ABIDIYU 1:5 - Qullaawa Maxaafa

⁵ «Mooraano woy mulqidhannori hashsha dagguro, ikkannonsa geeshshire calla adhitanno. Woyinete laalo gamba assi'ranno yannara, mannu dargaho xaro gatisanno; ki'ne kayinni diinna'ne co'o assite huntanno'ne.

ABIDIYU 1:5 ပူးပေါင်းရင်းမြစ်များ

LAYINKI SAAMUEELI 1:19

«Israeele, ayirrinyikki gaaru aana qanseenna reyino; wolqaataammu hiitto togo ikkite ubbu!

ISAYAASI 14:12

Ati bakkalchu gedeehu Baabilooni moote, gordu gede gotti yiinohu ayirrinyikkiwiinni, hiitto ikkite uwitto! Gashshaano baala heeshshi assootto; xa kayinni ati uulla tugamootto!

ISAYAASI 17:6

Shiimu manni callu gatanno. Aliidi sinira 2 woy 3 gumi noosihu gede, qoleno woriidi sinira 4 woy 5 gumi gatino ejersi gede ikkitanno. Konne coye coyi'roommohu ani Israeelete Magani Kaaliiqaati.

ISAYAASI 24:13

Baattote aana noo gosa baalate kuni coyi ikkanno; baalunku ejersunnitanna woyinete laalo xinqi'nihu gedensaanni gatino xari gede ikkanno.

ERMIYAASI 49:9

Mannu woyinete laalo xinqi'ranno woyite, aanaho xaro gatisanno; hashsha e'ino mooraanono hasidhino geeshsha calla adhite hadhanno.

ERMIYAASI 50:23

Baattote aana noo manna baala, meenchu gede asse cancanino Baabilooni, xa kayinni umisi cancanamanno. Insa aana ikkanno coyi bararraanqanniho.

ERMIYAASI 6:9

Olantote Mootichi Kaaliiqi, «Gattinota woyinete laalo co'o assine xinqinannihu gede, diinu Israeelete gobbara noore baala co'o asse gudanno; woyinete xaro xinqi'ranno manchi gede, anga'ne sinnate aanira diriirse» yiie.

ERMIYAASI QURTO 1:1

Mannu wo'me hee'rannoti Yerusaalame, hiitto fano gattu! Gobba gosa ayirrisseenna heedhinoti, galte shiidhino mancho gede hiitto callase gattu! Katammate giddo mootitte ikkite heedhinoti, kuneeti borojjicho ikkitino.

ABIDIYU 1:9

Temaani bareeddano waajjite huxidhanno. Edoomi noo manna baalanka shinanni» yii.

MIKIYAASI 7:1

Ani laalo xinqi'nihu gedensaanni gatino xaro yorannoha ikkoommo; hakkunni dinona anera aanne'e.

SOFFOONIYAASI 2:15

Kuni katami, «Ane ka'a wolu dino!» yee hawaqi're keerunni hee'rino. Xa kayinni, moyichu hosannowa mulla darga ikke gatanno. Hakkaanni hige sa"annohu baalu addintanni maala'lanni umo shafanni fiiqanno.

MARRO 24:21

Woyinete laalo gamba assidhinanni yannara, sinnate aana gatinoha xinqidhinara galagaltine hadhinoonte. Gatinoha wole gobba mannira, annu nookki oosoranna gunnootaho agurrensa.

YOHAANNIS AJUUJA 18:10

Iillinose qarra la'anno woyite, waajjitino daafira xeertote uurrite, «Bati'ranna jawaata Baabilooni, ate aanne'e! Xaano ate aanne'e! Mitte saate giddo baokki daggu» yitanno.