AMOOTSI 5:14 - Qullaawa Maxaafa

¹⁴ Lubbotenni heedhinanni gede, dancha ikkinnina busha coye hassinoonte. Hatto ikkitiniro, yitinanninte gede, halaalenka Olantote Mootichi Kaaliiqi, ki'ne ledo hee'ranno.

AMOOTSI 5:14 ပူးပေါင်းရင်းမြစ်များ

KALAQAMA 39:23

Usuru mini roorrichino Yooseefi anga noore mittoreno dila"anno. Kaaliiqi ledosi noo daafira, assannori baalu qiniisi.

UMI DUDUWO 28:20

Moote Daawiti beettisi Selemoonira, «Mitte giddohanna muratoottoha ikki; waajjittokkinninna wolqa baittokkinni looso hanafi. Soqqameemmosihu Magani'ya Kaaliiqi ledokki no. Isi Qullaawa Minesi minte gudatto geeshsha atewiinni dibaxxanno; diagurannohe.

LAYINKI DUDUWO 15:2

Isino fule Aasanni xaade, «Moote Aasa, ati Yihudunna Biiniyaami ga're baala yeemmo'nere macciishshe! Ki'ne Kaaliiqi ledo heedhiniro, isino ki'ne ledo hee'ranno. Hasidhinisiro afidhinannisi; agurtinisiro kayinni isino aguranno'ne.

FAARSO 46:11

Olantote Mootichi ledonke no; Yaiqoobi Magani golonkeeti.

FAARSO 97:10

Isi bunshe gibbannore baala baxanno; Kaaliiqi keeraanote lubbo agaranno; bushu manni angannino gatisannonsa.

FULO 3:12

Maganuno daware, «Ani ledokki hee're kaa'leemmohe; Israeele Gibitsetenni fushshatto yannara, kunni ilaalira magansidhinannie; kunino ani soommoheta egensiisate malaate ikkannohe» yiisi.

LAWISHSHA 11:27

Dancha coye hasi'rannohu, dancha coye afi'ranno. Bunshe hasannohu kayinni, bushu coyinni xaadanno.

ISAYAASI 55:2

Kaa'litannori nookki sagalera woxe mayira fushshidhinanni? Duushshitannokki sagalera mayira daafurtinanni? Ani yeemmota macciishshitinoommero, woyyitino sagale afidhine hagiidhitinanni.

ISAYAASI 8:10

Malano ma'le! Heddinoonniri kayinni di"ikkanno'ne. Hasidhini gede qixxaabbe! Maganu ledonke noo daafira hedo'ne diwo'mitanno.

AMOOTSI 3:3

Lamu manchi sumuu yitukkinni, mitteenni hadhannoni?

AMOOTSI 5:6

Israeelete manna, lubbotenni heedhinanni gede, Kaaliiqa hasidhe. Gibbiniro kayinni, giirate gede ikke giiranno'ne. Beeteli heedhannoreno giira ittanno; hattenne giira xoyissannohu dihee'ranno.

MIKIYAASI 3:11

Katamu mootoollano yoo uyitannohu gubbo itteeti; qeesootinsa jajja uyinikkinni dirosiissanno; himanaanonsano woxiweello himana dicoyidhanno. Kuni duuchu ikke hee'reenna, «Kaaliiqi ninke ledo noo daafira mittu qarrino di"iillannonke» yitanni Kaaliiqa hexxitanno.

MIKIYAASI 6:8

Dee'ni; danchu coyi maatiro Kaaliiqi kulinoe. Isi ninkewiinni hasi'rannohu, taalo ikkino coye assinammora, danchumma wo'mitino baxille leellinshammoranna Maganu ledo gudisamme joongillunni hee'nammoraati.

SOFFOONIYAASI 2:3

Hajajosi wonshitinanniri, tenne baatto aana heedhinanniri, ki'ne jooguullu Kaaliiqiwa higgine, dancha looso loosse. Kaaliiqi albaanni umo'ne heeshshi asse; kunni garinni Kaaliiqi hanqosi leellishanno barra miteekkitine qorichunni gattinanniha ikkanno.

KIIRO 16:3

Musewanna Aarooniwa dagge, «Ki'ne quwa mayira sa'inanni? Mannu baalunku qullaawaho. Kaaliiqi ninke ledono noowe. Wo'munku coyira ki'ne calluwu albaanni mayira sa'inanni?» yitunsa.

MAATEWOOSI 1:23

«Kuneeti, seemo godobbe labbaa beetto iltanno; su'masino Amaanueeli yinanni» Amaanueeli yaa, «Maganu ninke ledo no» yaate.

MAATEWOOSI 28:20

Hajajoommo'nere baala assitanno gede rosiissensa! Kuneeti, gobbate goofimarchi geeshsha ani ki'ne ledo noommo» yiinsa.

MAATEWOOSI 6:33

Ki'ne kayinni balaxxine Maganu Gashshootenna keeraanchimmasi hasidhe; hakkuyi ka'ire baala lendanni'nena.

LAYINKI XIMOOTEWOOSI 4:22

Mootichu, ayyaanikki ledo hee'ro. Maganu elto ledo'ne heedho.

IYYAASU 1:9

Ha'ratto darga baalaho ani Kaaliiqi Maganikki ledokki noommona, ‹Bashshi yitooti! Jawaati!› yee hajajummoheta habbooti. Horonta waajjitooti; hexxono mudhitooti» yee coyi'risi.