gatisinke; lowo yanna atewiinni fanfe keeshshinoommo; ate aanano sao assinoommo.

ERMIYAASI 42:2

«Ninke alba kiiro lowo mannaati; xa kune la"attonte gede shiimu manni callu gantoommo. Kunnira eeggatena, doogo kulannonke gedenna ikkineemmo gara xawisannonke gede Maganokki Kaaliiqa huuccinke» yitue.

HIZIQEELI 11:13

Ani himana coyi'ranni hee'reenna, Felaaxiya uwe reyi. Anino alba hige baattote aana diriire uwe qoonqo'ya naggi asse, «Mooticha Kaaliiqa ballo, Israeelete gattinore baala gudattoraatini?» yoommo.

HIZIQEELI 9:8

Shinanni yannara ani calli'ya hakkiicho noommo. Alba hige diriire uwe qoonqo'ya naggi asse, «Mooticha Kaaliiqa, Israeelete giddonni gattinore gudate Yerusaalamete kageeshshi geeshsha hanqootto?» yoommo.

DAANIEELI 9:19

Mooticha'ya! Maccakki ninke widira qoli; maarinke; macciishshinke. Kuni kataminna kuni manni atehona, keeshshittokkinni su'mikkira yite mitto coye assinke» yee huucci'roommo.

IYUEELI 2:17

Kaaliiqi soqqamaano qeesootu, kakkalote dargira albaanni uurrite wi'litanni, «Kaaliiqanke ballo, mannakki marari; daga mishshanninna qacifattanni, ‹Maganinsa hiikko nooyya?› yitanni, arrassitannonsa gede assitooti» yitona.

AMOOTSI 4:9

«Jajja'ne mooshshitannota, wolqaataame bubbe soommo; kaashsho'nenna woyine'ne, balase'nenna zayitete ejedhe'ne baala, kanchafaru itino. Ki'ne kayinni gaabbitine, galagaltine anewa dihigginoonni. Konne coye coyi'roommohu ani Kaaliiqaati.

AMOOTSI 7:5

Hatte yannara ani, «Mooticha Kaaliiqa'ya! Eeggatena ballo tenne giira uurrisi. Mannikki Israeele shiima ikkitino daafira hiitto ikkite gata dandiitanno?» yee huucci'roommo.

ZAKKAARIYAASI 4:10

Xa loonsoonniri shiima ikkino daafira mannu dihagiidhino; ikkirono, Zerubaabeeli mina uurrisannokkita affuro hagiidhitanno» yiie. Sokkaasinchuno, «Lamala caabbiyye gobba baala la'annoti Kaaliiqi illeeti» yii.

YOHAANNIS AJUUJA 9:4

Baattote aana noo hayisso woy aye mu'runo ikkito woy haqqa gawajjitannokki gede kullinsa; Maganu sumudi albinsara nookki manna calla shetissanno gede kulloonninsa.