AMOOTSI 5:6 - Qullaawa Maxaafa

⁶ Israeelete manna, lubbotenni heedhinanni gede, Kaaliiqa hasidhe. Gibbiniro kayinni, giirate gede ikke giiranno'ne. Beeteli heedhannoreno giira ittanno; hattenne giira xoyissannohu dihee'ranno.

AMOOTSI 5:6 ပူးပေါင်းရင်းမြစ်များ

LAYINKI SAAMUEELI 19:20

Ani soqqamaanchikki sao assoommota afe, kune techo aliyye ga're Israeelennita baala balaxe dayommo. Ate moote mooticha'yano haa'rammora dayommo» yii.

UMI MOOTOOLLA 11:28

Iyorbiaami jawaatanna ogeessa ikkinota afe, Minaasenna Efireemi ga're giddo wolqate looso loossannorira roorricha assinosi.

LAYINKI DUDUWO 34:25

Insa ane agurte wole magannara kakkaltino. Angansanni seekkidhino magannanni ane hanqissinoe. Yerusaalamete hanqoommohu hanqi'ya buwannota ikkinnina diqiidanno.

FAARSO 27:8

Ati, «Dagge magansi'rie!» yiittoe yannara, anino, «Kaaliiqa'ya maahoyye dayemmo» yuummo.

FAARSO 69:33

Maganu gadadaammu huuccatto macciishshanno; usurame nooha mannasi sammi yee diaguranno.

FULO 22:6

«Mittu manchi gatesi qasino giira ishinu aanaanni higge sa'e wolu gate ataachinoonniha woy uurre noo gide itturo, giira qasino manchi itamino jajja riqiwona.

ISAYAASI 1:31

Giira cide ittannohu gede, «Ninke wolqaataammaho» yitannore cubbinsanni kainohunni ayino hoolara dandaannokki bao amaddannonsa.

ISAYAASI 55:3

«Anewa higgine yeemmore macciishshe! Lubbotenni heedhinanni gede qaale'ya macciishshe. Daawitira oommota bagamannokki baxilli hexxo, ki'ne aana wonsheemmo.

ISAYAASI 55:6

Kaaliiqa leellanno yannara hasidhe; shiqqi yee hee'reenna woshshidhe.

ERMIYAASI 38:20

Anino, «Sayisse diuyitannohena, kuleemmoheha Kaaliiqi yiino coye calla macciishshi; hakkunni gedensaanni qinaannohe; lubbokkino gattanno.

ERMIYAASI 4:4

Ki'ne Yihudunna Yerusaalamete manni, ki'ne ledo eoommo gondooro agadhe. Wodani'ne bunshenni kainohunni, konne gondooro agadha gibbine, cubbu giddo hee'rate hasidhiniro, hanqi'ya giirate gede buwanno; xoyissa dandaannohuno dihee'ranno» yiinsa.

ERMIYAASI 7:20

Kunnira ani Mootichu Kaaliiqi, xa hanqo'yanna aara'ya konniicho mannunna saadate aana, dubbu haqqenna laalchu baalu aana duneemmo. Hanqi'ya xoyissine anfannikkiha ikkanno.

HIZIQEELI 21:3

Ani Kaaliiqi yeemmore kulte Israeelete gobba qorophisiissanni, ‹Ani diinakkiiti; bise'ya fushshe danchanna busha badummokkinni duuchanka sheemmo.

HIZIQEELI 33:11

Ani Mootichu Kaaliiqi heeshshote Magano ikka'yanni xaareemmona, cubbaataamu manchi, cubbo loosa agure lubbotenni hee'ranno gede ikkinnina cubbisinni reyanno gede horonta hasi'reemmokkita kulinsa. Kunnira, ‹Israeele, busha looso'ne agurre; reyo mayira hasidhinanni?› yite kulinsa.

HIZIQEELI 37:19

ani Mootichu Kaaliiqi Israeelete lawishsha ikkitino siqqo, Yihudu lawishsha ikkitino siqqo ledo mitteenni worate hedoommota kulinsa. Lamenta xaadise mitte siqqo asse amadeemmo.

AMOOTSI 3:14

Loosino cubbi daafira, Israeelete manna qorichisheemmo barra, Beeteli Katami giddo nooha kakkalote darga diigeemmo; kakkalote darga noo buuddano, hiiqqaqqante baattote aana ubbanno.

AMOOTSI 5:14

Lubbotenni heedhinanni gede, dancha ikkinnina busha coye hassinoonte. Hatto ikkitiniro, yitinanninte gede, halaalenka Olantote Mootichi Kaaliiqi, ki'ne ledo hee'ranno.

AMOOTSI 5:4

Kaaliiqi, «Israeelete manna, lubbotenni heedhinannina, ki'ne ane hasidhe.

AMOOTSI 6:6

Woyinete xajje birilletenni ikkikkinni, gawatetenni agginanni. Lowo geeshsha waaga iibbado shitto buudhitinanni; Israeelete aana daggino baora kayinni, horonta didadillitinanni. Konne baala coye assitinanni daafira, ki'nera aanne'e!

SOFFOONIYAASI 2:3

Hajajosi wonshitinanniri, tenne baatto aana heedhinanniri, ki'ne jooguullu Kaaliiqiwa higgine, dancha looso loosse. Kaaliiqi albaanni umo'ne heeshshi asse; kunni garinni Kaaliiqi hanqosi leellishanno barra miteekkitine qorichunni gattinanniha ikkanno.

ZAKKAARIYAASI 10:6

«Ani Yihudu manna jawaata asseemmo; Israeelete mannano gatiseemmo; marareemmonsa daafira galagalche gobbansa qoleemmonsa. Ani Kaaliiqi Maganinsa huuccattonsa macciishsheemmo daafira, kunni albaanni horonta agure egennoommonsakkiri gedeere ikkitanno.

MARRO 32:22

Hanqi'ya giirate gede buwe, baattote aana noore baala gudanno. Giirano jeennaatu geeshsha iillitanno; ilaallate safono ittanno.

MARRO 4:24

Magani'ne Kaaliiqi ittanno giiraati. Wole magano banxanna lae cincannokki Maganooti.

IYYAASU 18:5

Insa buuxxanno baatto lamalante ga'rera beenkanni. Yihudu ga're wodiidi ragaanni, Yooseefi ga're aliyye ragaanni, iillannonsa qeecha adhite heedhanno.