AMOOTSI 2:7 - Qullaawa Maxaafa

⁷ Wolqa afidhinokkirenna kaa'lannohu nookkire bukote aana tugge umonsa kakkaddanno. Gadadaamma xiibbe doogote aaninni fushshitanno. Annunna beettu mitte soqqamaancho ledo foortanno. Kunni loosinsanni qullaawa su'ma'ya batteessitanno.

AMOOTSI 2:7 ပူးပေါင်းရင်းမြစ်များ

LAYINKI SAAMUEELI 12:14

Ikkollana, tenne sao assatenni Kaaliiqa lowo geeshsha mishootto daafira, ilaminohu qaaqqikki reyanno» yiisi.

UMI MOOTOOLLA 21:4

Naabute, «Akaakka'yawiinni ragi'roommota atera dieemmo» yiino daafira Akiaabi giirame hifatamanninna hanqanni minira ha'ri. Sagaleno itannokkiha daallasisira sae alba xarrate widira hige goxi.

LAWISHSHA 28:21

Godowa hosa dancha di"ikkitanno; mitu kayinni shiima sagalera halaale dawisanno.

ISAYAASI 10:1

Manna'ya gadadisate kaajjado seera fushshitinannirira anne'e!

ISAYAASI 10:2

Buxanete halaale beeshshitinannirira, galte shii'rinorenna amanna anna afidhinokkire tootayyeessitinannirira aanne'e!

ISAYAASI 3:14

Kunnira mannisi albisootanna amaalaasine yoonniwa shiqqi asse, «Woyinete laalo gatissinikkinni mucuqqi assitine gudhitinoonni; buxanetewiinni wolqatenni haa'noonni jiro mine wonshidhinoonni.

ISAYAASI 3:15

Manni'ya mikita hiiqqatenna buxane gadadisate ayi fajji'ne? Konne coye coyi'roommohu ani Olantote Mootichi Kaaliiqaati» yii.

HIZIQEELI 22:11

Mitu mitu olliinsa meenti ledo foortanno; wolootu oosonsa seenni ledo foortanno. Qoltineno, anni'neta woy ama'ne beetto rodoo'ne ledo foortinanni.

HIZIQEELI 36:20

Daga, ‹Kuri Kaaliiqi mannaati; ikkollana, uyinonsa baattonni buqqisantino› yitannansa, martuwa baala dagate mereero qullaawa su'ma'ya xonsiissino.

HOOSEI 4:14

Ikkollana seenni'ne baashaawannoha, ooso'ne seennino foorannoha ikkino daafira, diqorichisheemmonsa. Hatto asseemmokkihu, ki'ne labballu umi'ne galmuwate fooranno meenti hoode hadhinanni, insa ledo wole maganna magansidhinoonni. Wodancha nookki gosa ba'anno.

LEEWAAWOOTA 18:15

Beettikki beetto ledo siimu xaadooshshe assitooti; ise atera beettikki galteeti.

LEEWAAWOOTA 18:21

Oosokki giddonni mittono Molooki yinanni maganira kakkallara uyitooti; togo assatenni ane Maganikki su'mano shollishshooti. Ani Kaaliiqaati.

LEEWAAWOOTA 18:8

Annikki galte ledo siimu xaadooshshe assitooti. Kuni coyi annakki shollishanno.

LEEWAAWOOTA 20:3

Ilasi Molookira kakkalatenni Qullaawa Mine'ya batteessinona, qullaawa su'ma'yano shollishinona, hakko manchira diina ikkeemmosi. Manni'ya ledono dikiireemmosi.

AMOOTSI 4:1

Maqalloonnihu Baasaani lali gede missinoonniri, Samaariyu meenti, konne coye macciishshe. Ki'ne wolqa hoogginore raateessitinanni; buxane gawajjitinanni; wo'manka woyite ayyiddaanna'ne, dimbisanno ago abbanno'ne gede qarrissinanni.

AMOOTSI 5:11

Buxane miiccinoonni; gidensano wolqatenni adhitinoonni; minna kinchunni mi'nitinoonni; ikkollana diheedhinanni. Hagiirsiissannota woyinete haqqe kaasidhinoonni; ikkollana isenni worroonnita, woyinete xajje diagginanni.

AMOOTSI 5:12

Bunshe'ne batidhino garanna, cubbi'neno ayirrino gara ani afoommo. Dancha manna qarrissinanni; yoote nafarrara gubbo adhitinanni, gadadaammu yoo shokkishshinanni.

AMOOTSI 8:4

Ki'ne buxane kaddinanniri, gadadaamma gobbatenni huntinara hasidhinanniri baalu, konne coye macciishshe.

MIKIYAASI 2:2

Hasidhuro manni baatto wolqatenni loosidhanno. Mine hasidhuro manniha giddetenni adhitanno. Manna fugge beeshshite jajjansa adhitanno.

MIKIYAASI 2:9

Manni'ya giddo hee'ranno meentono woyyaabbino jiro mininsate aaninni baddine shorritinoonninsa; oosonsano hegere geeshsha ane maassowiinni badantanno gede assitinoonni.

SOFFOONIYAASI 3:3

Albisootisi ittananno doobbiyi gedeereeti. Daanyootisino ga'ara gatissukkinni afidhinoha baala itte guddannorinna hudidhino hiyyeeyye hawarrote gedeereeti.

ROOMU SOKKA 2:24

«Ki'nenni kainohunni Maganu su'mi dagate mereero xonamanno» yine borreessinoonnihu kunniraati.

UMI QORONTOOSI 5:1

Ki'ne mereero foorre noota hasaamboonni. Hattoo foorre dagate giddo nafa dinoote; ani, «Annu galte adhino manchi no» yinanna macciishshoommo.