AMOOTSI 4:11 - Qullaawa Maxaafa

¹¹ «Soddoomanna Gomoora hunummonte gede ki'ne giddonnino lowo manna hunoommo. Ki'ne giddonnino gattinoonnire giira ittuhu gedensaanni gate fulino haqqichi gedeere ikkitinoonni. Kuni baalu ikke hee'reennanni gaabbitine anewa dihigginoonni. «Konne coye coyi'roommohu ani Kaaliiqaati.

AMOOTSI 4:11 ပူးပေါင်းရင်းမြစ်များ

ISAYAASI 13:19

Gashshoote baalaho qara ikkinoha, mannisi hexxannosiha Baabilooni gashshoote Soddoomunna Gomooru gede asse diigeemmo.

ISAYAASI 7:4

Xaadatto woyite, ‹Deantooti; wodanaa'mi; massooti; waajjitooti› yite xo'anni noo giira wiliile gedeere 2 mootoolla Retsiininna Remaaliya waajjannokki gede kulisi.

ISAYAASI 9:12

Isino soojjaatinni Sooriyoota, galchiminni Filisxeemoota soye egemmitannonsa gede assi. Kunni baalu giddoonni hanqisi kayinni diqiidino. Angasi insa qorichishate ka'inowiinni dihiggino.

ERMIYAASI 23:14

Yerusaalamete himanaano kayinni, hakkiinni sa'ino bunshe assitino; foortanno; kaphu himana kultanno. Mannano bunshete kakkayissanno; bunshe loosa agurannohuno dihee'ranno; mannu Soddoomunna Gomooru manni gedeeha ikkino.

ERMIYAASI 49:18

Soddoomunna Gomooru qooxeessinsara noo katamma ledo, diigantu wari gedee bao, ki'ne Edoomi manni aanano dagganno. Gobba'nera layinkimeeshsho mannu dihee'ranno. Konne coye coyi'roommohu ani Kaaliiqaati.

ERMIYAASI 5:3

Anino, ‹Illekki halaale la'annota ikkitinota afoommo; kaphinsa daafira mannakki qorichishatto. Insa kayinni be'eno diyitanno. Ati insa cancanoottonna qoomootto; insa kayinni roorenka haxawarroota ikkite, cubbinsawiinni higa gibbino› yoommo.

ERMIYAASI 50:40

Soddoomanna Gomoora, qooxeessinsara noo katamma ledo diigummonte gede, Baabiloonino hatto asseemmo. Hakkiicho layinkimeeshsho mannu dihee'ranno. Konne coye coyi'roommohu ani Kaaliiqaati» yii.

HIZIQEELI 24:13

Yerusaalame! Foorrekki batteessitinohe; ani keereensammohera hasi're hee'reennanni, ati kayinni keeraa'ma giwootta. Wolqa'ya leellishammohe geeshsha horonta dikeeraa'matta.

HOOSEI 11:5

«Insa kayinni anewa gamba yaa gibbinohura galagalte Gibitse higganno. Asoori moote anga galtannoreno ikkitanno.

HOOSEI 11:8

«Israeele! Ate hiitto asse agureemmohe? Hiitto asseno sayise eemmohe? Adaamanna Tseboyimi assummo gede, hiitto huneemmohe? Ate lowo geeshsha baxeemmohe daafira, konne baala assammora wodani'ya diaannoe.

AMOOTSI 4:6

Kaaliiqi qole, «Hinkotenni qassinanni sagale ho'le, katamma'ne baalate qarra facci asse agureemmo. Ki'ne kayinni gaabbitine, galagaltine anewa dihigginoonni.

HAGE 2:17

Kunni garinni loosidhinoonni jajja baala hunate dhibba, mooshshitanno bubbenna kaade soommo'ne; ki'ne kayinni, kuni duuchu iilleenna'ne nafa anewa dihigginoonni.

ZAKKAARIYAASI 3:2

Kaaliiqi sokkaasinchino Sheexaane, «Ate Sheexaane, Kaaliiqi rufohe! Yerusaalame baxannohu Maganu rufohe! Kuni manchi, Kaaliiqi boosaasinchu gede giirate giddonni haa're fushshinohowe!» yiisi.

ROOMU SOKKA 9:29

Isayaasi umo asse, «Olantote Mootichi Kaaliiqi taraare gatisa hoogoommenkero, ninkeno Soddoomunna Gomooru Katami gede, ba'ne hoongoommo» yee coyi'rino.

UMI QORONTOOSI 3:15

Giiramisiro kayinni mulla anganni gatanno; isi umisi gatanno; gatasi kayinni giirate giddonni xooqe fulino manchi gedeete.

MARRO 28:24

Kaaliiqi baatto'ne xeena bukotenna buluuloho soorranno. Kunino ki'ne hunate gordunni dirranno.

MARRO 29:23

Loosidhinanni baatto maxinetenninna baattote giddonni fulino ruqaninni dhiwantanno. Mittoreno dikaansanni; ciirannorino dihee'ranno; lophanno haqqi dimu'ranno. Tenne baattora dagganno goofo, jawu Kaaliiqi hanqi galchinohu Soddoomunna Gomooru, Adaamanna Sibayiimite gedeeta ikkitanno.

LAYINKI PHEEXIROOSI 2:6

qoleno cubbo loossannori baalu jiiltanno gede Soddoomunna Gomooru katamma buluulo ikkita geeshsha giire ba'anno gede assiro,

YIHUDA 1:23

Mito mito giirate giddonni fushshitine gatissensa! Mito mitono lagaabbinota uddanonsa kisi'ra gibbinanni heedhinenni, waajjillu ledo insa kayinni mararrensa.

YIHUDA 1:7

Soddoomunna Gomooruno qooxeessinsara noo katamma ledo foorrennire ikkitino; foorretenni mannaho nookki akkimale ikkitino. Kunnira insa hegere giiranni qorichishantannorira lawishshaho.

YOHAANNIS AJUUJA 9:20

Kunni qoomaminni reyitukkinni gattinori busha looso agurte diaagintaabbino. Durriisahonna culkunni, birrunni, camotenni, kinchunninna haqqetenni seekkinoonnirira la"a, woy macciishsha, woy ha'ra dandiitannokki maganna kaphunnitera soqqama diagurtino.