AMOOTSI 4:13 - Qullaawa Maxaafa

¹³ Ilaalla loosinohu, bubbe kalaqinohu, hedino coye mannaho leellishannohu, barri xawaabba tunsichoho soorrannohu, baattote tulluwa aana qaafannohu, Maganoho. Iso, «Wo'manka Dandaannohu Olantote Magani Kaaliiqi» yine woshshinanni.

AMOOTSI 4:13 ပူးပေါင်းရင်းမြစ်များ

IYYOOBI 9:7

Maganu arrishsho, ‹Fultooti!› beeddaheno, ‹Xabbooti!› yaanno.

FAARSO 135:7

Xeena amadino gomicho baattote qaccenni abbanno; xeenu yannara banqo dirritanno gede assanno; bubbeno noo darginni fushshe soyanno.

FAARSO 139:2

Ati asseemmore baala egennootto; hedo'ya baala xeertote heedhe afatto.

FAARSO 147:18

Hakkunni gedensaanni hajajo aanno; kaadeno shiiltanno; bubbe bubbissanno; wayino lolahanno.

FAARSO 65:6

Jawaata wolqakki leellishshanni, ilaalla base basensara uurrisootto.

FULO 10:22

Museno angasi iima qole kayisi; Gibitsete baatto baala 3 barra beebbu tunsichi amadi.

FULO 14:20

Gibitsootunna Israeelete mereero uurritu; gomichuno Gibitsootaho tunsiisi; Israeelete widoonni kayinni xawi; kunnira hashsha wo'ma Gibitsete olanto Israeelootunniwa gamba yitukkinni galtu.

ISAYAASI 40:12

Wayibba hoowisinni, gordo taakkosinni bikkinohu, baattote bushsha saffunni safarinohu ayeti? Ilaallanna gaarra, keenaasinchunni keeninohu ayeti?

ISAYAASI 45:7

Tunsichonna xawaabba kalaqeemmo; gadadonna qawaaxxo abbeemmo. Konne baala asseemmohu ani Kaaliiqaati.

ISAYAASI 47:4

«Gatisaanchinke Olantote Mootichaati; su'misino, Israeelete Qullaawaati.

ISAYAASI 48:2

Ki'ne, «Qullaawu Katamira hee'neemmo; Olantote Mooticha Israeelete Magano hexxineemmo» yitine adawadhitinanni.

ISAYAASI 5:30

Hatte yannara, baaru dambali gede gugganni Israeelete manni aana dagganno. Baatto la'anno woyite tunsichunna qarru gaangeesse noonsaha lawanno; gomichu xawaabba egemme tunsiisanno.

ERMIYAASI 10:13

Ati hajajatto yannara gordoho noo wayibba luultanno; baattote qaccennino gomicho gamba assite abbatto; xeenu yannarano banqo beleqqanno gede assatto; bubbeno maaxoottowiinni fushshatto.

ERMIYAASI 10:16

Ati baalankare kalaqoottohu, Israeelete Magani kayinni, insa gedeeha di"ikkootto. Israeelete manna umikki manna assidhe doodhootto; su'mikkino Olantote Mootichaati.

ERMIYAASI 13:16

Tunsicho abbeenna, ilaallate aana sarraaqantinikkinni, xawaabba agadhitine heedhineenna, beebbu tunsichira soorrikkinni, Magano'ne Kaaliiqa ayirrisse.

ERMIYAASI 46:18

Ani Olantote Mootichi Kaaliiqi, mootete; qoleno ani Heeshshote Maganooti. Taaboori Ilaali ilaalla baalate aliidiha ikkinonte gede, Qermeloosi Ilaalino baaraho iimaanni noonte gede, ki'nera aleenni higinohu wolqaataamu daanno.

ERMIYAASI 51:16

Ati hajajatto yannara gordoho noo wayibba luultanno; baattote qaccennino gomicho gamba assite abbatto; xeenu yannarano banqo beleqqanno gede assatto; bubbeno maaxoottowiinni fushshatto.

ERMIYAASI 51:19

Ati baalankare kalaqoottohu, Israeelete Magani kayinni, insa gedeeha di"ikkootto. Israeelete manna umikki manna assidhe doodhootto; su'mikkino Olantote Mootichaati.

