AMOOTSI 5:16 - Qullaawa Maxaafa

¹⁶ Kunnira Olantote Mootichi Kaaliiqi, «Dooggatenna nafara baalaho, woo woo yine wi'linanni raare macciishshinanni. Baatto loosi're galanno manni gatikkinni lassame daye, hamaaraancho kiirtannori ledo, reyino mannira wi'lanno.

AMOOTSI 5:16 ပူးပေါင်းရင်းမြစ်များ

LAYINKI DUDUWO 35:25

Himanaanchu Ermiyaasino Iyosiyaasira wi'lishshu geewo fushshi. Meentuno labballuno Iyosiyaasi qaage wi'lanno yannara techo geeshsha Ermiyaasi fushshino geewonni wi'lanno. Kuni coyino Israeelete gobbara roso ikki. Tenne geewo Israeelete qurto amadino maxaafi giddo borreessineenna no.

ISAYAASI 15:8

Moaabi qacce baalate raare macciishshinanni. Raarensano Egilayiminna Bieerieliimi katamma iillitanno.

ISAYAASI 22:12

Hatte yannara Olantote Mootichi Kaaliiqi, umo meexxitinanni gedenna, xiddu uddano uddidhine wi'litinanni gede woshshino'ne.

ERMIYAASI 30:5

«Ani Kaaliiqi keerunnita ikkitukkinni, raarennitanna masillu huuro macciishshanni noommo.

ERMIYAASI 4:31

Gamaa'mitanni noo manchota labbanno qoonqo macciishshoommo; ilte egentinokki mancho iltanna macciishshinanni qoonqo leeltinoe; tini qoonqo kayinni Yerusaalame foolu lamewa taeenna, angase farri assite, «Baumma! Kune shitaerawe daggu!» yitanni raartanno raareeti.

ERMIYAASI 9:10

«Ilaallate yaadeemmo; saada hossanno xawirano wi'leemmo; baalunkuri moole goofino. Hakkaanni hige sa"annohu mittuno dino; mannunna saadate hirbano dimacciishshinanni; ceanna moyichu baalu darame goofino.

ERMIYAASI 9:16

Insanna annuwansano affinokki daga mereero billaalliseemmonsa; co'o yite gooffa geeshsha shorreemmonsa» yiie.

HOOSEI 4:3

Kunninni kainohunni baattote aana moolle dagganno. Aanase hee'rannori baalu goofanno. Saada ceanna baaru giddo qulxu'mi baalu reyanno» yiino.

IYUEELI 1:11

Qamadenna hayixu, wolu gidino baino daafira, ki'ne loosidhinanniri dadille; ki'ne woyinete kaashshi annuwa wi'le.

IYUEELI 1:14

Mannu itanna aga agure huucci'ranno gede lallabbe! Manna baala xaado woshshe! Geerranna gobbate manna wo'manka, Maganu Kaaliiqi Minira gamba asse. Kaaliiqi widirano raarre.

IYUEELI 1:15

Kaaliiqi barri gambisino. Wo'munkura Aliidi Magani bao abbanno barri iillino. Hakkunni barrira aanne'e!

IYUEELI 1:8

Kunnira, huucci'rinohu reennase, xiddu uddano uddidhe wi'litannote gede, ki'neno hatto ikkitine wi'le.

AMOOTSI 3:13

Olantote Mootichi Kaaliiqi, «Konne coye macciishshe; Yaiqoobi sirchono qorophisiisse.

AMOOTSI 8:10

Diru ayyaani hagiirri'ne dadilleho, faarso'neno wi'late soorreemmo. Afidhino beetto shiidhe wi'litannori gede, umo meexxitine xiddu uddano uddidhinanni gede asseemmo; hakko barri goofimarchi qaraaro ikkanno» yoommo.

AMOOTSI 8:3

Hakko barra, Qullaawu Mini faarso wi'late soorrantanno. Lowo manni reeshshi base baalate uwe leellanno; wi'linikkinni sammi yine base baalate tunge agurranni» yii.

MIKIYAASI 1:8

Hakkunni gedensaanni Mikiyaasi, «Kunni daafira yaaddo'ya leellishate mulqi're mulla lekkanni ha'ranni yeedaalate gede ikke godoodeemmo; balgudu gede ikke raareemmo.

MIKIYAASI 2:4

Kuni duuchu ikkanno yannara mannu ki'nere maammaahanni qacifatanno'ne. Ki'ne aana iillino qarrira, « ‹Ninke wo'munku horontanni ba'noommo. Maganu baattonke adhe, hajajantannokkirira beehino› yitanni wi'lishshitanno» yaanno.

YOHAANNIS AJUUJA 18:10

Iillinose qarra la'anno woyite, waajjitino daafira xeertote uurrite, «Bati'ranna jawaata Baabilooni, ate aanne'e! Xaano ate aanne'e! Mitte saate giddo baokki daggu» yitanno.

YOHAANNIS AJUUJA 18:19

Lowo geeshsha dadillitino daafira uminsara buko giggishshidhanni, «Baaru aana markaawe afidhinori baalu, kunni kataminni duroo'mitino. Hatti bati'ra Baabilooni, mitte saate giddo ba'inona aanne'e! Aanne'e!» yite wi'litanno.