AMOOTSI 6:14 - Qullaawa Maxaafa

¹⁴ Olantote Mootichi Kaaliiqi, «Israeelete manna, horrannoha wole gobba manna aana'ne kayisammoraati; insano aliyyeenni Hamaati e'nanni waalchinni kayisse, wodiidoonni Araba Lagichi geeshsha iillite qarrissanno'ne» yii.

AMOOTSI 6:14 ပူးပေါင်းရင်းမြစ်များ

UMI MOOTOOLLA 8:65

Hakkiicho Qullaawa Mine Selemooninna Israeelete manni baalu 7 barra Daasu Ayyaana ayirrissu. Aliyyeenni Hamaati faronni kayise wodiidoonni Gibitsete danni geeshshinni lowo manni dayino.

LAYINKI MOOTOOLLA 14:25

Alba Israeelete amado ikkitinota aliyyeenni Hamaati sa'nanni faronni kayise wodiidoonni Reyino Baari geeshsha noo gobba baala qase qo'li. Kuni baalu ikkinohu Israeelete Magani Kaaliiqi Gaatihefeeri yinanniwa ilaminohu Amiitayi beetti himanaanchu Yoonaasi widoonni qole coyi'rino garinniiti.

LAYINKI MOOTOOLLA 15:29

Faaquhe gashshe noo yannara, Asoori moote Telgeltefelsoori Iyooni, Abeeli-Beeti-Maaka, Yaanoha, Qedeeshinna Hatsoori yinanni katamma, qoleno Geleaadi, Galiilunna Nifitaalemi baatto baala amadi. Mannano qafade Asoorira haa're ha'rinohu isi yannaraati.

LAYINKI MOOTOOLLA 17:6

Seliminaasoori, Hoosei moohihunni honsikki diro Samaariya qeele angara qo'li. Israeelete mannano qafade Asoorira haa're ha'ri. Insa giddonni gama Halaahi Katamira, gama Goozaani awuraajjira Haboori Wayi mule, woloota qole Medooni katammara heedhanno gede assi.

ISAYAASI 7:20

Hatte yannara, Kaaliiqi Efiraaxisi Wayi widiidinni kirunni haa're abbanno milaacenni Asoori mootenni umo'ne, ereeda'nenna bisi'nera noo danancho baala meedanno.

HIZIQEELI 47:20

«Galchimi danni Mediteraaniyu Baara ikkeenna, aliyyeenni Hamaati sa'nanni dargi galchimihu geeshsha iillanno.

HOOSEI 10:5

Samaariyu katamira hee'ranno manni Beetiaweeni nooha siitu suudinni seekkinoonniha kaphu magano lowo geeshsha waajjanno. Ayirrinyisi mulqaminohura mannisi wi'lanno. Kaphu magani qeesootino, «Woo» yite wi'litanno.

AMOOTSI 3:11

Kunnira diinu gobbansa doyisse amadanno; kinchunni huxxinoonnita katammansanna, qiishonsa soqanno. Ani Mootichu Kaaliiqi konne coye coyi'roommo» yii.