AMOOTSI 5:3 - Qullaawa Maxaafa

³ Mootichu Kaaliiqi, «Mittu Israeelete kataminni 1,000 bagadaano gaaddanno; gatte higgannori kayinni, 100 calla ikkitanno. Wolu kataminnino 100 bagadaasine gaaddanno; gatte higgannori kayinni, 10 calla ikkitanno» yii.

AMOOTSI 5:3 ပူးပေါင်းရင်းမြစ်များ

FAARSO 144:14

Saadanke baala fushshite huntukkinni qalante batidho; dooggankera dadillenna raare, horontanni macciishshinoonke.

ISAYAASI 1:9

Olantote Mootichi Kaaliiqi taraare gatisa hoogoommero, Yerusaalame Soddoomunna Gomooru katamma gede ikkite hooggino.

ISAYAASI 10:22

Israeele! Manni'ne baaru shaafi geeshshiha ikkirono, galagale shiimu manni callu higanno; insara malino qorichi qixxaawe no.

ISAYAASI 6:13

Tonnu giddonni mittu manchi gatiro nafa, jajjabba haqqe karreenna gatanno cifichi gedeeha ikkanno; gatino cifichi qullaawa wixa ikkanno» yiie.

HIZIQEELI 12:16

Insa giddonni shiimu manni olunni, hudetenninna dhibbunni gatanno gede asseemmo. Kunni garinni wole ga're mereero heedhe assitinori saalsiisannore ikkinota buuxxanno. Togo asse qorichishoommonsahu ani Kaaliiqa ikkoommota affanno» yee coyi'rie.

AMOOTSI 6:9

Mittu mini manni giddonni 10 manni gatirono, hakkurino reyitanno.

ROOMU SOKKA 9:27

Isayaasino qaalesi naggi asse Israeelete daafira, «Israeelete manni baaru shaafi gede kiiro batidhurono, insa giddonni shiimu manni callu gatanno.

MARRO 28:62

Magani'ne Kaaliiqira hajajama gibbinoonnihura, gordu beeddahe gede batidhine heedhinoonniri shiimu manni callu gattinanni.

MARRO 28:63

Kaaliiqi ki'ne duroonsatenninna kiiro'ne batisatenni hagiidhinte gede, ki'ne hunatenninna heedhinannikki gede assatenni hagiidhanno. Ragidhinara e'inanni gobbanni buqqisanno'ne.

MARRO 4:27

Kaaliiqi ki'ne dagate mereero billaallisanno'ne. Dagate mereero billaalliseenna'ne shiimu manni callu gattinanni.