AMOOTSI 1:2 - Qullaawa Maxaafa

² Amootsi, «Kaaliiqi Tsiyooni Ilaalira hee're, ittananno doobbiichi gede ikke rooddanno. Qoonqosi Yerusaalametenni beleqqanno; allaalaasine saada hosiisidhannowi moolanno; Qermeloosi Ilaali aana noo hayisso qoortanno» yii.

AMOOTSI 1:2 ပူးပေါင်းရင်းမြစ်များ

FAARSO 29:4

Kaaliiqi huuro wolqaataamete; Kaaliiqi huuro ayirrinyu wo'minote.

FAARSO 46:6

Daga waajjite raartu; gashshootuwano huxidhu; Maganu qoonqosi macciishshiishi woyite baattono daaqqu.

LAWISHSHA 20:2

Mootete hanqi doobbiichu ittana gedeeho; iso hanqisanno manchi lubbosira reyo abbi'ranno.

ISAYAASI 33:9

Baatto moolte, mulla darga ikkitanno; Libaanoosi Dubbino moole, shaqqadu Saarooni Lagichino molo baatto ikkanno. Baasaaninna Qermeloosi Ilaallara noo haqqe, daro giggiltanno.

ISAYAASI 35:2

Molo baattora daraaro wo'miteenna, hagiirru faarso faarsitanno; Libaanoosi Ilaali gede biifaado ikkitanno; Qermeloosi Ilaalinna Saarooni Lagichi gede ayirrinye uddidhanno. Mannu baalunku, Kaaliiqi gacheenanna ayirrinye la"anno.

ISAYAASI 42:13

Kaaliiqi wolqaataamu manchi gede olaho fulanno; bagadaanchu gede hanqe ka"anno; qoonqosi naggi asse alaakanno; diinasino qeelanno.

ERMIYAASI 12:4

«Assineemmore Kaaliiqi diafino» yaannohunni, bushu tenne gobbara hee'ranno manninni kainohunni, baattonke kooaartannohu, hayisso mooltannonna, saada gooffannohu mamari geeshshaati?

ERMIYAASI 14:2

«Yihudu wi'lanno; katammasino mooltanno; mannisino dadille baattote aana diriiranno; Yerusaalamete katamino kaa'lote raaranno.

ERMIYAASI 25:30

Kaaliiqi, «Kunni mannira, ‹Kaaliiqi iima hee're harqanno; qullaawa darga hee're beleqanno; baattosi aana lowo geeshsha doonqanno. Woyinete laalo huuncannohu gede jawu qaalinni coyi'ranno; baattote aana noo manni baaluno macciishshanno.

ERMIYAASI 28:8

Bi're ninkera albaanni heedhino himanaano lowo gosaranna jajjabba gashshaanora olu, hudenna dhibbu daannota himantino.

ERMIYAASI 50:19

Israeelete manna qanchinsa giddora qoleemmo; Qermeloosi Ilaaliranna Baasaani gobbara fulinore baala itanno; Efireeminna Geleaadi gobbara fulanno gide hasi'ri geeshsha itanno.

HOOSEI 11:10

«Ani doobbiichimma ittaneemmo yannara, manni'ya Israeele hoode'ya hadhanno; galchiminni huxidhanni anewa dagganno.

HOOSEI 13:8

Qallosi ba'eenna hasi'ranni noohu waajjishannohu dibi yinanni moyichi gede hedeweelcho daye bibbideemmo'ne. Hakko darga doobbiichu gede ikke egemmeemmo'ne; moyichu gede tattayiseemmo'ne.

IYUEELI 1:19

Kaaliiqa ballo, xawu hayissonna dubbu haqqe baala, giirroonnihu gede co'o yite mooltino daafira, ate widira hige raareemmo.

IYUEELI 2:11

Kaaliiqino olantosira belequnni hajajo uyino; olantosino batinyete. Yiinore wonshannohu isi wolqaataamohona, Kaaliiqi barrino lowo geeshsha waajjishannohona, ayi dandaannosi?

IYUEELI 3:16

Kaaliiqi Tsiyooni Ilaalira, Yerusaalamete hee're harqanno; gordunna baatto shafantanno. Isi kayinni mannisira Israeelete, gaa'linanni qiisho ikkanno.

AMOOTSI 9:3

Qermeloosi Ilaali birxera marte maaxanturono, faana gane hakkiinni dirriseemmonsa; baaru giddora e'e anewiinni maaxanturono, qasanno dhudhuufa hajajeemmo.

NAHOOMI 1:4

Isi hajajonni, baarunna xashshu baalunku moolanno. Baasaaninna Qermeloosi Ilaallara noo mu'ro duuchanti qoortanno; Libaanoosi daraarono giggiltanno.

UMI SAAMUEELI 25:2

Hakkiicho Maooni Katamira mittu lowo geeshsha dureessu manchi no. Isira Qermeloosi Katami mule loosi'nanni baatto noosi; qoleno 1,000 me"enna 3,000 ge'reewo afi'rino. Manchu su'mi Naabaaliiti; ilaminohu Kaaleebi ga're giddooti; galtesi su'mi Abigiyaati. Ise xumatenna xiinxalla manchooti. Ayiddaannise kayinni busha kaajjadohonna do'nichaho. Isi mitto barra Qermeloosi ge'reewisi orda haxi'ranni hee'reenna,