AMOOTSI 2:15 - Qullaawa Maxaafa

¹⁵ Maxxa oltannorino gargadha didandiitanno. Rakke doddannori xooqqe difultanno. Faradaasineno lubbo gatisi'ra didandiitanno.

AMOOTSI 2:15 ပူးပေါင်းရင်းမြစ်များ

ROSIISAANCHO 9:11

Tenne kalqe aana laoommohu wolu coyino no. Rakke doddannori wo'ma woyite diqolchitanno; bareedda wo'ma woyite diqeeltanno; egennaammu wo'ma woyite diduubbanno; busullaaddu wo'ma woyite diduroo'mitanno; egennaammu wo'ma woyite diayirritanno. Ikkollana, wo'munkura yannanna kaayyo xaaddannonsa.

ISAYAASI 31:3

Gibitsootu mannaho ikkinnina Magano di"ikkitino; faradinsano saadate ikkinnina ayyaana di"ikkino. Kaaliiqi hanqunnita angasi diriirsanno yannara, Gibitse gufidhanno; insawiinni kaa'lo agadhitannorino ubbanno; lamunku mitteenni ba'anno.

ERMIYAASI 51:56

Guddannosiri gaaddinosi daafira, gaaddosi qafadantu; maxxinsano hiiqqaqqami. Ani baalunkura loosisi garinni eemmoha ikkoommo daafira, Baabiloonino assino beebbara shetiseemmosi.

HIZIQEELI 39:3

Hakkunni gedensaanni, iso gane digaana guracho angasinni, worbicho qiniiticho angasinni tuge aguranno gede asseemmo.

AMOOTSI 9:1

Kaaliiqi kakkalote dargi mule uurre nooha afoommo. Isino, «Uurrinanni dargi shafamanno gede, Qullaawu Mini heelliicho gani; minu tattae mannu aana uwanno gede assi. Hakkiinni gattinore ani bagadunni gudeemmo; xooqannohu xooqe fule diafanno; xooqe fulinoha lawannosihuno digatanno.

HAGE 2:22

Hatte yannara, gashshootu baalunniha ayirrinyu barcima galcheemmo; wolqansano co'o asse gudeemmo; gaarete farado gantannoreno gaarensa ledo galcheemmo; faradinsa goofanno; faradaasinensano mimmitonsa shitanno.

ZAKKAARIYAASI 10:5

Yihudu manni diinnasi kade doogote sabbi ledo karsiisannoha wolqaataamo bagadaancho ikkanno; Kaaliiqi ledonsa noohura, jawaate olame faradaasine nafa gattukkinni qeele saalfachishanno.