AMOOTSI 5:22 - Qullaawa Maxaafa

²² Shilqote kakkalo'nenna, gidu fushshaate'neno diadheemmo'ne; mittimmate kakkalora shiqishshinannita, coontino saadano caaqqi yee dilaeemmo.

AMOOTSI 5:22 ပူးပေါင်းရင်းမြစ်များ

FAARSO 116:17

Galatu kakkalo shiqisheemmohe; ateno magansi'reemmohe.

FAARSO 40:6

Kakkalonna fushshaate dihasi'ratto; shilqonnitanna cubbu daafira shiqinshanni kakkalo dixa'mi'ratto; roorenkanni ati yaattota macciishshitanno macca oottoe.

FAARSO 50:23

Ayirrisannoehu galata kakkalannoe; hajajamannoehurano ani gatisaanchimma'ya leellisheemmosi» yaanno.

LAWISHSHA 15:8

Kaaliiqi bushuullu kakkalo giwanno; keeraanote huuccatto kayinni tashshi assitannosi.

LAWISHSHA 21:27

Cubbaataammu kakkalo battete; busha hedonni heedhe shiqishshanno woyite roore giwissanno.

ISAYAASI 1:11

Kakkalo'ne batinyi anera ma"assannoe? Xaa geeshsha shiqishshinoonniehu ge'rechu goci, shilqote kakkalonna misino booti coomi cee'mishshinoe. Woraamu, ge'reewunna meu gocca mundee dihagiirsiissinoe.

ISAYAASI 66:3

Anera booto kakkaltannoeri manna shitannoreeti; ge'rechu wilii'licho kakkaltannori woshichu haxo qiqqishshannoreeti. Gidu fushshaate abbitannoeri manchaamete mundee shiqishshannoreeti; hixaana giirtannoeri kaphu maganna magansidhannoreeti. Uminsa doogo hadhanno; hattenne assitino battenni hagiidhitanno.

ERMIYAASI 14:10

Manna'ya! Ki'ne foortinoonni; umo'ne ittisi'ra dihasidhinoonni. Kunnira ani giweemmo'ne; cubbo'ne qaage qorichisheemmo'ne.

ERMIYAASI 6:20

Ki'ne Yihudu manna! Saaba gobbanni hixaana, fafo gobbannino su'niitanno qimame abbitinoonnie; addi addi kakkalono kakkaltinoonnie; kuni anera ma assannoe? Konne abbitinoonnie afansha baala giwoommo.

ERMIYAASI 7:21

«Ani Israeelete Magani Olantote Mootichi Kaaliiqi kuleemmo'neri konneeti: Shilqote kakkalo wole kakkalo ledo xaadissine, maalano sammi yitinella itte.

LEEWAAWOOTA 7:11

«Anera shiqinshanni kakkalo mittimmannihu seeri kunninni aane nooho:

AMOOTSI 5:23

Faarso'ne canco anewiinni fafisse; maasinqo'ne luulo macciishsha dihasi'reemmo.

MILKIYAASI 1:9

Qoleno Olantote Mootichi Kaaliiqi, «Xa ki'ne qeesootu, eleemmo'ne gede ane Magano huuccidhe. Ki'newiinni hattoo afansha adhe huuccatto'ne macciishsheemmoha lawanno'neni?

UMI SAAMUEELI 15:22

Saamueeli, «Kaaliiqi, hajajamantenni roore fushshaatenna kakkalo baxannoha lawannoheni? Hajajama kakkalotenni, macciishsha ge'rechu goci coominni roortanno.