AMOOTSI 4:1 - Qullaawa Maxaafa

¹ Maqalloonnihu Baasaani lali gede missinoonniri, Samaariyu meenti, konne coye macciishshe. Ki'ne wolqa hoogginore raateessitinanni; buxane gawajjitinanni; wo'manka woyite ayyiddaanna'ne, dimbisanno ago abbanno'ne gede qarrissinanni.

AMOOTSI 4:1 ပူးပေါင်းရင်းမြစ်များ

UMI MOOTOOLLA 16:24

Hakkunni gedensaanni Omiiri Shemeeri yinanni manchiwiinni Samaariyu gaara 6,000 kinchu birrinni hidhi. Gaaru aana qiisho qiishihu gedensaanni katama mini. Katamaho gaaru annira aanche su'ma, Samaariya yee fushshi.

IYYOOBI 24:4

Buxane doogote aaninni xiibbe fushshitanno; gadadaammu insawiinni xooqqe maaxantanno.

FAARSO 12:5

Kaaliiqi kayinni, «Buxanete qarrira, mitiimmaammu raarera xa kaeemmo; halchitino keereno eemmonsa» yaanno.

FAARSO 140:12

Kaaliiqa, ati buxanete halaale coyi'rattota, qarraataammahono dancha malattota afoommo.

FAARSO 22:12

Lowo baarigaarra woraammate gede gaangeessitinoe; qassanno woraamma Baasaanite gede doyissitinoe;

LAWISHSHA 22:7

Dureessu buxane gashshanno; liqii'rannohu liqiissannohura borojjicho ikkanno.

ROSIISAANCHO 4:1

Xaano kalqete aana assinanni beebba afoommo; gadadantinori sheshifachishannonsaha hoogge wi'litanna laoommo. Roorre baala gadadissannonsarita ikkitinohura kaa'lannonsaha diafidhino.

ROSIISAANCHO 5:8

Mitte gobbara buxane beebba assi'nannanna halaale dawinsanna affe dhaggeeffattooti. Rooreho rooru no; insa wo'munkura aleenni hige la"annohu no.

ISAYAASI 28:1

Shaqqadu lagichira iimaanni hige noohura Samaariyu Katamira aanne'e! Gashshaanosi agge dimbitannoreeti. Ikkollana moolte daraarote gede giggiltanno.

ISAYAASI 5:8

Gobbate ki'ne calluwu heedhinanniha laweenna'ne, noo'ne baatto aana lexxate manna shorritine mine minu ledo xaadisatenna gate gatu ledo mitto assate hasidhinannirira ki'nera aanne'e!

ISAYAASI 56:12

Insa insanaa, ‹Amme woyinete xajje adhine, ange dimbinona! Ga'a barri techohu gedeenkalla ikkannona, woy isinni techohunni woyyinoha ikkanno› yitanno» yii.

ISAYAASI 58:6

Ani baxeemmo qatuma gadado hooltinanni gedeeti; halaale dawisa agurtinaraati; qambara hiiqqitine kadantinore fushshitinanni gedeeti.

ERMIYAASI 50:11

Kaaliiqi, «Ki'ne Baabilooni gosa! Manna'ya mulqidhine hagiidhitinanni kukkubbitinoonni; kalote giddo burraaqqanno adde gede ikkitinoonni; misino farashshi gede himimmissinoonni.

ERMIYAASI 50:27

Qorichinshanninsa yanna iillitinona, Baabilooni wedella, woraamma gorrinannihu gede assitine gorre.

ERMIYAASI 51:34

Baabilooni moote Nabukadanatsoori, Yerusaalame murmure itino; Katama mullichu gambayichi gedeeha assino. Moyichu gede asse egemmino; hasi'rino geeshsha adhe, gatinore hune agurino.

ERMIYAASI 6:6

Olantote Mootichi Kaaliiqi mootoollate, «Haqqe dolle; Yerusaalamete gaangaawira, bushsha duuntine qiisho seekke; giddosi bunshe wo'mitino daafira qoricha adha hasiissannosi.

ERMIYAASI 7:6

Manni gobba manna, annanna ama afi'rinokkirenna gunnoota xiibbinoonte. Tenne gobbara hee'rannoha beebbaataamo manna shitinoonte. Ba'inannina kaphu maganna magansidhinoonte.

