ABIDIYU 1:3 - Qullaawa Maxaafa

³ Wodani'ne boo'na doggino'ne; ki'ne kaajjadu kinchi aana minnoonni katami giddo heedhinanni; galtinanni minino jajjabbu ilaali aana minaminoho. ‹Hee'neemmo darginni dirrisankera dandaannohu ayeti?› yitine boo'nitinoonni.

ABIDIYU 1:3 ပူးပေါင်းရင်းမြစ်များ

KALAQAMA 36:8

Kunnira, Edoomi yinannihu Eesawu ha're ilaalaame gobbara Seiiri hee'ri.

LAYINKI MOOTOOLLA 14:7

Amesiyaasi, Maxinete Lagichira 10,000 Edoomoota shii. Seelai yinanni katama amade su'ma soorre, Yoqixieeli yii. Xaa geeshshano hakko su'minni woshshinanni.

LAYINKI DUDUWO 25:11

Hakkunni gedensaanni Amesiyaasi goontetenni wo'me olantosi hoode adhe Maxinete Lagicha ha'ri. Hakkiicho olantosi Edoomootu aana ola fante 10,000 olanto shitu.

LAYINKI DUDUWO 25:12

Wole 10,000 olantono qafaddu; qafaddinoreno massite kinchu aaninni eela qolte tuggu. Baalunku boonu giddo noo kinna aana ubbe reyite gooffu.

IYYOOBI 20:6

Bushu manchi boo'na gordo iilliturono, umisi gomicho kisirono,

LAWISHSHA 16:18

Boo'na baote widira haadhe hadhanno; boollaqi'rano uwate widira qolte massitanno.

LAWISHSHA 18:12

Naaxxaleessu wodani bao abbanno; umo heeshshi assa kayinni ayirrinye uyitanno.

LAWISHSHA 29:23

Boonaleessu manchi shollanno; umosi heeshshi assannohu kayinni ayirranno.

ISAYAASI 16:6

Yihudu manni, «Moaabi manni naaxxaleeyye, boonaleeyyenna boollaqidhannore ikkitinota anfoommo; ikkollana mulla haafalla boo'nitanno» yaanno.

ERMIYAASI 21:13

Kunni lagichira iimaanni, kinnaame tullora noottohu ati Yerusaalamete katama! Ani ate aana noommo; ‹Ane ayi kisannoe?› yootto; ‹Qiisho'ya giddora ayi eanno?› yootto.

ERMIYAASI 37:9

« ‹Baabiloonootu galagalte daggara noona, agurte hadhinoha laweenna'ne dogantinannikki gede ani Kaaliiqi kuloommo'ne.

ERMIYAASI 48:28

«Ki'ne Moaabi gobbara heedhinanni manni, katamma'ne agurtine fultine mine boonu gama mi'nitino ceicho gede ikkitine kinchu qarra suuqamme.

ERMIYAASI 49:16

Ki'ne kinnaamu boonira heedhinanniri, ilaalu birxe geeshsha iillitinoonniri, waajjishiishshi'nenna wodani'ne boo'na doggino'ne. Allamurchu gede mine ilaalu aana mi'nitinirono, hakkiichinni dirriseemmo'ne. Konne coye coyi'roommohu ani Kaaliiqaati» yee coyi'ranna macciishshoommo.

ERMIYAASI 49:4

Ki'ne ammanama noo'nekki gosa, lagicha'ne mayira addaxxitinanni? Laashshannoha lagicha'ne mayira hexxitinanni? Qiniite'ne ku'litinanni, ‹Ayi kisannonke?› yitinoonni.

HIZIQEELI 28:16

Wole gosa ledo daddi'litanni, mararro nookkihanna busha ikkootto. Kunni daafira, Qullaawu Ilaali'ya aaninni ishinu gede fushshe tugoommohe; kirubeelino cululluqa dilqa kinna giddonni shorrannohe gede assoommohe.

MILKIYAASI 1:4

Eesawu sircho ikkitinori Edoomootu, «Katammanke diigantino. Ikkirono galagalchine mi'nineemmo» yituro, Olantote Mootichi Kaaliiqi, «Insa mintanno. Ani kayinni diigeemmo. Wolu manni insa, ‹Busha gobbaati; Kaaliiqi hegere geeshsha hanqino gosaati› yaannonsa» yii.