ABIDIYU 1:18 - Qullaawa Maxaafa

¹⁸ Yaiqoobi ilama giirate gede, Yooseefi ilamano buwanu gede ikkite, Eesawu sircho galawimma giirtanno. Eesawu sirchi mittuno digatanno. Konne coyi'roommohu ani Kaaliiqaati.

ABIDIYU 1:18 ပူးပေါင်းရင်းမြစ်များ

LAYINKI SAAMUEELI 19:20

Ani soqqamaanchikki sao assoommota afe, kune techo aliyye ga're Israeelennita baala balaxe dayommo. Ate moote mooticha'yano haa'rammora dayommo» yii.

FULO 5:12

Mannuno cide hasi'ranni Gibitsete gobba baala tuqi.

ISAYAASI 10:17

Israeelete Qullaawa ikkinohu xawaabbinsa, insara giira ikkannonsa. Utanna qu'muudo nafa gatissukkinni mitto barra baalankare itte guddanno giira gede asse gudannonsa.

ISAYAASI 31:9

Masillunni kainohunni qiishonsa diigantanno; bagadaanonsa baandiransa nafa hunte xooqqanno. Giira'ya Tsiyooni nooehu, xo'annokki giira'ya Yerusaalamete nooehu, ani Kaaliiqi konne coye coyi'roommo» yaanno.

ISAYAASI 47:14

«Hakkore mala xa'mi'rattare, giira galawu gede assite ittannonsa; insanaa buwanuwiinni gatisidhe diaffanno; galawahono giwaa'nanni kashili dihee'ranno.

ISAYAASI 5:24

Israeelete qullaawa ikkinohu Olantote Mootichi Kaaliiqi uyino seeranna rosiisino woga shotissinohura, giira ittanno galawinna moola hayisso gede insahuno hundinsanna rumushshinsa fugude ba"anno; daraaronsano bukote gede ikkite ba'anno.

ISAYAASI 9:18

Bunshensa giirate gede ittanno; dubboho qansoonni giira wiliile gede iima higge tunnuuqqanno.

ISAYAASI 9:19

Olantote Mootichi Kaaliiqi hanqino; hanqisino baatto baalate giirate gede buwanni no. Mannu giirranni haqqe gede ikkanno; rodoosi nafa gatisannohu dihee'ranno.

ERMIYAASI 11:23

Bao abbeemmonsa waro Anatooti manni giddonni mittuno digatanno» yii.

HIZIQEELI 37:16

«Koo manchi beetto, mitte siqqo haadhe aanase, ‹Yihudu gashshoote› yite borreessi. Wole siqqono haadhe aanase, ‹Israeelete gashshoote› yite borreessi.

HIZIQEELI 37:19

ani Mootichu Kaaliiqi Israeelete lawishsha ikkitino siqqo, Yihudu lawishsha ikkitino siqqo ledo mitteenni worate hedoommota kulinsa. Lamenta xaadise mitte siqqo asse amadeemmo.

IYUEELI 2:5

Ilaalu aana faradi gaarete hirbi gede, galawa ittanno giira gugeette gedenna, jawaate olaho qixxaawino manni gede qoqqobbissanno.

AMOOTSI 1:8

Ashidoodi giddo hee'ranno mannano shorreemmo. Asiqeloona Katami gashshaanchono huneemmo; Eqirooni Katamira heedhannoreno qorichisheemmo. Gattino Filisxeemootino reyitanno» yii.

AMOOTSI 5:15

Busha coye hunne; dancha coye baxxe; yoote nafara baala halaale xeissinoonte. Miteekke Olantote Mootichi Kaaliiqi, gatinoha Israeelete manna mararannoha ikkannona.

AMOOTSI 6:6

Woyinete xajje birilletenni ikkikkinni, gawatetenni agginanni. Lowo geeshsha waaga iibbado shitto buudhitinanni; Israeelete aana daggino baora kayinni, horonta didadillitinanni. Konne baala coye assitinanni daafira, ki'nera aanne'e!

ABIDIYU 1:16

Manni'ya Qullaawu Ilaali'ya aana, qorichu finiincho cingiishshi'ranno gede assoommo. Qooxeessinsara noo daga kayinni, wo'manka woyite hakkiinni roorinoha, qaraarannoha qorichu finiincho cingiishshidheenna, higguwa hoonganninsa» yii.

MIKIYAASI 5:8

Kuni qarruwiinni gatinohu Israeelete manni, lowo daga gashshooti mereero hee'ranni dubbu moyicho ugaaxanni hee'ranno doobbiichi gedeeha ikkanno. Hattono mitteno xooqe fulate hexxo afi'rinokki ge'reewo hedeweelcho e"e, hiiqqaqqe bibbide itannohu aju doobbiichi gedeere ikkitanno.

NAHOOMI 1:10

Isiniiwa xaaxamino utinna, moola hayisso giirante ba'annonte gede, ki'ne dimbaanono giirantinanni.

ZAKKAARIYAASI 12:6

«Hatte yannara, Yihudu gashshaano dubboho qansoonnitenna iillino gide ittanno giira gedeere asseemmonsa; gaangaawinsara noo gashshoote baala guddanno; Yerusaalamete manni kayinni, katamu giddo keere hee'ranno.

MILKIYAASI 4:1

Olantote Mootichi Kaaliiqi, «Boonaleeyyenna bushare assitannori kuru gede ikkite giirantannohu yoote barri daanni no. Hatte yannara insa mittuno gattukkinni giirante ba'anno.

UMI QORONTOOSI 3:12

Hatte safo aana ayino culkunni woy birrunni woy dilqu kinchinni woy haqqetenni woy hayissotenni woy agadunni miniro,