DAANIEELI 2:28

Ikkollana go'lino coye baala leellishanno Magani gordoho no. Isi kunni ka'ira ikkanno coye baala atera leellishinohe. Goxxe heedhe haaqii'rootto haaqeenna wodanikki giddo noo ajuuja kuneeti:

DAANIEELI 2:30

Kuni go'lino coyi anera leellinoehu ani wolu manninni roore egennaamo ikkoommohura di"ikkino. Ikkollana ati haaqeete tiro afatto gedenna wodanikki giddo kawanna ka'a higganni noo hedo wodancha dandaatto gedeeti.

HOOSEI 12:6

Kunnira ki'ne Yaiqoobi sirchi Magani'ne kaa'lo hexxe; isiwano higge. Baxillenna halaalaancho yoo duudhine amadde. Agurtinikkinni Magano cincatenni agadhe.

IYUEELI 2:2

Hakku barri tunsichunna limixete barraati; gomichunna dhi'mote tunsichi barraati. Lowotinna jawaata bagadaano, soodimari tunsichi gede ikkite ilaalla guggushshitanno. Bi're hundinni kayise hattoo coyi ikke diegennino; hakkunni gedensaannino dihee'ranno.

AMOOTSI 3:13

Olantote Mootichi Kaaliiqi, «Konne coye macciishshe; Yaiqoobi sirchono qorophisiisse.

AMOOTSI 5:8

Piliyaadisi yinannire 7 beeddahenna, Ooriyooni yinanni beeddahe, hubbo hubbo asse kalaqinohu Maganoho. Hashsha barraho, barra hashshaho soorrannohu, baaru waa gordu iimira fushshe, galagalche baattote aana lolaasannohu, wolqaataammanna qiishonsa buluulo assannohu isooti. Su'misino Kaaliiqaati.

AMOOTSI 6:8

Wo'manka Dandaannohu Mootichu Kaaliiqi, «Israeelete manni naaxxa giwisinoe; qinaado minna'neno tiyyi'roommo. Kunnira katamanna, katamu giddo heedhannore baala, diinaho sayise eemmo» yee su'misinni xaarino.

AMOOTSI 8:9

Arrishsho barru taalootira e'anno yanna dagganno; baatto barra tunsitanno gede asseemmo.

AMOOTSI 9:6

Maganu hee'rannowa gordoho mi'nino; gordo baattote iimaanni qole guggushshi. Baaru waa gordu iimira fushshe, galagale baattote aana lolaasanno; konne baala assannohu Maganoho; su'misino Kaaliiqaati.

MIKIYAASI 1:3

Kuneeti, Maganu Qullaawu Minisinni daanni no; dirre ilaallate umi aana ha'ramanno.

IMBAAQOOMI 3:19

Mootichu Kaaliiqi wolqa aannoe; lekka'yano geedimunnite gede asse kaajjishannoe; ilaallate aana fafisi're qaafeemmo gede assannoe.

ZAKKAARIYAASI 12:1

Gordo diriirsinohu, baatto kalaqinohu, mannahono heeshshote foole uyino Kaaliiqi Israeelete soyino sokka,

MAATEWOOSI 9:4

Yesuusi giddonsata afe, «Konne busha coye wodani'nenni mayira heddinanni?

YOHAANNISI 2:25

Isi mannu wodanire baala egennino daafira, mannunnire ayino kulasira dihasiisinosi.

YOHAANNISI 3:8

Bubbe baxxu widira bubbissanno; luulo macciishshatto; maminni daggannoronna mamira hadhannoro kayinni diafatto. Ayyaanunni ilaminohu baalu hattooti» yiisi.

MARRO 32:13

«Kaaliiqi, mannisi gaaraame Kana"aani baatto gashshanno gede assino; gatinsa laalchono ittanno gede assinonsa. Kinnate giddonni malawo itisinonsa; kinnaame baattora zayitete ejersa fushshinonsa.

MARRO 33:29

Ki'ne Israeelete manni, hiitto baraadhinoonnireeti! Kaaliiqi wode gatisinohu, ki'ne gedee manni mama no? Kaaliiqi umisi gargadhitinanninna qeeltinanni gede, assitanno wonqootinna biseeti. Diinna'ne higgenke yitanni ki'newa dagganno; ki'neno kaddine aanansa uurritinanni.