HIZIQEELI 18:12

buxanenna qarrantinore miiciro, manni jajja wolqatenni adhiro, woxe liqiissanno woyite amadote adhinoha qolannokkiha ikkiro, wole daga magansidhannowa mare kaphu maganna magansi'ratenni tiyyi'nanni coye assiro,

HIZIQEELI 22:12

Mannikki giddonni mitu mitu manna shaate woxe adhitanno; mitu mitu uminsa mannira Israeelete nafa qallote liqiissitanno. Insa hanaaqqe doogimale duroo'mitanno; ane horonta habbino. Konne coye coyi'reemmohu ani Mootichu Kaaliiqaati.

HIZIQEELI 22:27

Roorrootinsa, shitino saada bibbiddanno hiyyeeyye gedeereeti; hanaaqunni duroo'mitara yite manna shitanno.

HIZIQEELI 22:29

Dureeyye wolunniha dogge gudhitanno; buxanenna qarrantinore raateessitanno. Manni gobba manni halaale beeshshite tootayyeessitanno.

HIZIQEELI 22:7

Giddokki annunna ama shollitino; manni gobba manna xagartinanni; galte afi'rinokki meentonna buxo tootayyeessitinanni.

HIZIQEELI 34:16

«Bainore hasi'reemmo; billaallinore gamba assi'reemmo; hiiqqaminore sisseemmo. Dhiwaminore xagiseemmo; misinorenna jawaatinore kayinni sammi yee agureemmo. Togo asseemmohuno ani taashshe laeemmo allaalaancho ikkoommohuraati.

HIZIQEELI 39:18

Kunni garinni bagadaanote maala ittanno; gashshaanote mundeeno agganno. Kuri baalunku maqalloonniri Baasaani gocca ge'reewunnite gede, qolteno goodannu, meu goccanna boottate gede gorrantanno.

IYUEELI 3:3

Qafadaminoha manna'ya beeqqate hixa tuqqitino. Meentu ledo foortara yite labballi ooso sayisse uyitino; woyinete xajje aggara seenne borojjimmate hirtanno.

AMOOTSI 3:1

Israeelete manna! Gibitsetenni fushshoommo'nerira baalaho ani Kaaliiqi coyi'roommo coye macciishshe:

AMOOTSI 3:3

Lamu manchi sumuu yitukkinni, mitteenni hadhannoni?

AMOOTSI 5:11

Buxane miiccinoonni; gidensano wolqatenni adhitinoonni; minna kinchunni mi'nitinoonni; ikkollana diheedhinanni. Hagiirsiissannota woyinete haqqe kaasidhinoonni; ikkollana isenni worroonnita, woyinete xajje diagginanni.

AMOOTSI 6:1

Israeelete manni ayirrisanno'nerinna huucci'ranno'neri, Tsiyooni qawaaxxaamminna, Samaariyaho waajjitinikkinni heedhinanniri, egennantinoonni gashshaano, ki'nera aanne'e!

AMOOTSI 6:6

Woyinete xajje birilletenni ikkikkinni, gawatetenni agginanni. Lowo geeshsha waaga iibbado shitto buudhitinanni; Israeelete aana daggino baora kayinni, horonta didadillitinanni. Konne baala coye assitinanni daafira, ki'nera aanne'e!

MILKIYAASI 3:5

Olantote Mootichi Kaaliiqi, «Yoo yaammora ki'newa dayemmo. Bitaammu, foortannori, kaphunni naqqassannori, loossinonsari hunkee gatisidhannori, galte shii'rino meentonna annanna ama afidhinokki ooso qarrissannori, manni gobba manniha halaale dawissannorinna ane waajjitannokki manni aana rahe naqqaseemmo.

KIIRO 21:33

Hakkunni gedensaanni Baasaanira massitanno doogo amadde hadhu. Baasaani moote Aaginna olantosi baala Edirayi yinanniwa olaho fultu.

MARRO 24:14

«Fiixi'ne Israeelenniha ikko katamma'nera hee'rannohu manni gobba manni buxenna gadadame soqqamino'neha hunkeensa ittinoonte.

MARRO 28:33

Baatto'ne laalchonna daafuro'ne baalanka affinoonnikki gosa ittanno. Mararro nookkiha gadadantine heedhinannita ikkinnina lexxitinanniri dihee'ranno.