AMOOTSI 6:5 - Qullaawa Maxaafa

⁵ Daawiti gede addi addiha muuziiqu uduunne seekkidhine, maasinqotenni addi addiha mullicho sirba, sirbitinanni hagiidhitinanni.

AMOOTSI 6:5 ပူးပေါင်းရင်းမြစ်များ

KALAQAMA 31:27

Kulittoekkinni maaxante ha'ratenni mayira dogittoe? Kuloottoeha ikkoommero, hagiirrunninna faarsotenni, dibbetenninna baganunni geegiissineemmohe.

UMI DUDUWO 15:16

Daawiti roduuwinsa giddonni baganunni, maasinqotenninna tsenaatsiletenni hagiidhitanni faarsitannore wortanno gede albissanno Leewaawoota hajaji.

UMI DUDUWO 23:5

Shoole kume ikkitannore qole agaraasine assini. Wolootu shoolu kumi qolte, moote aannonsahunni muuziiqu uduunninni faarsotenni Kaaliiqa galattanno gede worri.

LAYINKI DUDUWO 29:26

Leewaawootu Daawitiha muuziiqu uduunne haadhe, qeesootuno xurumba anga haadhe Qullaawa Mine uurritu.

ROSIISAANCHO 2:8

Gashshoommo gobba baalantenni mootimma'ya minira lowo culkanna lowo birra gamba assi're duu'noommo. Guwisannoe labballinna meentino nooe. Hagiirsiisannohu woluno lowo meenti nooe.

ISAYAASI 5:12

Agattonsa yannarano maasinqonna bagana dibbenna suusulle shiqqi assidhanno. Kaaliiqi assino coye mittono diwodanchitanno.

HIZIQEELI 26:13

Sirbakkinna gingilaatunnita huurokki baala sammi asseemmo.

AMOOTSI 5:23

Faarso'ne canco anewiinni fafisse; maasinqo'ne luulo macciishsha dihasi'reemmo.

AMOOTSI 8:3

Hakko barra, Qullaawu Mini faarso wi'late soorrantanno. Lowo manni reeshshi base baalate uwe leellanno; wi'linikkinni sammi yine base baalate tunge agurranni» yii.

UMI PHEEXIROOSI 4:3

Daga assitanno gede akkimala ikkitonni, busha hamaandenni, dimbatenni, sirbatenni, dimbatenninna battennita kaphu maganna magansi'ratenni heedhinoonni diri ikkino.

YOHAANNIS AJUUJA 18:22

Gingilaate gantanni godo'litanno sirbaasine huuro, suusullenna xurumba ufuuffannori huuro, layinkimeeshsho atewa dimacciishshinanni. Uduunne seekkannohu addi addi ogimma afi'ranno manni, kunni ka'a giddokki dihee'ranno. Kunni ka'a giddokki daammu luulo dimacciishshinanni.