AMOOTSI 5:15 - Qullaawa Maxaafa

¹⁵ Busha coye hunne; dancha coye baxxe; yoote nafara baala halaale xeissinoonte. Miteekke Olantote Mootichi Kaaliiqi, gatinoha Israeelete manna mararannoha ikkannona.

AMOOTSI 5:15 ပူးပေါင်းရင်းမြစ်များ

LAYINKI SAAMUEELI 16:12

Miteekke Kaaliiqi shetto'ya lae rumosi maasso assannoeha ikkanno» yiinsa.

UMI MOOTOOLLA 20:31

Ledosi gashshaano, «Israeelete mootoolla marartannoreeti yinanna macciishshinoommo. Kunnira miteekke gatisannoheha ikkannona, halloho xiddu uddano usudhine, goowaho siiwo xaaxi'ne Israeelete mootewa ha'noni?» yitu.

LAYINKI MOOTOOLLA 13:7

Iyoahaazira 50 faradaasine, 10 faradi gaarenna 10,000 olanto agurranna wole olanto dinosi. Kuni ikkinohu Sooriyu moote wole olantosi ayiddummete kuri gede fee mucuqqi asse gude agurino daafiraati.

LAYINKI MOOTOOLLA 15:29

Faaquhe gashshe noo yannara, Asoori moote Telgeltefelsoori Iyooni, Abeeli-Beeti-Maaka, Yaanoha, Qedeeshinna Hatsoori yinanni katamma, qoleno Geleaadi, Galiilunna Nifitaalemi baatto baala amadi. Mannano qafade Asoorira haa're ha'rinohu isi yannaraati.

LAYINKI MOOTOOLLA 19:4

Asoori moote Heeshshote Magano xonara mitto gaadaanna soyino. Maganikki Kaaliiqi konne coye macciishshe xoninoha qorichishannoha ikkanno. Kunnira hanni manninke giddonni gatte lubbotenni heedhannori daafira huuccinke› yiino yite» kultusi.

FAARSO 119:104

Wogakkinni hayyo afi'roommo; kunnira, busha hoshsha giwoommo.

FAARSO 34:14

Bunshetewiinni xooqi; danchumma assi; keere hasi'ri; hoodesino ha'ri.

FAARSO 36:4

Ma'nasira hee're sarraaqo malanno; busha doogonni horonta difafanno; busha coye calla baxanno.

FAARSO 37:27

Bunshetewiinni xooqqe, dancha coye assittoro, sirchikkino baattote aana geedanno.

FAARSO 80:1

Yooseefi sircho ge'reewu gede massagattohu, Israeelete allaalaancho ballo, macciishshinke! Kirubeeli iimaanni ayirradu barcimikkira ofolte leelli.

FAARSO 97:10

Isi bunshe gibbannore baala baxanno; Kaaliiqi keeraanote lubbo agaranno; bushu manni angannino gatisannonsa.

FULO 32:30

Muse layinki barra kae mannaho, «Ki'ne lowo cubbo loossinoonnina, miteekke eegama'ya lae cubbo'ne agurannoha ikkiro, hanni ani kayinni galagale ilaala Kaaliiqiwa mareemmo» yiinsa.

ERMIYAASI 18:8

hatti gosa kayinni aagintaabbe bunshensawiinni higguro, hedoommoha busha coye agureemmo.

ERMIYAASI 22:3

«Taalonna halaale loosse; ku'u ko'onne gawajjannokki gede agarre. Manni gobba manna, annanna ama afidhinokkirenna galte shii'rino meento gadadissine tootayyeessitinoonte. Tenne gobbara beebbaataamu manchi mundee duntinoonte.

ERMIYAASI 31:7

Kaaliiqi qole, «Daga baala roortino Israeele daafira, ilillissinanni faarse; Israeelete taraare ikkinoha mannasi gatisino.

HIZIQEELI 45:9

Mootichu Kaaliiqi, «Ki'ne Israeelete gashshaano seeda yanna cubbo loossinanni keeshshitinoonni. Xa kayinni beebbanna gadadishsha agurre; suwashshonna taalo ikkino coye asse. Manni'ya layinkimeeshsho baattote aaninni shorramanno gede assitinoonte. Konne coye kuleemmo'nehu ani Mootichu Kaaliiqaati.

