AMOOTSI 1:14 - Qullaawa Maxaafa

¹⁴ Kunnira Raaba Katami huxxira giira qaseemmo; qiishonsano giireemmo. Kunni gedensaanni olu barra raarenna cancu bati'ranno. Oluno hombobolattete gede rahanno.

AMOOTSI 1:14 ပူးပေါင်းရင်းမြစ်များ

LAYINKI SAAMUEELI 11:1

Diru umira badheessu woggara mootoolla olaho fultanno yannara, Daawiti Iyoaabi, olantote hajajaanonna olanto baala gaadisiisisi. Insano Amoonoota qeelte Raaba Katama doyissite amaddu. Daawiti kayinni Yerusaalamete gati.

LAYINKI SAAMUEELI 12:26

Hatte yannara Iyoaabino Amooniha dannawu katama Raaba amadara rahe no.

LAYINKI SAAMUEELI 12:31

Hakko hee'ranno mannano magaazetenni, qottotenninna meesanetenni loosannosi gede assi'ri. Xuube seekkitannosi gedeno assi. Amoonootu katamma baalate hee'ranno mannino konne looso loosanno gede assi. Hakkunni gedensaanni Daawitinna olantosi baala Yerusaalame higgu.

UMI DUDUWO 20:1

Iyoaabi diru umira badheessu woggara mootoolla olaho fultanno yannara, olanto anga adhe fule Amooni horri. Moote Daawiti kayinni Yerusaalamete gatino. Iyoaabi olanto Raaba Katama doyissite amadduhu gedensaanni qasse diigge huntu.

IYYOOBI 39:25

Xurumba ufuunfanni kiiro hagiirrunni furrisanno; olu noota fafowa hee're foolunni afanno; gaadisaanote hajajo macciishshe furrisanno.

FAARSO 83:15

bubbekkinni shorri; hombobolattekkinni masisi.

ISAYAASI 29:6

Ani Olantote Mootichi Kaaliiqi banqo, baattote shafama, lowo luulo, hombobolatte, dambalanna itannoha giirate buwano soye diinikki anganni gatiseemmohe.

ISAYAASI 30:30

Kaaliiqi mannu baalu ayirrado huurosi macciishshanno gede assanno; wolqaataamu qorichisi buwanno hanqinna ittanno giira, wishote, baradatenna kaadete ledo dirranno gede assanno.

ISAYAASI 9:5

Horritannori wodhitanno koattenna, mundeetenni burduuqaminohu imaaninsa baalu, haqqete gede giiramanno.

ERMIYAASI 23:19

Kune hanqi'yanni, hombobolattete gede ikke kae, bushuulle ganeemmo.

ERMIYAASI 49:2

Ani Kaaliiqi yeemmota macciishshe: Kune Amooni gosa dannawu Katamira Raaba, olu luulo macciishshitanno gede asseemmo yanna dagganno. Katamu diigameenna gaangaawinsara noo qachi giiramanno; hakkunni gedensaanni Israeele adhantinota baattonsa qo'litanno.

HIZIQEELI 21:20

Mittu malaati, Amooni katama Raaba kulannoho; layinkihu kayinni, Yihudaho qiinshoonni katama Yerusaalamenniha leellishannoho.

HIZIQEELI 21:22

Kuneeti qiniiticho angasinni, ‹Yerusaalame› yitanno borro aanaho noo hixa amadanno. Hakkawoyintenni, olaho adawadhinanni gede, katamu huxxi mule bushsha duunnanni gede, huxxisinna waalchisi mokkollo hiiqqaqqinanni gedenna mannano shinanni gede malaate uyi.

HIZIQEELI 21:25

«Ati bunshenna batte wo'mitinohehu Israeelete albisaancho, goofimarchu qoricha eemmohe barri iillino.

HIZIQEELI 25:5

Raaba Katama gaalu hosannowa, Amooni gobba baalanta ge'reewu hosannowa asseemmo; ani Kaaliiqa ikkoommota kunninni affinanni.

HIZIQEELI 25:7

Konne assa'nenni, saantannoriranna mulqidhanno dagara sayise eemmo'ne. Layinkimeeshsho manna ikkitinannikki gede woy umi'ne baatto heedhanno'nekki gede asse huneemmo'ne. Hatte yannarano, ani Kaaliiqa ikkoommota affinanni» yee coyi'rie.

DAANIEELI 11:40

«Aliyye mootera goofimarchu iillanno woyite Wodiidi moote iso qasanno; ikkollana, Aliyye moote faradi gaaretenni, faradunninna markabbatenni hombobolattete bubbe gede ikke daye gawajjannosi. Lolahu gede asse lowo gobba horre gudanno.

AMOOTSI 2:2

Kunnira Moaabi baatto aana giira qaseemmo. Qiriyoti Qiishono giireemmo; olantote alaakanninna ufuunfanni xurumbi luulinni kainohunni, Moaabi manni waajje reyanno.

ZAKKAARIYAASI 7:14

Hombobolattete gede fee haa're ha're affinokkitera allaggu gobbara heedhanno gede assoommonsa. Tini dancha gobba kayinni, ayino hee'rannokkita ona ikkite gattu» yaanno Olantote Mootichi Kaaliiqi.

MARRO 3:11

(Refootu giddonni Baasaani moote Aagi callu gatino. Moogosi reeqqatenni seekkinoonni. Seendille honse cigile, hala'linye 4 cigile ikkanno. Kunino xaa geeshsha Amoonootu Katamira Raaba no.)