AMOOTSI 6:6 - Qullaawa Maxaafa

⁶ Woyinete xajje birilletenni ikkikkinni, gawatetenni agginanni. Lowo geeshsha waaga iibbado shitto buudhitinanni; Israeelete aana daggino baora kayinni, horonta didadillitinanni. Konne baala coye assitinanni daafira, ki'nera aanne'e!

AMOOTSI 6:6 ပူးပေါင်းရင်းမြစ်များ

KALAQAMA 49:22

«Yooseefi, ati woyinete haqqicho hunduruurrooti; buichote mule kaansoonni woyineeti; sinnakki huxxu aana daaddanno.

LAYINKI MOOTOOLLA 15:29

Faaquhe gashshe noo yannara, Asoori moote Telgeltefelsoori Iyooni, Abeeli-Beeti-Maaka, Yaanoha, Qedeeshinna Hatsoori yinanni katamma, qoleno Geleaadi, Galiilunna Nifitaalemi baatto baala amadi. Mannano qafade Asoorira haa're ha'rinohu isi yannaraati.

ASTEERI 3:15

Moote hajajino garinni, dannawu katamira Suusaho lallawa faajjete egensiinsi. Rahe iillishanno gede sonkoonni mannino sokka gobba baala tuqisi. Dannawu katami Suusa hembeelame hee'reenna mootenna Haama mitteenni ofolte woyinete xajje agganni no.

ISAYAASI 28:1

Shaqqadu lagichira iimaanni hige noohura Samaariyu Katamira aanne'e! Gashshaanosi agge dimbitannoreeti. Ikkollana moolte daraarote gede giggiltanno.

ISAYAASI 5:12

Agattonsa yannarano maasinqonna bagana dibbenna suusulle shiqqi assidhanno. Kaaliiqi assino coye mittono diwodanchitanno.

ERMIYAASI 30:7

Bayisibao! Hakku shettote barri daanni no! Hakko barri gedeehu wolu dino. Ki'ne Yaiqoobi ilamara qarru barraati; ani kayinni hakkiinni gatiseemmo'ne» yii.

HIZIQEELI 9:4

«Yerusaalamete katami baalaho kawanna ka'a higge ha'rami. Katamaho assinoonnihu tiyyi'nanni coyinni kainohunni, lowo geeshsha yaade dadillanni noo manni albi aana malaate wori» yiisi.

HOOSEI 3:1

Kaaliiqi, «Hadhe, elise ledo foortanni noota albi ayiddaamakki galagalte baxise. Israeelete manni wole magannawa higirono, qeeqqitino laalo kaphu magannara shiqishate hasidhurono ani kayinni xaano baxeemmonsahu gede, atino ise baxise» yiie.

AMOOTSI 2:8

Asale baata dandiitannokki buxane aaninni uddano amadote adhitanno. Kakkalo shiqishshanno darga baalawa hattenne uddano diphite goxxanno. Asalaasinete anganni murote adhitinota woyinete xajje abbite Maganinsa mine agganno.

AMOOTSI 4:1

Maqalloonnihu Baasaani lali gede missinoonniri, Samaariyu meenti, konne coye macciishshe. Ki'ne wolqa hoogginore raateessitinanni; buxane gawajjitinanni; wo'manka woyite ayyiddaanna'ne, dimbisanno ago abbanno'ne gede qarrissinanni.

YOHAANNISI 12:3

Hatte yannara Maariyaami lowo woxinni hirrannita litirete darate ikkitanno shitto haadhe Yesuusi lekkara duntu; dananchisennino fiitu. Su'niilluno mine wo'mi.

ROOMU SOKKA 12:15

Hagiidhitannori ledo hagiidhe; wi'litannori ledo wi'le.

UMI QORONTOOSI 12:26

Manninatu giddonni mittu bisi dhiwamiro, wolu bisi gudisame dhiwamanno. Mittu bisi ayirrinye afi'riro, wolu bisi qole hattennenni hagiidhanno.

UMI XIMOOTEWOOSI 5:23

Godowikki gajaajjo daafira, shiima woyinete xajje agi ikkinnina kunni ka'a waa calla aggooti.