AMOOTSI 1:5 - Qullaawa Maxaafa

⁵ Demaasiqote Katami huxxi cufanna baala hiiqqaqqeemmo. Aweeni Lagichira hee'ranno manna shorreemmo. Gashshaanchonsano Beeti-Edeninni huneemmo. Sooriyu mannino Qiiri yinanni gobba qafadame ha'ranno» yii.

AMOOTSI 1:5 ပူးပေါင်းရင်းမြစ်များ

LAYINKI MOOTOOLLA 14:28

Iyorbiaami assinohu wolu coyi baalu, olunni leellishinoti bareendesi, qoleno Yihudu amado ikkitinore Hamaatinna Demaasiqo Israeelete qolsiisino gari baalu Israeelete mootoolla dhagge amadino maxaafira borreessineenna no.

LAYINKI MOOTOOLLA 16:9

Asoori mooteno, Akaazi yiinore macciishshe gaade mare, Demaasiqo qase qoli. Moote Retsiinino shee mannano qafade Qiiri yinanni katama haa're ha'ri.

ISAYAASI 22:6

Elaami gobba manni faradi gaaretenna faradu aana ofolle, digaananna worbicho anga adhe dayi; Qiiri gaaddo wonqonsa qixxeessidhu.

ISAYAASI 43:14

Israeelete Qullaawi gatisaanchi'ne ani Kaaliiqi, «Ki'ne gatisate Baabiloonira gaaddanno olanto soyemmo; katamunnita huxxu waalchuwa hiiqqaqqeemmo; qeexaalansa raarete soorreemmo.

ISAYAASI 8:4

Qaaqquno, «Annaanna» woy «Amaama» yee woshsha dandaara albaanni Demaasiqote jironna Samaariyu qiniite baala Asoori moote adhanno.

ERMIYAASI 50:36

Reyo gowwootaho, kaphaano himanaanonsara! Reyo waajjite huxidhannorira bagadaanonsara!

ERMIYAASI 51:30

Katammansa cufannanna waawanna hiiqqaqqantino daafiranna, minnansa giirantino daafira, Baabilooni bagadaano ola uurrissanno; bareende ba'eennansa shashoota ikkitanno.

ERMIYAASI QURTO 2:9

Huxxu cufanna baattote woroonni waamantino; waawannansano hiiqqaqqante ubbino. Mootenna ejjeetto xa qafadante no; kunni ka'a Maganu seera dikullanni; himanaanono Kaaliiqiwiinni ajuuja diafidhanno.

HIZIQEELI 27:23

Kaaraani, Kaanehinna Edeni katamma ledo, qolteno Saaba, Ashuurinna Kilmaadi katamma daddalaasine ledo dadda'lootto.

HIZIQEELI 30:17

Heliyopoliisinna Buubasitisi katammara hee'ranno wedelli baalu olunni gooffanno. Hakkiinni gatanno manni qafadamanno.

HOOSEI 10:8

Israeelete manni Aweeni yinanni katamira kaphu magano magansi'ranni cubbo loosanno gaarra diigantanno; kakkalonsa dargi aanano utunna kokko'lu fulanno. Hattenne yannara mannu ilaalla, «Maaxxenke» gaarrano, «Gollenke» yaanno.

AMOOTSI 5:5

Ane hasi'rate Beeteli hadhinoonte; Galgala martinoonte; magansi'rate Bersaabehi hadhinoonte. Beeteli diigante nookki gede ikkitanno; Galgalaho hee'ranno manni addinta qafadamanno» yii.

AMOOTSI 9:7

Kaaliiqi, «Israeelete manna! Ki'ne anera Itiyophiyu manni gedeere di"ikkitinoonni? Ki'ne Gibitsete gobbanni fushshummonte gede, Filisxeemete manna Kereetinni, Sooriyu mannano Qiiri gobbanni fushshoommo.

NAHOOMI 3:13

Gaaddokki baalanti meyate gedee waajjaleeyye ikkitino. Qachikki waalchuwa diinnakkira fano ikkitino; cufannano giira ittino.