AMOOTSI 5:18 - Qullaawa Maxaafa

¹⁸ Kaaliiqi barra, hasidhinannirira ki'nera aanne'e! Hakku barri tunsichoho ikkinnina, xawaabba di"ikkinona, konne barra mayira hasidhinanni?

AMOOTSI 5:18 ပူးပေါင်းရင်းမြစ်များ

ISAYAASI 13:6

Kaaliiqi barri iillino; Wo'manka Dandaannohu bao abbaraatina wi'le!

ISAYAASI 24:18

Waajjishanno luulo xooqannohu, balete giddo uwanno; balete giddonni fule xooqannoha woshshaado amaddanno; iiminni wolqaataame barada dirritanno; baattote xinti shafamanno.

ISAYAASI 5:19

«Hanni la'neemmona Kaaliiqi assannore rahe diassannoyya? Hanni anfeemmona Israeelete qullaawa ikkinohu hedinore rahe assossiyya!» yitinannirira baalaho aanne'e!

ISAYAASI 5:30

Hatte yannara, baaru dambali gede gugganni Israeelete manni aana dagganno. Baatto la'anno woyite tunsichunna qarru gaangeesse noonsaha lawanno; gomichu xawaabba egemme tunsiisanno.

ISAYAASI 58:2

Insa kayinni barru barrunkunni hasidhannoe; doogo'ya afate halchitanno. Halaale loosino manninna, Maganinsa seera agurtinokkiri gede, halaalaancho yoo xa'midhannoe; ane Maganinsawa shiqqi yaa baxxanno» yii.

ISAYAASI 8:22

Uulla hige la"anno woyiteno shetto, waajjishannohunna beeshshe amadanno tunsichi callu leellannonsa; insano beebbu tunsichira tugantanno.

ISAYAASI 9:19

Olantote Mootichi Kaaliiqi hanqino; hanqisino baatto baalate giirate gede buwanni no. Mannu giirranni haqqe gede ikkanno; rodoosi nafa gatisannohu dihee'ranno.

ERMIYAASI 13:16

Tunsicho abbeenna, ilaallate aana sarraaqantinikkinni, xawaabba agadhitine heedhineenna, beebbu tunsichira soorrikkinni, Magano'ne Kaaliiqa ayirrisse.

ERMIYAASI 17:15

Kune, «Kaaliiqi yii coyi hiikkiyya? Hanni xa ikkossiyya?» yitannoe.

ERMIYAASI 30:7

Bayisibao! Hakku shettote barri daanni no! Hakko barri gedeehu wolu dino. Ki'ne Yaiqoobi ilamara qarru barraati; ani kayinni hakkiinni gatiseemmo'ne» yii.

HIZIQEELI 12:22

«Koo manchi beetto, Israeelete manni, ‹Kuneeti yanna sa'e hadhino; ajuujano mullare ikkite gattino› yaanni mayira coyi'ranno?

HIZIQEELI 12:27

«Koo manchi beetto, Israeelootu ajuujakkinna himanikki seedu dirinni wo'mannoho yite heddanno.

IYUEELI 1:15

Kaaliiqi barri gambisino. Wo'munkura Aliidi Magani bao abbanno barri iillino. Hakkunni barrira aanne'e!

IYUEELI 2:10

Baatto albansaanni shafantanno; gorduno huxi'ranno; arrishshonna aganu tunsanno; beeddaheno xo'anno.

IYUEELI 2:11

Kaaliiqino olantosira belequnni hajajo uyino; olantosino batinyete. Yiinore wonshannohu isi wolqaataamohona, Kaaliiqi barrino lowo geeshsha waajjishannohona, ayi dandaannosi?

IYUEELI 2:31

Jawunna waajjishannohu Kaaliiqi barri dayikkinni, arrishsho tunsitanno; aganuno mundeete soorramanno.

ABIDIYU 1:15

Lede, «Ani Kaaliiqi dagate yoo yeemmo barri mule no. Ki'ne Edoomi gosa, woloota assitinoonni beebba, ki'nerano iillitanno; assitinoonniri qole amadanno'ne.

MILKIYAASI 4:1

Olantote Mootichi Kaaliiqi, «Boonaleeyyenna bushare assitannori kuru gede ikkite giirantannohu yoote barri daanni no. Hatte yannara insa mittuno gattukkinni giirante ba'anno.

MARRO 32:24

Hude guddannonsa; buwanno fooggali itannonsa. Shettote dhibbinni reyitanno; gawajjannonsa gede dubbu moyicho, iddannonsa gede harfaamo hamaso soyemmo.

LAYINKI PHEEXIROOSI 3:10

Mootichu barri kayinni mooraanchu gede hedeweelcho daanno. Hakko barra gorduwa lowo luulinni ba'anno; kalaqamu baalu giirame ba"anno. Baattonna baattote aana loonsoonniri baalu giiramanno.

LAYINKI PHEEXIROOSI 3:4

Insa, « ‹Daanno yini hexxo hiikkituyya?› Akaakkanke reyitu warinni kayise baalunku coyi kalaqamunni xaa geeshsha noo garinnilla no» yitanno.