AMOOTSI 7:1 - Qullaawa Maxaafa

¹ Mootichu Kaaliiqi tenne ajuuja leellishinoe. Kuneeti Maganu, mootete gide murrihu gedensaanni fultino gobba-bae giddo kanchafaru qalamanno gede assino.

AMOOTSI 7:1 ပူးပေါင်းရင်းမြစ်များ

ISAYAASI 33:4

Jajjansa baala hunte xooqqeenna, mannu kanchafaru gede saamanno.

ERMIYAASI 24:1

Baabilooni moote Nabukadanatsoori Yihudu moote Iyoaaqeemi beetto Yoakiini Yihudu gashshaano, angate ogimma afidhinorenna wole egennaammu loosaasine ledo Yerusaalametenni qafade Baabilooni haa're ha'rihu gedensaanni, Kaaliiqi Qullaawu Minira albaanni nooha laalo wo'mitinoha 2 gimboola leellishie.

HIZIQEELI 11:25

Anino Kaaliiqi leellishinoere baala qafadante noorira kuloommonsa.

IYUEELI 1:4

Sixuwiinni gatino gide, kanchafaru gudino. Kanchafaruwiinni gatinoha, shiimmaaddu kanchafari itino; hakkiinni gatinoha qooliweelu kanchafari itino.

IYUEELI 2:25

Ani sa'u dirrara soommoti, bati'ra bagadaano, kanchafaru biite guddinota, jiro'ne qoleemmo'ne.

AMOOTSI 4:9

«Jajja'ne mooshshitannota, wolqaataame bubbe soommo; kaashsho'nenna woyine'ne, balase'nenna zayitete ejedhe'ne baala, kanchafaru itino. Ki'ne kayinni gaabbitine, galagaltine anewa dihigginoonni. Konne coye coyi'roommohu ani Kaaliiqaati.

AMOOTSI 7:4

Mootichu Kaaliiqi leellishinoeti wole ajuuja aante noote: Kuneeti Kaaliiqi mannasi giiratenni qorichishara qixxaawanna afoommo. Giirano baattote woroonni nooha lowo baara mooshshite baattono ittu.

AMOOTSI 7:7

Mootichu wole ajuujano leellishinoe. Kuneeti Mootichu tumbetenni dhaambe huxxinoonni huxxi mule uurre nooha afoommo. Isi anga tumbe amade no.

AMOOTSI 8:1

Mootichu Kaaliiqi wole ajuujano leellishinoe. Anino le'ino laalo wo'mitino gimboola afoommo.

ZAKKAARIYAASI 1:20

Hakkunni gedensaanni, Kaaliiqi siwiilu meencho amaddinore siwiila tuntannore 4 manna leellishie.

MILKIYAASI 3:11

Gidi'ne aaninni sixa hooleemmo. Woyine'ne laalo dixe'anno. Konne coye coyi'roommohu ani Olantote Mootichi Kaaliiqaati.