AMOOTSI 5:8 - Qullaawa Maxaafa

^8-9 Piliyaadisi yinannire 7 beeddahenna, Ooriyooni yinanni beeddahe, hubbo hubbo asse kalaqinohu Maganoho. Hashsha barraho, barra hashshaho soorrannohu, baaru waa gordu iimira fushshe, galagalche baattote aana lolaasannohu, wolqaataammanna qiishonsa buluulo assannohu isooti. Su'misino Kaaliiqaati.

AMOOTSI 5:8 ပူးပေါင်းရင်းမြစ်များ

IYYOOBI 12:22

Maaxamino coye tunsichunni haa're xawo fushshanno; beebba tunsicho xawaabba assanno.

IYYOOBI 37:13

Maganu xeena ganannohu, baatto shaqqisharaati. Qoleno manna qorichishara, woy baxillesi leellisharaati.

IYYOOBI 38:34

«Lolahu egemmannohe gede, xeena ganara gomicho hajaja dandaattoni?

IYYOOBI 9:9

Dibi, Ooriyooninna Piliyaadi yinanni beeddahenna, wodiidi ragaanni noo beeddahe, hubbo hubbo asse gordoho worinohu isooti.

FAARSO 104:20

Hashshano ati kalaqootto; hakko tunsichinni dubbu moyichi baalu fulanno.

FAARSO 105:28

Maganu hattenne gobba tunsichu amadanno gede assi; ikkollana Gibitsootu hajajosi diayirrissino.

ISAYAASI 42:16

Balloota hadhe egentinokki doogo, affe egentinokki faro qole haa're ha'reemmonsa. Albansaanni noo tunsicho xawaabba asseemmo; gudaagundo ikkino darga taashsheemmo. Konne coye baalanka coyi'roommohu aneetina, wonshummokkinni diagureemmo.

ISAYAASI 59:10

Illetenni afannokki manni gede babbaattinanni ha'neemmo; tunsote noohu gede barra xawoho sarraaqammeemmo; ree jeennaateho noohu gede ikkinoommo.

ERMIYAASI 16:21

Kaaliiqi, «Kunnira, manna baalaho wolqa'yanna roorre'ya egensiiseemmo; hakkunni gedensaanni ani Kaaliiqa ikkoommota affanno» yii.

ERMIYAASI 33:2

«Baatto kalaqoommohunna dargase ofoshshiishoommohu aneeti. Su'mi'ya Mooticha Kaaliiqaatina,

AMOOTSI 4:13

Ilaalla loosinohu, bubbe kalaqinohu, hedino coye mannaho leellishannohu, barri xawaabba tunsichoho soorrannohu, baattote tulluwa aana qaafannohu, Maganoho. Iso, «Wo'manka Dandaannohu Olantote Magani Kaaliiqi» yine woshshinanni.

AMOOTSI 8:9

Arrishsho barru taalootira e'anno yanna dagganno; baatto barra tunsitanno gede asseemmo.

AMOOTSI 9:6

Maganu hee'rannowa gordoho mi'nino; gordo baattote iimaanni qole guggushshi. Baaru waa gordu iimira fushshe, galagale baattote aana lolaasanno; konne baala assannohu Maganoho; su'misino Kaaliiqaati.

MAATEWOOSI 4:16

tunsote hee'ranno manni, lowo xawaabba lai. Reyote caali gobbara heedhannorira caabbichu fuli» yee himanino himani wo'manno gedeeti.

LUQAASI 1:79

Kuni caabbichi, tunsotenna reyote caalira heedhanno baalira xawanno; lekkankeno keeru doogo widira qole ha'risanno» yee himani.