AMOOTSI 5:4 - Qullaawa Maxaafa

⁴ Kaaliiqi, «Israeelete manna, lubbotenni heedhinannina, ki'ne ane hasidhe.

AMOOTSI 5:4 ပူးပေါင်းရင်းမြစ်များ

UMI DUDUWO 28:9

Daawiti Selemoonira, «Beetto'ya Selemooni! Ane annikki Magano egennatto gede, wo'mu wodaninninna hagiidhitino hedonni soqqamattosi gede kuleemmohe. Isi hedonkenna halchonke baala egennino; isiwa gamba yiittoro, isino atewa gamba yaannohe; agurittosiro kayinni hegere geeshsha agurannohe.

LAYINKI DUDUWO 15:2

Isino fule Aasanni xaade, «Moote Aasa, ati Yihudunna Biiniyaami ga're baala yeemmo'nere macciishshe! Ki'ne Kaaliiqi ledo heedhiniro, isino ki'ne ledo hee'ranno. Hasidhinisiro afidhinannisi; agurtinisiro kayinni isino aguranno'ne.

LAYINKI DUDUWO 20:3

Iyosaafiixino lowo geeshsha waajjino daafira yaannosire afate Kaaliiqa huucci'rate hedi. Mannuno ita aga agure Kaaliiqa huuccanno gede Yihuda baalaho lallawi.

LAYINKI DUDUWO 20:4

Yihudu katammara noo manni baalu kaa'lannonsa gede Kaaliiqa huucci'rara rahe Yerusaalame dayi.

LAYINKI DUDUWO 34:3

Iyosiyaasi moohihunni settikki diro, anjenni hee're albi annisiha moote Daawiti Magano Kaaliiqa magansi'ra hanafi. Shoolu diri gedensaanni daga magansidhanno darguwa, Asheera mokkollonna wole misilla baala Yerusaalametenninna Yihudunni guda hanafi.

FAARSO 14:2

Wodanchannohunna Magano hasi'rannohu noo gedeenni afara, Kaaliiqi gordoho hee're manna baala lai.

FAARSO 22:26

Buxane duubba geeshsha ittanno; Kaaliiqa hasidhannori galattannosi; insa, heeshshonsa diri baalunkunni qawaaxxidhe heedho!

FAARSO 27:8

Ati, «Dagge magansi'rie!» yiittoe yannara, anino, «Kaaliiqa'ya maahoyye dayemmo» yuummo.

FAARSO 69:32

Konne coye affanno woyite qarraataammu hagiidhitanno; Magano magansidhannori jawaattanno.

FAARSO 69:33

Maganu gadadaammu huuccatto macciishshanno; usurame nooha mannasi sammi yee diaguranno.

ISAYAASI 31:1

Lowo farado, faradi gaarenna gaaddo afidhinota Gibitse hexxite, kaa'lote hakkiichira hadhannorira aanne'e! Israeelete Qullaawa ikkinoha hexxa agurtino; isi kaa'lono dihasidhino.

ISAYAASI 55:3

«Anewa higgine yeemmore macciishshe! Lubbotenni heedhinanni gede qaale'ya macciishshe. Daawitira oommota bagamannokki baxilli hexxo, ki'ne aana wonsheemmo.

ERMIYAASI 38:20

Anino, «Sayisse diuyitannohena, kuleemmoheha Kaaliiqi yiino coye calla macciishshi; hakkunni gedensaanni qinaannohe; lubbokkino gattanno.

HIZIQEELI 18:9

Togoo manchi hajajo'ya wonshanno; seera'yano ayirrisanno. Sumbesinni kainohunni lubbotenni hee'ranno; togo yeemmohu ani Mootichu Kaaliiqaati.

HOOSEI 10:12

Anino, ‹Kunni ka'a galo baatto hawuurre; keeraanchimma umi'nera wixidhe; anera ammanantinoonnire ikka'nenni daanno atoote gamba assidhinannina. Kuneeti ane Kaaliiqi'newa higginanni yanna xaati! Anino daye atoote xeenimma dirriseemmo'ne› yoommo.

AMOOTSI 5:6

Israeelete manna, lubbotenni heedhinanni gede, Kaaliiqa hasidhe. Gibbiniro kayinni, giirate gede ikke giiranno'ne. Beeteli heedhannoreno giira ittanno; hattenne giira xoyissannohu dihee'ranno.

SOFFOONIYAASI 2:3

Hajajosi wonshitinanniri, tenne baatto aana heedhinanniri, ki'ne jooguullu Kaaliiqiwa higgine, dancha looso loosse. Kaaliiqi albaanni umo'ne heeshshi asse; kunni garinni Kaaliiqi hanqosi leellishanno barra miteekkitine qorichunni gattinanniha ikkanno.

MAATEWOOSI 7:8

Huucci'rannohu baalu adhanno; hasi'rannohu afi'ranno; woshshi'rannohura fannannisi.

MARRO 32:46

«Konne Seera baalanka seekkite agadhitanno gede ooso'neno hajajjinara, ani techo faajjete kuleemmo'ne coye baala wodani'nera wodhe.

MARRO 32:47

Kuni qaali ki'nera seeda heeshsho aanno'neho ikkinnina, mullicho qaale di"ikkino. Kunni qaalinni Yordaanoosi Waa fultine ragidhinanni baattora seeda diro heedhinanni» yiinsa.

MARRO 4:29

Ikkollana, hakkiicho heedhine Magano'ne Kaaliiqa wo'mu wodani'nenna wo'ma lubbo'nenni hasidhinisiro afidhinannisi.