AMOOTSI 2:5 - Qullaawa Maxaafa

⁵ Kunnira Yihudu baattora giira qaseemmo; Yerusaalamete qiishono giireemmo» yii.

AMOOTSI 2:5 ပူးပေါင်းရင်းမြစ်များ

LAYINKI MOOTOOLLA 25:9

Qullaawa Mine, mootete minenna Yerusaalamete minna baalate giira qasi; wole umo umo ikkitino minnano giire huni.

ERMIYAASI 17:27

Fooliishshote Barra mitore dukkine Yerusaalamete waalchuwa widoonni higgine sa'inanni qullaawa assitine agara giwatenni yoommore huntiniro kayinni, Yerusaalamete waalchuwara xo'annokki giira soyemmo. Yerusaalamenniti gashshootu minna giirantanno; xoyissannohuno dihee'ranno› yoommo» yii.

ERMIYAASI 21:10

Kuni katami gatara ikkikkinni ba"ara hedoommo; Baabilooni moote angara sayise eemmosi; isino giire hunanno. Konne coye coyi'roommohu ani Kaaliiqaati› yiino yite kuli» yiie.

ERMIYAASI 39:8

Baabiloonootu Yerusaalamete huxxa baala diigge, mootete minenna minna baala giirtu.

ERMIYAASI 52:13

Qullaawa Mine, mootete minenna Yerusaalamete hee'rino manna jajjabbunnitera giira qasi; wole qara qara minnano giire huni.

HOOSEI 8:14

«Israeelete manni uminsara jajjabba mootete minna mi'nino. Ane Kalaqaanchonsa kayinni hawino. Yihudu mannino haammata qiishote katamma mi'nino. Ikkollana katammansanna qiishonsa ittanno giira soyemmo» yii.

AMOOTSI 1:4

Moote Azaheeli mootimma minira giira qaseemmo. Moote Benihadaadi seekki'rino qiisho baala giireemmo.

AMOOTSI 3:11

Kunnira diinu gobbansa doyisse amadanno; kinchunni huxxinoonnita katammansanna, qiishonsa soqanno. Ani Mootichu Kaaliiqi konne coye coyi'roommo» yii.

AMOOTSI 3:15

Hawadinna arri minnansa baala huneemmo; daaniichu hinkonni biifinse, minnoonni minnansa baala diigantanno; lowiddaanna minna baala to'anno» yii.

AMOOTSI 7:4

Mootichu Kaaliiqi leellishinoeti wole ajuuja aante noote: Kuneeti Kaaliiqi mannasi giiratenni qorichishara qixxaawanna afoommo. Giirano baattote woroonni nooha lowo baara mooshshite baattono ittu.