AMOOTSI 3:10 - Qullaawa Maxaafa

¹⁰ Kaaliiqi, «Kuni manni danchare assa diegennino. Wolqatenninna beebbatenni adhitino jajja, kinchunni huxxinoonni katammara wonshidhanno.

AMOOTSI 3:10 ပူးပေါင်းရင်းမြစ်များ

IYYOOBI 20:21

Ite duuwannokkiha ikkino daafira, jirosi lowo yanna dikeeshshitanno.

FAARSO 14:4

Kaaliiqi, «Manna'ya sagalimma ittannorinna, ane magansidhannokkiri, woyyanno coye afa hasiissannonsani!» yaanno.

LAWISHSHA 1:13

Lowoha dancha uduunne adhineemmo; mulqine adhineemmo uduunne mine wonshi'neemmo.

LAWISHSHA 11:16

Godowa shaqqado mancho ayirritanno; mararro noosekkiri kayinni jirolla gamba assidhanno.

LAWISHSHA 28:5

Bushu manni halaalu maatiro diegennino; Kaaliiqa hasidhannori kayinni seekkite egentino.

ROSIISAANCHO 4:1

Xaano kalqete aana assinanni beebba afoommo; gadadantinori sheshifachishannonsaha hoogge wi'litanna laoommo. Roorre baala gadadissannonsarita ikkitinohura kaa'lannonsaha diafidhino.

ERMIYAASI 4:22

Kaaliiqi, «Manni'ya ane afannokki balalaati; wodancha afidhinokki oosooti; horontanni diqaaggannoreeti. Bunshe loosate lowo geeshsha busultinoreeti; dancha coye assinanni gara kayinni horonta diegentino» yaanna macciishshoommo.

ERMIYAASI 5:4

Hakkunni gedensaanni ani, ‹Kuni manni buxanetenna, egenno xe'ino hawanyaati. Kaaliiqi doogo diegennino; Maganinke Seerano diafino.

HIZIQEELI 18:7

Ayeno didoganno; woy aye jajjano wolqatenni diadhanno. Woxe liqiissanno woyite amadisiinsoonnisire baala qolanno; hudi'rinoha itisanno; kallinoha uddisiisanno.

HIZIQEELI 22:29

Dureeyye wolunniha dogge gudhitanno; buxanenna qarrantinore raateessitanno. Manni gobba manni halaale beeshshite tootayyeessitanno.

HIZIQEELI 8:17

Kaaliiqino, «Koo manchi beetto, tenne dhagge la"atto? Kuni Yihudu manni, konne la"attoha tiyyi'nanni coye baala assatenninna gobbate aana barshe halashsha callatenni deeffatannoha di"ikkino. Roorenka kawa Qullaawu Minira nafa suwe daye, konne baala assatenni ane layinkimeeshsho hanqisaera hasi'ranno; dandaaminsa garinni ane aarsate xontannoe gara lai.

HOOSEI 7:1

«Israeele hursatenna galagalche duroo'mitanno gede assate hasi'reemmo yannara cubbinsanna saonsa xabbe leeltanno. Insa insanaawa kapho coyidhanno; mine unte moortanno. Garo kalaqidhe dooggate manna mulqidhanno.

AMOOTSI 4:1

Maqalloonnihu Baasaani lali gede missinoonniri, Samaariyu meenti, konne coye macciishshe. Ki'ne wolqa hoogginore raateessitinanni; buxane gawajjitinanni; wo'manka woyite ayyiddaanna'ne, dimbisanno ago abbanno'ne gede qarrissinanni.

AMOOTSI 5:7

Yoo dawissinanniriranna, halaale kaphoho soorritinannirira ki'nera aanne'e!

AMOOTSI 6:12

Farashsho kinnate aana gulunfannini? Handunni baara hawuurrannini? Ki'ne kayinni yoo qaraarote soorritinoonni; halaaleno kaphoho galchitinoonni.

AMOOTSI 6:3

Ki'ne, «Bushu barri rahe didaanno» yitine heddine barshe loossinanni.

AMOOTSI 6:8

Wo'manka Dandaannohu Mootichu Kaaliiqi, «Israeelete manni naaxxa giwisinoe; qinaado minna'neno tiyyi'roommo. Kunnira katamanna, katamu giddo heedhannore baala, diinaho sayise eemmo» yee su'misinni xaarino.

MIKIYAASI 6:10

Cubbaataammu minensa kaphunninna dogatenni afidhino jiro wonshidhino. Ani giwoommoha kaphu safaraasincho horoonsidhino.

SOFFOONIYAASI 1:9

Kaphu maganna magansidhannore, mootichinsa mine hanaaqunninna xagarrotenni afidhino jiro wonshitannore qorichisheemmo» yaanno.

LAYINKI PHEEXIROOSI 3:5

Kuni manni lowo yannara albaanni gordu Maganu qaalinni kalaqaminotanna baattono wayinni xaadde wayi mereero noota affanni heedhenni, afinokkihu gede ikkitanno.