DAANIEELI 2:49

Daanieeli kuleenna Sidiraaqi, Misaaqinna Abidinaago Baabilooni awuraajjira gashshaano asse shoominsa. Daanieeli kayinni mootete mininni fafikkinni hee'ri.

IYUEELI 2:14

Mayi afino? Miteekke Magani'ne Kaaliiqi hanqunni higannoha ikkanno; intannirinna anganniri fushshaatira ikkanno jajja, halashshe aa dandaanno.

AMOOTSI 5:10

Ki'ne yoote nafara, rufe seejjanno'neha gibbinoonni; halaale coyi'rannohano diqattinoonni.

AMOOTSI 5:24

Hatteentenni halaalaancho yoo, buichote wayi gede, keeraanchimmano xoannokki xashshi gede lolakko.

AMOOTSI 5:6

Israeelete manna, lubbotenni heedhinanni gede, Kaaliiqa hasidhe. Gibbiniro kayinni, giirate gede ikke giiranno'ne. Beeteli heedhannoreno giira ittanno; hattenne giira xoyissannohu dihee'ranno.

AMOOTSI 6:12

Farashsho kinnate aana gulunfannini? Handunni baara hawuurrannini? Ki'ne kayinni yoo qaraarote soorritinoonni; halaaleno kaphoho galchitinoonni.

AMOOTSI 7:3

Kaaliiqino marare hedinota agure, «Kuni laitto coyi di"ikkanno» yiinoe.

YOONAASI 1:6

Markaawete hajajaanchino isiwa shiqqi yee, «Tenne yannara mayira goxootto? Miteekke marare gatisannonkeha ikkannona, ka'e maganokki huuccinke» yitu.

YOONAASI 3:9

Baotenni ganteemmo gede, miteekke Maganu marare waajjishannoha hanqosi agurannoha ikkanno» yii.

MIKIYAASI 2:12

«Ki'ne baotenni gattinoonniri Israeelete manna! Ge'reewu allaaletewiinni hige goo'raana eannohu gede, ani wo'manka mittowa gamba asseemmo'ne. Ge'reewu wo'mino qanchi gede, baatto'nerano mannu wo'manno gede asseemmo» yaanno.

MIKIYAASI 3:2

Ki'ne kayinni dancha coye gibbine busha coye baxxinoonni. Manna'ya uurro gogansa dultine maalansa miqichinsawiinni baddinoonni.

MIKIYAASI 5:3

Kunnira, amasi iso ilta geeshsha Kaaliiqi mannasi diinaho sayise aanno. Hakkunni gedensaanni, qafadante heedhannori roduuwisi higge ga'rensa ledo karsantanno.

SOFFOONIYAASI 2:3

Hajajosi wonshitinanniri, tenne baatto aana heedhinanniri, ki'ne jooguullu Kaaliiqiwa higgine, dancha looso loosse. Kaaliiqi albaanni umo'ne heeshshi asse; kunni garinni Kaaliiqi hanqosi leellishanno barra miteekkitine qorichunni gattinanniha ikkanno.

MILKIYAASI 3:18

Hatte yannara anera soqqamannoehura danchu manchira assinannisi danchummanna soqqamannoekkihura bushu manchira iillannosi qarra manni'ya la"anno» yaanno.

ROOMU SOKKA 12:9

Baxilli'ne goowi aliha ikkoonke. Busha coye gibbe; dancha coye cu'midhe.

ROOMU SOKKA 7:22

Giddoyidi mannimma'ya Maganu Seerinni hagiidhitanno.

ROOMU SOKKA 8:7

Maalu coyinni amadamino manchi Maganu ledo gibbote; Maganu Seerirano dihajajamanno; hajajameno diafanno.

SAYIKKI YOHAANNISI 1:11

Jaala'ya! Dancha ikkinnina busha labbooti; danchare assannohu Maganunniho; bushare assannohu kayinni Magano diafino.