AMOOTSI 2:10 - Qullaawa Maxaafa

¹⁰ Gibitsete gobbanni fushshe 40 diro wo'ma halallitte gobbara massagoommo'ne. Amooraawootu baattono ki'nera iqqa asse oommo'ne.

AMOOTSI 2:10 ပူးပေါင်းရင်းမြစ်များ

NEHIMIYA 9:21

Shoyilloo diro wo'ma halallitte gobbara hadhanna, hasiisannonsare baala qixxeessoottonsa; uddanonsano digooffino; lekkansano didarshitino.

FAARSO 95:10

Hattanne ilamara 40 diro hanqoommo; kunnira, «Ki'ne galata diafidhinoonnireeti; ani yoommotano ikka gibbinoonni» yuummonsa.

FULO 12:51

Hakko barra, Kaaliiqi Israeelete manna ga're ga'rentenni Gibitsete gobbanni haa're fushshi.

FULO 20:2

«Gibitsete gobbanni borojjimmate giddonni fushshummo'nehu Kaaliiqi Magani'ne aneeti.

FULO 3:8

Gibitsootu anganni gatisammonsara dirroommo. Gibitsetenni fushshe Kana"aanootu, Hitootu, Amooraawootu, Ferizootu, Hiwootunna Iyaabuusootu heedhannota adonna malawu wo'minota hala'ladonna shaqqado baatto eemmonsa.

ERMIYAASI 2:6

Ani insa wode, Gibitsete gobbanni fushshoommonsa; halallitte baattorano massagoommonsa; boonna batidhino baatto, moollenna qarru bati'rino darga, ayino hee'rannokkiwanna, milli yaannorichi nookki widoonni qole sayisoommonsa. Insa kayinni, ‹Togo assinke Magani hiikki?› yite dihasidhinoe.

HIZIQEELI 20:10

«Kunnira, Gibitsetenni haa're halallitte gobba fushshummonsa.

AMOOTSI 3:1

Israeelete manna! Gibitsetenni fushshoommo'nerira baalaho ani Kaaliiqi coyi'roommo coye macciishshe:

AMOOTSI 9:7

Kaaliiqi, «Israeelete manna! Ki'ne anera Itiyophiyu manni gedeere di"ikkitinoonni? Ki'ne Gibitsete gobbanni fushshummonte gede, Filisxeemete manna Kereetinni, Sooriyu mannano Qiiri gobbanni fushshoommo.

MIKIYAASI 6:4

Gibitsete gobbanni borojjimmate mininni wodoommo'ne; Muse, Aarooninna, Maariyaami alba'neenni hadhanni massaganno'ne gede assoommo'ne.

KIIRO 13:32

Togo yite kaphu duduwo mannu mereero fincitanni, «Hatti la'ne dangoommo gobba manna diwortannote; hakko hee'ranno manni baalunku jajjabbaho.

KIIRO 21:25

Israeele Hasebooninna qooxeessaho noo katamma lexxite Amooraawootu katamma baala amadde hakkiicho teessu.

KIIRO 32:13

Kaaliiqi Israeelete lowo geeshsha hanqino daafira, albasiinni bunshe assitinoti hatti ilama baala gooffa geeshsha 40 diro halalla raataabbanno gede assinonsa.

SOQQAMAASINETE LOOSO 13:18

Shoyilluu diri geeshsha halallitte gobbara ikkitonsa cince keeshshino.

SOQQAMAASINETE LOOSO 7:42

Maganu kayinni insawiinni fafino. Gordu beeddahe magansidhanno gede assinonsa. Hakkuno himanaanote maxaafira, ‹Ki'ne Israeelete manna, shoyilloo diro wo'ma, halalla kakkalonna fushshaate, shiqishshinoonnihu aneraatini?

MARRO 1:39

Qafadantanno yitiniri shiimmaaddu, bushanna dancha badde affinokkiri ooso'ne hattenne gobba marte e'anno. Gobba insara eennansa ragidhanno.

MARRO 2:7

Anga'nenni assitinoonni coyi baalunkura Magani'ne Kaaliiqi lowo atoote uyino'ne. Tenne hala'lado halallitte gobbara raataabbini yanna baalate towatanni agarino'ne. Kunni shoyilluu diri wo'mu giddo Kaaliiqi ki'ne ledo noo daafira, xeino'neri mitturino dino.

IYYAASU 13:4

Wole widoonni Sidoonootu amado ikkitinoti Kana"aani gobba Meaara yinanniwa baala giddo amadde, Amooraawootu qaccenni Afeeqi geeshsha noohu,

IYYAASU 24:8

Hakkunni gedensaanni, Yordaanoosira soojjaatoonni Amooraawootu heedhanno baatto haa're abboommo'ne. Insa ki'ne ledo gaarantino; ani kayinni insa qeeltinanni gede assoommo'nehura, baattonsa ragidhinoonni. Alba higgine qaaffini deerrinni, insa hunummo.