AMOOTSI 4:8 - Qullaawa Maxaafa

⁸ Mannu aganno waa hasi'ranni, katamunni katama saino. Ikkollana goo'ro fushshanno waa diafi'rino. Ki'ne kayinni gaabbitine, galagaltine anewa dihigginoonni. Konne coye coyi'roommohu ani Mootichu Kaaliiqaati.

AMOOTSI 4:8 ပူးပေါင်းရင်းမြစ်များ

UMI MOOTOOLLA 18:5

Akiaabi Abidiyura, «Faradunna gaangootu reyannokki gede hayisso anfa ikka? Hanni xashshunna lagu noowa marte lai. Guma gede saada reyotenni gatisi'neemmoha ikkannona» yiisi.

ISAYAASI 9:12

Isino soojjaatinni Sooriyoota, galchiminni Filisxeemoota soye egemmitannonsa gede assi. Kunni baalu giddoonni hanqisi kayinni diqiidino. Angasi insa qorichishate ka'inowiinni dihiggino.

ERMIYAASI 23:14

Yerusaalamete himanaano kayinni, hakkiinni sa'ino bunshe assitino; foortanno; kaphu himana kultanno. Mannano bunshete kakkayissanno; bunshe loosa agurannohuno dihee'ranno; mannu Soddoomunna Gomooru manni gedeeha ikkino.

ERMIYAASI 3:3

Kunnira, badheessinna hawadi xeeni dirrannokki gede hooloommo. Ati kayinni foortanno mancho gede saaliweelo ikkootta.

ERMIYAASI 3:7

Konne baala assituhu gedensaanni, galagalte anewa higgannoha lawinoena, kayinnilla galagalte dihiggino. Mittoreno hexxinannikkiti rodoose Yihudu konne coye baala affino.

ERMIYAASI 5:3

Anino, ‹Illekki halaale la'annota ikkitinota afoommo; kaphinsa daafira mannakki qorichishatto. Insa kayinni be'eno diyitanno. Ati insa cancanoottonna qoomootto; insa kayinni roorenka haxawarroota ikkite, cubbinsawiinni higa gibbino› yoommo.

HOOSEI 11:5

«Insa kayinni anewa gamba yaa gibbinohura galagalte Gibitse higganno. Asoori moote anga galtannoreno ikkitanno.

HOOSEI 7:10

Israeelete mannira uminsa adawarshi naqqasanno. Kuni baalu ikke hee'reennanni ane Kaaliiqi Maganinsawa dihiggino; horontanni dihasidhinoe.

AMOOTSI 4:6

Kaaliiqi qole, «Hinkotenni qassinanni sagale ho'le, katamma'ne baalate qarra facci asse agureemmo. Ki'ne kayinni gaabbitine, galagaltine anewa dihigginoonni.

MIKIYAASI 6:14

Ittinannillana, diduubbinanni; hudeno ki'newiinni diho'litanno. Lowo coye gamba assidhinanni; ikkollana kassi diyitinanni. Gamba assidhinoonni jiro heedhurono olunni huneemmo.

HAGE 1:6

Kuneeti lowoha wixidhine shiima gamba assidhinanni; ittinanni sagale diduushshitanno'nete; agginanniri kassi diassanno'neho; diphitinanniri di"iibbanno'ne; loossine afidhinanni woxi dadhanchu ogorira wodhitinoonnihu gedeeti» yii.

HAGE 2:17

Kunni garinni loosidhinoonni jajja baala hunate dhibba, mooshshitanno bubbenna kaade soommo'ne; ki'ne kayinni, kuni duuchu iilleenna'ne nafa anewa dihigginoonni.