AMOOTSI 5:11 - Qullaawa Maxaafa

¹¹ Buxane miiccinoonni; gidensano wolqatenni adhitinoonni; minna kinchunni mi'nitinoonni; ikkollana diheedhinanni. Hagiirsiissannota woyinete haqqe kaasidhinoonni; ikkollana isenni worroonnita, woyinete xajje diagginanni.

AMOOTSI 5:11 ပူးပေါင်းရင်းမြစ်များ

ISAYAASI 16:10

Woyinete kaashshi giddo hagiidhannohu mittuno dihee'ranno; ililleettenna faarso dimacciishshinanni. Angannita woyinete xajje huuncannohu dihee'ranno; hagiirru ililleetteno diheedhanno.

HIZIQEELI 26:12

Diinnakki jirokkinna daddalu uduunnekki saantanno; kinchu huxxuwakkinna biifadda minnakki baala diigganno. Kinna, haqqenna diigammore baala massite baaru giddo huntanno.

HIZIQEELI 34:21

Yaradda qoti'nenninna lekka'nenni xiibbine tugginanni; buudda'nenni qassinanni hoshshate giddonni fushshitinanni.

HOOSEI 9:2

Kunni daafira, kunni ka'a ayiddumme'nera gidu, kooffichi'nerano woyinete xajje horonta diheedhanno. Woyinete kaashshi'neno guma diaanno'ne.

LEEWAAWOOTA 26:16

anino hedeweelcho masille, ille hunannohanna manninate maniissannoha fooggashshannohanna shetisanno dhibba abbeemmo'ne; gide beebballa wixidhinannina loosidhinoonniha diini'ne itanno.

AMOOTSI 2:6

Kaaliiqi, «Israeelete manni marro marro hige loosino cubbi daafira, mararro nookki kaajjillinni qorichishummokkinni diagureemmo. Insa asale qola dandiinokkiha beebbaataamonna koattete waaga baata dandiinokkiha buxicho mancho borojjimmate hirtino.

AMOOTSI 2:7

Wolqa afidhinokkirenna kaa'lannohu nookkire bukote aana tugge umonsa kakkaddanno. Gadadaamma xiibbe doogote aaninni fushshitanno. Annunna beettu mitte soqqamaancho ledo foortanno. Kunni loosinsanni qullaawa su'ma'ya batteessitanno.

AMOOTSI 3:15

Hawadinna arri minnansa baala huneemmo; daaniichu hinkonni biifinse, minnoonni minnansa baala diigantanno; lowiddaanna minna baala to'anno» yii.

AMOOTSI 3:9

Gibitsenniteranna Ashidooditera, kinchunni huxxinoonni katammara heedhannorira baalaho: Samaariyu qaccera noo ilaalla aana gamba yiiyye; hakkiicho noo wottonna, assinanni beebba baala la'e yitine lallabbe.

AMOOTSI 4:1

Maqalloonnihu Baasaani lali gede missinoonniri, Samaariyu meenti, konne coye macciishshe. Ki'ne wolqa hoogginore raateessitinanni; buxane gawajjitinanni; wo'manka woyite ayyiddaanna'ne, dimbisanno ago abbanno'ne gede qarrissinanni.

AMOOTSI 6:11

Kaaliiqi hajajonni jajjabba minna cancanantanno; shiimmaadda minnano butu butu yitanno.

AMOOTSI 6:12

Farashsho kinnate aana gulunfannini? Handunni baara hawuurrannini? Ki'ne kayinni yoo qaraarote soorritinoonni; halaaleno kaphoho galchitinoonni.

AMOOTSI 8:4

Ki'ne buxane kaddinanniri, gadadaamma gobbatenni huntinara hasidhinanniri baalu, konne coye macciishshe.

AMOOTSI 9:14

Manna'ya Israeele galagalche gobbansa qoleemmo; diigantino katamma galagalchite mi'nite giddonsa heedhanno. Woyineno kaasidhe woyinete xajje agganno; addi addi haqqe kaasidhe laalonsa ittanno.

MIKIYAASI 1:6

Kunnira Maganu, «Mine diinge xawoho duunnoonni kinna gede asseemmose; woyine kaansanniwa ikkitanno; katamise giggilono lagicha qole duneemmo; xintaseno reqecci asseemmo.

MIKIYAASI 2:2

Hasidhuro manni baatto wolqatenni loosidhanno. Mine hasidhuro manniha giddetenni adhitanno. Manna fugge beeshshite jajjansa adhitanno.

MIKIYAASI 6:15

Gide wixidhinannita ikkinnina, gamba diassidhinanni. Ejersu laalo huuncidhinannita ikkinnina zayitesi dihoroonsidhinanni. Woyinete laalo huuncidhinannita ikkinnina diagginanni.

SOFFOONIYAASI 1:13

Jironsa baalanti saamantanno; minnansano diigantanno. Hattenne yannara mine mi'nitanno; ikkollana digaltanno. Woyineno kaasidhanno; kayinnilla woyinete xajje diagganno» yaanno.

HAGE 1:6

Kuneeti lowoha wixidhine shiima gamba assidhinanni; ittinanni sagale diduushshitanno'nete; agginanniri kassi diassanno'neho; diphitinanniri di"iibbanno'ne; loossine afidhinanni woxi dadhanchu ogorira wodhitinoonnihu gedeeti» yii.

MILKIYAASI 1:4

Eesawu sircho ikkitinori Edoomootu, «Katammanke diigantino. Ikkirono galagalchine mi'nineemmo» yituro, Olantote Mootichi Kaaliiqi, «Insa mintanno. Ani kayinni diigeemmo. Wolu manni insa, ‹Busha gobbaati; Kaaliiqi hegere geeshsha hanqino gosaati› yaannonsa» yii.

MARRO 28:30

«Adhitinara huuccidhinoonnita, wolu amade shollishanno. Mi'nitinoonni minira wolu galanno. Kaasidhinoonni woyineta laalose di"ittinanni.

YAIQOOBI 2:6

Ki'ne kayinni buxane mishshinanni. Gadadissanno'nerinna yoote minira goshooshshe haadhe hadhanno'neri dureeyye di"ikkitino?