AMOOTSI 1:6 - Qullaawa Maxaafa

⁶ Kaaliiqi, «Gaaza manna marro marro hige loosino cubbi daafira, mararro nookki kaajjillinni qorichishummokkinni diagureemmo. Insa gobbate manna qafadduhu gedensaanni Edoomi mannira sayisse uyitino.

AMOOTSI 1:6 ပူးပေါင်းရင်းမြစ်များ

LAYINKI DUDUWO 28:18

Hatte yannaranni, Filisxeemootu galchimi gaarra hundanna wodiidoonni noo katamma qasse, Beetesaamisa, Ayalooni, Gederooti, Sooko, Temina, Gimizo katammanna qooxeessaho noo qachuwa baala amadde hakko heedhu.

ERMIYAASI 47:1

Gibitsete moote Gaazaho bala tugara albaanni Filisxeemootu daafira Kaaliiqi,

HIZIQEELI 35:5

« ‹Atera Israeelete galtino koma noohehura, loosonsa mixxitu yannara, kaa'la agurte sammi yite uurrite laootto.

IYUEELI 3:4

«Ki'ne Xiroosi, Sidoonanna Filisxeemete ga're baala, ane aana ma"assitinara heddinoonni? Ani assoommo coyira rabbisidhinara hasidhinoonnini? Tenne heddinoonniha ikkiro, ani rahotenni balaxe rabbisi'reemmo'ne.

IYUEELI 3:6

Yihudunna Yerusaalamete manna gobbansanni xeertissine Giriikete mannira hirtinoonni.

AMOOTSI 1:11

Kaaliiqi, «Edoomi manna marro marro hige loosino cubbi daafira, mararro nookki kaajjillinni qorichishummokkinni diagureemmo. Insa roduuwansa Israeeloota moyichu gede ugaaxxe amaddino. Amadduhu gedensaannino dimarartinonsa. Insara gawalo nookki hanqo hanqitino; hanqinsano diqiidannoho.

AMOOTSI 1:3

Kaaliiqi, «Demaasiqote Katami manna, marro marro hige loosino cubbi daafira, huluullo nookkiha qorichisheemmo. Insa Geleaadi manna umoho waa gantukkinni meeddino.

AMOOTSI 1:7

Kunnira, Gaaza Katami huxxira giira qaseemmo; qiishonsano giirreemmo.

AMOOTSI 1:9

Kaaliiqi, «Xiroosi manni marro marro hige loosino cubbi daafira, mararro nookki kaajjillinni qorichishummokkinni diagureemmo. E'inoha rodiimmate gondooro diigge qafaddino manna Edoomira sayisse uyitino.

ABIDIYU 1:11

Diinnansa cufannansa cancante, jironsa baala saantu barra, ki'ne qaccete uurritine la'inoonni. Ki'ne Yerusaalamete jajja hixunni beeqqitinoriwiinni horonta diwoyyitinoonni.

ZAKKAARIYAASI 9:5

Asiqeloona Katami konne coye lae waajjanno; Gaazu Katamino tenne ikkito lae, lowo geeshsha shetanno; Eqirooni Katamino hexxo mudhanno; Gaazu mootesi hooganno; Asiqeloona baattono ona ikkite gattanno.

SOQQAMAASINETE LOOSO 8:26

Maganu sokkaasinchi Filiphoosi, «Yerusaalametenni kae Gaaza massitanno doogo amade Wodiidira hige ha'ri» yii. Hatti doogo halallittete.

UMI SAAMUEELI 6:17

Filisxeeme saote kakkalora Kaaliiqira sokkinoti ontenti culku darshe misile mitte Ashidoodi, mitte Gaaza, mitte Asiqeloona, mitte Gaatinna mitte Eqirooni katamma daafiraati.