AMOOTSI 4:7 - Qullaawa Maxaafa

⁷ Loosidhinoonni gidi iillara, sasu agani gate hee'reenna, xeena ganannokki gede assoommo. Mittu qachira gane, wolu qachira ganannokki gede assoommo. Mittu gati xeena ganeenna, wolu gate hooge moolino.

AMOOTSI 4:7 ပူးပေါင်းရင်းမြစ်များ

FULO 10:22

Museno angasi iima qole kayisi; Gibitsete baatto baala 3 barra beebbu tunsichi amadi.

FULO 10:23

Gibitsootu mimmitonsa affara dandiitinokki daafira, 3 barri geeshsha mininni difultino; Israeele noowa kayinni xawaabbaho.

FULO 8:22

Manni'ya hee'rannotera Geeseemi Baattora kayinni torondu hee'rannokki gede asseemmo; konne asseemmohuno, ani Kaaliiqi tenne Gibitsete gobbara loosanni noommota afatto gedeeti.

FULO 9:26

Kaade Israeelete manni hee'rannowa Geeseemi Baattora calla didirritino.

FULO 9:4

Israeeletenna Gibitsete saada mereero badooshshe woreemmo; Israeelete saada giddonni mittuno direyanno.

ISAYAASI 5:6

Hakkunni gedensaanni woyine'ya diquuxeemmo; giddono dilooseemmo. Kunnira woyine ishinu, kokko'lunna utu egemmanno gede asseemmo. Xeena ganannokki gede gomicho hajajeemmo» yii.

ERMIYAASI 14:22

Dagate maganna mittuno xeena dirrisse diaffanno; gorduno umisinni shora dishoranno. Kaaliiqa Maganonke, konne baala assa dandaattohu ate ikkootto daafira, ninke ate hexxineemmo.

ERMIYAASI 14:3

Mootoolla soqqamaanonsa waa dirritara kofamma sokkanno; shiima waano hoogge ora'e, mulla gambayibba adhite higganno.

ERMIYAASI 14:4

Xeenu hoogino daafira, baatto moolte dhodhookkanno; loosidhannorino tultaabbe, umo heeshshi yitanno.

ERMIYAASI 3:3

Kunnira, badheessinna hawadi xeeni dirrannokki gede hooloommo. Ati kayinni foortanno mancho gede saaliweelo ikkootta.

IYUEELI 2:23

«Ki'ne Tsiyooni gosa, Magani'ne Kaaliiqinni tashshi yoo'nena, hagiidhe. Isi taashshe, bashsho gede badheessinna hawadi xeena, ikkanno geeshshiha uyino'ne.

ZAKKAARIYAASI 14:17

Olantote Mooticha Kaaliiqa mootensa assidhe kumbuultara daggannokki gosara xeena diganannonsa.

YOHAANNISI 4:35

Ki'ne kayinni, ‹Shoolu agani gedensaanni gide gamba assi'nanni yanna iillitanno› diyitinanni? Ani kuleemmo'nena ille'nenni la'e! Gidu laalino; gamba assateno iillino.

UMI QORONTOOSI 4:7

Ati wolu mannira aliidiha assinohehu ayeti? Noohere baala uyinohehu Magano di"ikkino? Uyinoonnisikkihu gede ikkite umokki mayira bokkeessattoyya?

MARRO 11:17

Konne coye assitiniro Kaaliiqi hanqi aana'ne buwanno. Isino xeena ganannokki gede, baattono guma uyitannokki gede gordo cufanno. Ki'neno Kaaliiqi aanno'netenni dancha baattonni hakkawoyintenni ba'inanni.

YAIQOOBI 5:17

Eeliyaasi ninke gedee manchooti. Ikkollana xeena ganannokki gede seekke huucci'ri yannara, sase dironna lee agana baattote aana xeena diganino.

YOHAANNIS AJUUJA 11:6

Insa Maganu sokka kultanno yannara, xeena ganannokki gede gordo cufa dandiitanno. Hasidhu yanna baalate waa mundeete soorranna baattote aana addi addi qoomama dirrisa dandiitanno.