AMOOTSI 5:2 - Qullaawa Maxaafa

² Kuneeti seemo Israeele ubbu; galagalte ka"a hoogginohura, baattote aana diriirtu; gotti assannose kaa'laanchono diafidhino.

AMOOTSI 5:2 ပူးပေါင်းရင်းမြစ်များ

LAYINKI MOOTOOLLA 15:29

Faaquhe gashshe noo yannara, Asoori moote Telgeltefelsoori Iyooni, Abeeli-Beeti-Maaka, Yaanoha, Qedeeshinna Hatsoori yinanni katamma, qoleno Geleaadi, Galiilunna Nifitaalemi baatto baala amadi. Mannano qafade Asoorira haa're ha'rinohu isi yannaraati.

LAYINKI MOOTOOLLA 17:16

Maganinsa Kaaliiqi hajajo baala agurte magansidhannota 2 culkunni seekkinoonnita siittu misilla uurrisidhino. Qolteno Asheera mokkollicho seekkidhino; beeddahete kumbuultino; Ba"aalirano soqqantino.

ISAYAASI 14:21

Xa oosokki gorramate qixxaabbo; ate ooso, akaakkansa cubbinni kainohunni reyo agartannonsa. Kunni ka'a insa giddonni baatto ragi'rannohu, woy katama minannohu dihee'ranno.

ISAYAASI 24:20

Baatto dimbino manchi gede gaggabbanno; hombobolatte shaffino mini gede ikkitanno; cubbise duhi ayirrannose daafira ubbanno; galagalteno dika'anno.

ISAYAASI 3:8

Yerusaalame sarraaqante doogote aana no; Yihuduno uwara rahe no; coyinsanninna loosinsanni Kaaliiqa fonqolte ayirrinyesi shotissino.

ISAYAASI 37:22

Ani Kaaliiqi Senaakireemira, Yerusaalamete manni ate mishe arrassannohe; xooqatto yannarano ajiiffatannohe.

ISAYAASI 43:17

Faradonna faradi gaare, olantonna bagadaano baote widira haa're ha'rino; insano ka'annokki gede ikkite ubbino; uffu yineenna xoanno caabbichi gede ikkitino.

ERMIYAASI 14:17

Kaaliiqi anera leellannoere mare kuleemmonsa gede soyinoe. Anino, «Manni'ya lowo geeshsha madi'rino daafira, hashshanna barra ille'yanni hindiiddo lolakku.

ERMIYAASI 18:13

Kunnira Kaaliiqi, «Hanni daga xa'me; togoo coye macciishshine egenninoonnini? Israeelete manni macca gibbanno coye assino.

ERMIYAASI 2:27

Ki'ne anewa higa gibbine haqqicho, ‹Annankeeti› kinchono, ‹Amankeeti› yitinanni daafira, saalu amadanno'ne. Qarru iillanno'ne yannara kayinni, ‹Amo gatisinke› yitinannie.

ERMIYAASI 31:4

Baxeemmohe Israeele! Ani galagalche dhaaweemmohe; atino dhaawamatta. Dibbe gantanni hagiirrunni kubbatta.

ERMIYAASI 4:20

Bao baote aana dagganno; gobba baala diigante ona ikkitanno; dukkanna hedeweelcho ba'u; dukkuwano hakkawoyintenni dadhantu.

ERMIYAASI 50:32

Ki'ne boonaleeyye gosa, sarraaqantine ubbinanni; irkise gotti assanno'nehuno dihee'ranno. Katami'nera giira qaseemmo; qooxeessaho noori baalu giirame goofanno» yii.

ERMIYAASI 51:64

‹Kaaliiqi aanasi abbanno baonni kainohunni Baabilooni togo ikke uwe gatanno; layinkimeeshsho hakkiinni dika"anno› yii» yoommosi. Ermiyaasi hasaawi konne goofino.

ERMIYAASI 8:4

Kaaliiqi mannaho, «Uwino manchi layinkimeeshsho dika"anno? Doogo so're baino manchi dihiganno?

ERMIYAASI 9:21

Reyo waalchonke iillitino; qiishonke giddora e'ino; qaaqquulle doogote, wedellano gudumaaleho shitanno» yoommo.

ERMIYAASI 9:9

Halaalintanni konne manna qorichisha dihasiissannoe? Togoo manna dirabbisi'reemmo? Konne coye coyi'roommohu ani Kaaliiqaati.

ERMIYAASI QURTO 2:13

Yerusaalame! Baxamootta Yerusaalame! Kunni ka'a mayeemmo? Hiitto asse sheshifachisheemmohe? Togo shetinohu horonta wolu dino; dagginohe bao lowo baari gede dannu dinoote; hexxo assi'rattari mitturino dino.

HOOSEI 14:1

Israeelete manna! Magani'ne Kaaliiqiwa higge; sarraaqe tugino'nehu umi'ne cubbo ikkinota affe.

HOOSEI 6:2

Lamu barri gedensaanni baqqi assannonke; sayikki barra kayisannonke. Albasiinnino lubbotenni hee'neemmo.

AMOOTSI 8:14

‹Daani magano› woy ‹Bersaabehi magano› yitanni Samaariyu maganna battennite su'minni xaartannori ubbanno; ubbinowiinnino horonta dika'anno» yii.

AMOOTSI 9:11

Kaaliiqi, «Diigame uwino mini gede ikkinoha, Daawiti gashshoote galagalche uurriseemmo yanna dagganno. Huxxano dhaaweemmo; diigaminohano gatamareemmo; albi gede asse haaroonseemmo.