AMOOTSI 7:10 - Qullaawa Maxaafa

¹⁰ Beeteli kakkalo shiqishannohu Amesiyaasi Israeelete mootera Iyorbiaamira, «Kuneeti Amootsi Israeelete manni giddo hee're atera gano gananni no; isi coyi'ranno coyi gobba hunannoho.

AMOOTSI 7:10 ပူးပေါင်းရင်းမြစ်များ

KALAQAMA 37:8

Roduuwisino, «Ninkera roorricha ikkite aananke moohattora hedootto?» yitusi. Haaqeesinninna coyisinni kainohunni ledde gibbusi.

UMI MOOTOOLLA 13:33

Kuni baalu ikkanni hee'reennanni Iyorbiaami kayinni bunshesi diagurino. Gaarrate aana nootera kakkalote darguwara Leewi sircho ikkinokki mannano worino. Qeese ikkara hasi'rannoha baala gaarrate aana soqqamanno gede sammi yee worino.

UMI MOOTOOLLA 18:17

Akiaabi Eeliyaasi afe, «Israeelete lowo qarra kalaqittohu ati hada kawiicho nootto?» yii.

ERMIYAASI 18:18

Mitu mitu manni, «Amme, Ermiyaasi assineemmota mallona. Seera rosiissanno qeesooti, mala kultanno hayyoolenna, himana kultanno himanaano noonkena, isi yaannore macciishsha agurre amme su'masi hunnona» yii.

ERMIYAASI 36:16

Nabbawe kaihu gedensaanni, waajjite mimmitonsa la'anni Baarooki, «Konne coye mootete kula hasiissannonke» yitusi.

ERMIYAASI 38:4

Hakkunni gedensaanni gashshaano mootenniwa marte, «Kunni coyinni katamaho noo olantora wolqa hunanni no. Katamu giddo noo mannano togo assanni no. Mannaho bao agurranna mittono dancha coye halchannokki daafira, kuni manchi reya hasiissannosi» yitu.

AMOOTSI 1:1

Ooziya yinanni moote Yihudaho, Yoaasi beetti Iyorbiaami qole Israeelete moohi waro, Teqoa Katamira ge'reewo allaa'litannori giddonni mittu Amootsi, baatto milli yitara 2 diri gate hee'reenna Kaaliiqi Israeelete manni daafira kulinosi sokka kunninni aante noote.

AMOOTSI 3:14

Loosino cubbi daafira, Israeelete manna qorichisheemmo barra, Beeteli Katami giddo nooha kakkalote darga diigeemmo; kakkalote darga noo buuddano, hiiqqaqqante baattote aana ubbanno.

AMOOTSI 5:10

Ki'ne yoote nafara, rufe seejjanno'neha gibbinoonni; halaale coyi'rannohano diqattinoonni.

AMOOTSI 5:5

Ane hasi'rate Beeteli hadhinoonte; Galgala martinoonte; magansi'rate Bersaabehi hadhinoonte. Beeteli diigante nookki gede ikkitanno; Galgalaho hee'ranno manni addinta qafadamanno» yii.

AMOOTSI 7:11

Qoleno, ‹Iyorbiaami jaddote reyo reyanno; Israeelete mannino, ilamino gobbanni qafadame ha'ranno› yaanni no» yitanno sokka soyi.

MAATEWOOSI 21:23

Yesuusi Qullaawu Minira e"e rosiisanni hee'reenna qeesootu roorrootinna gobbate geerri isiwa shiqqe, «Konne coye assattohu mayi roorreenniiti? Woy kayinni togoo coye assate roorre uyinohehu ayeti?» yite xa'mitusi.

LUQAASI 23:2

«Kuni manchi mannanke so'risiisanna anfoommo; Roomu Moote Qeesaarirano giwire baantannikki gede hoolanni no. Qoleno, ‹Ani moote Kiristoosaati› yee coyi'rino» yite bushiishshusi.

SOQQAMAASINETE LOOSO 24:5

Kuni manchi ninkera dhibba ikkinonke. Gobba baalate noo Ayihudootira qarra kalaqino. Naaziraanote yinanni so'risiisaanora sooreessaho.

SOQQAMAASINETE LOOSO 5:28

«Yesuusi su'minni rosiissinannikki gede seekkine kulloommo'ne. Ki'ne kayinni kune Yerusaalame rosi'nenni wonshitinoonni. Kunni manchi reyora ninke xa'mammeemmo gede assitinankera hasidhinanni» yiinsa.

SOQQAMAASINETE LOOSO 7:54

Songote miilla konne coye macciishshite lowo geeshsha hanqite, Isxifaanoosira suume ga'midhu.