ABIDIYU 1:21 - Qullaawa Maxaafa

²¹ Ani Kaaliiqi gatiseemmonsa gosa, Tsiyooni Ilaali aana heedhe, Edoomi gashshitanno. Gashshootuno ane Kaaliiqiha ikkanno.

ABIDIYU 1:21 ပူးပေါင်းရင်းမြစ်များ

KALAQAMA 25:23

Kaaliiqino, «Godowikki giddo nooti 2 gosaati; mimmitoho sumuu yitannokkire 2 gosa ilatta; mittu ko'onne roore jawaata ikkanno; bayiru maa'neho soqqamaancho ikkanno» yiise.

LAYINKI MOOTOOLLA 13:5

Kunnira, Kaaliiqi Israeele Sooriyootu anganni gatisannonsaha soyi. Hakkunni gedensaanni albi gede keere heedhu.

NEHIMIYA 9:27

Kunnira, diinnansa qeelte gadadissannonsa gede sayisse oottonsa. Qarrantanno yannara kaa'lo afi'rate atewa raartino; atino gordoho heedhe macciishshoottonsa. Maarokki batinyinni kainohunni, diinnansawiinni gatissannonsa albisoota soottonsa.

FAARSO 102:15

Daga Kaaliiqa waajjitanno; baattote aani mootoolla baala wolqasi la'e massanno.

FAARSO 47:7

Kaaliiqi baatto baalantera mootete; kunni daafira, guwishshu faarso faarsesi.

FAARSO 67:4

Halaale coyi'rattonsa daafiranna, baattote aanano heedhanno gara kulattonsa daafira, daga baala hagiirrunni faarsitohe.

ISAYAASI 19:20

Kuri Olantote Mootichi Gibitsete gobbara hee'rasira malaate ikkitanno. Hakko hee'ranno manni amadannonsa qarri daafira Kaaliiqiwa hige raaranno. Isino kaa'lannonsaha soye diininsa anganni gatisannonsa.

ISAYAASI 24:23

Olantote Mootichi Kaaliiqi, Tsiyooni Ilaalira Yerusaalamete moohanno daafira, aganu tunsanno; arrishsho xo'anno; gashshaano baala ayirrinyesi la'anno.

DAANIEELI 12:3

Hatte yannara egennaammu gordu xawaabbi gede xabbanno; lowo manna rosiisse halaalu widira qoltannori baalu hegerera gordu beeddahe gede warri yite xabbanno» yii.

DAANIEELI 2:35

Siwiilu, doru, camo, birrunna culku baalu hakkawoyintenni cancaname arri yannara ayiddummete aana hee'ranno kuri gede ikkino. Isono bubbe dagge mittoreno gatissukkinni fiite haadhe hadhino. Misilete aana uwi kinchi kayinni baatto baala wo'manni mimmitu aana duunamanni lowo ilaala ikkino.

DAANIEELI 2:44

Hatte mootoolla yannara gordu Magani horonta diigamannokkihanna wole daga uggitannokki gashshoote uurrisanno. Kuni wole gashshoote baala co'o asse hunanno. Isi kayinni hegarera kaajje hee'ranno.

DAANIEELI 7:14

Addi addi gobbara hee'rannohu, addi addi afiinni coyi'ranno manni soqqamannosi gede, roorre, ayirrinyunna wolqa aamantusi. Roorresino hegere hegerete; gashshootisirano gawalo dino.

DAANIEELI 7:27

Baatto baalate aana nooti gashshootu roorre, wolqanna gaacheenu baalu qullaawu Wo'munkura Aliidi Magani mannira aamantanno; gashshootunniti roorrensa hegere geeshsha kaajjite heedhanno. Gobba baalate gashshaano insara hajajante soqqantannonsa» yii.

IYUEELI 2:32

Kaaliiqi su'ma woshshannohu baalu gatanno. Kaaliiqi coyi'rinonte gede Tsiyooni Ilaalinninna, Yerusaalametenni xagichu fulanno. Kaaliiqi doorinonsarino gattanno.

MIKIYAASI 4:7

Qarrunni dintinori mereerinni shiimu manni gatanno gede asseemmo. Tugante heedhannore jawaata manna asseemmonsa. Anino Tsiyooni Ilaali aana hattenne yannanni kayise hegerera insa moote ikkeemmo» yaanno.

ZAKKAARIYAASI 14:9

Hatte yannara, Kaaliiqi kalqe baalate moote ikkanno; mannu baalu isi callu Magano ikkinota egenne su'masi ayirrisanno.

MAATEWOOSI 6:10

Gashshootikki dayo, hedoottori gordoho ikkinonte gede, baattote aanano ikko.

MAATEWOOSI 6:13

Bushu coyiwiinni gatisinke ikkinnina, jifammeemmo gede assitootinke. [Gashshootu, wolqanna ayirrinyu hegerera atehona. Hamii'ni!›] yitine huuccidhe.

LUQAASI 22:30

Gashshooti'ya giddo ane ledo ofoltine ittinanninna agginanni; ayirradu barcimira ofoltine tonaa lamente Israeelete ga'rera yoo yitinanni» yiinsa.

UMI XIMOOTEWOOSI 4:16

Ateneenna rosiisatto roso seekkite agadhi; konne coye jaatte assi. Hatto assittoro, ateneenna macciishshitannohere gatisatto.

YAIQOOBI 5:20

cubbaataamo so'rote doogonni qolasinni cubbaataamu lubbo reyotenni gatisinotanna lowo cubbosino agursiisinosita afona.

YOHAANNIS AJUUJA 11:15

Lamalki sokkaasinchino xurumba ufuufi. Gordunni, «Kalqe baalate gashshooti, Mootichunnihanna Buurinosihunniha ikki. Isi hegere hegerera moohanno» yitannota batinye huuro macciishshummo.

YOHAANNIS AJUUJA 19:6

Xaano lowo manni huuro labbannota, shooshshanno wayi luulinna banqote beleqi gedee gugatto, «Halleeluya! Wo'manka Dandaannohu Mootichinke Maganu moohino!

YOHAANNIS AJUUJA 20:4

Hakkunni gedensaanni yoote roorre uyinoonniri ofolte noota ayirrado barcimma afummo. Yesuusi xawisino halaale farcidhinohuranna Maganu qaali daafira goowansa gorrinoonni manni lubbuwa afummo. Insa moyicho woy misilesi dimagansidhinoreeti; moyichu malaateno albinsaranna angansara diwodhitinoreeti. Insa reyotenni ka'e Kiristoosi ledo kume diro mookku.

EJJEETTO 2:16

Hakkunni gedensaanni kayinni, Kaaliiqi horritannoriwiinni gatissannonsa albisoota kayisi.

EJJEETTO 3:9

Israeele Kaaliiqiwa raartu yannara kayinni, hakkiichinni fushshannonsa gede, Kaaleebihu maa'nu rodii Qeneezi ilinoha Gotooniyaali kayisinsa.