Ucab Tzijobelil 7:3 - Quiché Bible

³ Aretak conojel ri aj israelib xquil ri k'ak' xukuje' ri u juluwem ri Ajawaxel Dios ri xkaj ulok puwi' ri rachoch Dios, xexuquic xukuje' xquimej quib c'ä re ri lajom abaj. Xquiya' na ri palaj cho ri ulew, xek'ijilan c'ut xukuje' xquiya' maltioxinic che ri Ajawaxel, xquitzelej c'ut u bixic: “Rumal rech chi ri are' utz, rumal rech chi ri u lok'ok'ebal c'uxaj junalic.”

Ucab Tzijobelil 7:3 ပူးပေါင်းရင်းမြစ်များ

Ucab Tzijobelil 5:13

Conojel c'ut xquijunaj quib che cok'isaxic tak ri trompet xa' c'u jun u pa qui kul xquicoj che u ya'ic k'ijilanic xukuje' maltioxinic che ri Ajawaxel, xecok'esaj tak c'ut ri trompet, ri quetecak tak k'an ch'ich' xukuje' ri jule' tak k'ojom chic aretak cätajin cäban ri bixonic: “Chixk'ijilan che ri Ajawaxel, utz c'ut ri are' junalic c'ut ri u lok'ok'ebal c'u'x.” Pa ri jok'otaj ri', ri rachoch ri Ajawaxel xnoj che jun sutz',

Ucab Tzijobelil 20:21

Chomaninak chi c'ut ruc' ri tinimit, xebuc'ut c'ut jujun aj bixab, ri e quicojom chic tastalicalaj tak catz'iak chenabej c'ut chquiwäch ri achijab ri e benak che u banic ch'o'j caquiya' c'u na k'ijilanic che ri Ajawaxel ruc' ri bix: “Chiya' maltioxinic che ri Ajawaxel, rumal rech chi junalic ri u lok'ok'ebal c'uxaj.”

Ri Lucax 1:50

Ri are' quel u c'u'x chbe k'ij sak chque conojel ri winak ri cäquixe'j quib chuwäch.

Ri Isaiy 63:7

In quinwaj quintzijoj ri lok'ok'ebal u c'u'x ri Ajawaxel, quebenbixoj bix che yabal u k'ij rumal ronojel ri u banom ri are' che ka to'ic, rumal ri nimalaj utzil ri u banom chque conojel ri aj israelib, rumal ri u banom ruc' ri rutzil chupam c'ut ri nimalaj lok'ok'ebal u c'u'x.

Ri Esdras 3:11

Jujun caquibixoj tak bix, jule' chi c'ut je u tzelexic u wäch wa' caquibano: “Chebiya' tak maltioxinic che ri Ajawaxel, rumal rech chi utz ri are', rumal rech chi junalic ri lok'ok'ebal u c'u'x che ri Israel.” Ronojel c'ut ri tinimit curak u chi' rumal quicotemal, cäk'ijilan c'u che ri Ajawaxel, chapletajinak chi c'u u banic u yaquic ri Rachoch ri Ajawaxel.

Elem 4:31

Ri winak xcu'bi qui c'u'x aretak xquetamaj chi ri Ajawaxel oquinak il chque, xukuje' rilom ri c'ax ri cätajin cäquiriko, xexuquic, xek'ijilanic.

Ri Jeremiy 33:11

waral quetataj chi na ri e tak bix quech tak nimak'ij xukuje' quicotemal, xukuje' ri qui bix tak ri caquibochi'j tak quib, cätataj c'u na u bixic: ‘Chiya' maltioxinic che ri Ajawaxel Dios ri c'o ronojel u cuinem, rumal rech chi utz ri Ajawaxel, junalic c'ut ri u lok'ok'ebal c'uxaj.’ Quequic'am c'u na ulok tak sipanic re maltioxinic chupam ri wachoch. Je quinq'uex na ri cutaklebej we ulew ri', rech je cux chi na jacha' pa ri chaplebal. In, ri Ajawaxel quinjiquiba' u bixic.”

Salmib 103:17

Are c'u ri u lok'ok'ebal c'u'x ri Ajawaxel re chbe k'ij sak chque ri queyo'w u k'ij; ri u suq'uil man c'o ta u q'uistajic chque pa conojel ri ija'lil,

Salmib 95:6

Chixpetok, xucuxuj chujk'ijilanok; kaxucu' kib chuwäch ri Ajawaxel, are' c'ut ri are' xujbanowic.

Nabe Tzijobelil 29:20

Chuq'uisbalil c'ut xubij ri David chque conojel ri winak ri qui mulin quib: “Chixk'ijilan ba che ri Ajawaxel ri i Dios.” Conojel c'ut ri winak xek'ijilan che ri Ajawaxel, qui Dios ri e qui mam, xexuqui' c'ut xquimejela' quib chuwäch ri Ajawaxel xukuje' chuwäch ri ajawinel.

Nabe Tzijobelil 16:41

Xukuje' xebuya' can cuc' ri Heman, ri Jedutun xukuje' ri qui tz'akatil ri xecha'ic ri xek'alajisax rumal tak ri qui bi' che u banic ri bixonic: “Chiya' maltioxinic che ri Ajawaxel, rumal ri u lok'ok'ebal c'uxaj junalic.”

Nabe Ajawinelab 18:39

Aretak xilitaj wa', conojel ri winak xquimej quib c'ä xquiya' na ri qui palaj cho ri ulew, xquibij c'ut: “¡Ri Ajawaxel are' ri Dios, ri Ajawaxel are' ri Dios!”

Ajilanic 16:22

Are c'u ri e are', xquimej quib xquiya' ri qui palaj c'ä cho ri ulew, je xquibij wa': “Oh Dios, lal ri caya' la ri qui c'aslemal conojel ri winak, ¿la cäpe oyowal la che ronojel ri tinimit u mac rech ri u mac xa jun winak?”

Ajilanic 14:5

Ri Moises xukuje' ri Aaron xquimej quib c'ä xquiya' na ri qui palaj cho ri ulew chuwäch ronojel ri tinimit,

Aj Levitib 9:24

Xel ulok k'ak' chuwäch ri Ajawaxel, xuporoj ri awaj ri poroxic rij, xukuje' tak ri xepo ri c'o puwi' ri porobal. Aretak xquil conojel ri aj israelib xquirak qui chi' ruc' quicotemal, xquimej quib c'ä xquiya' na ri qui palaj cho ri ulew.

Nabe Tzijobelil 16:34

Chiya' maltioxinic che ri Ajawaxel, rumal rech chi utz ri are', rumal rech chi junalic ri u lok'ok'ebal c'u'x.

Salmib 100:5

Utz c'ut ri Ajawaxel; ri u lok'ok'ebal c'u'x junalic, ri u jiquil man c'o ta u q'uisic.

Salmib 106:1

¡Chyo'k u k'ij ri Ajawaxel! Chiya' maltioxinic che ri Ajawaxel utz c'ut ri are', rumal rech chi ri lok'ok'ebal u c'u'x junalic.

Salmib 107:1

Chiya' maltioxinic che ri Ajawaxel, utz c'ut ri are', junalic c'ut ri lok'ok'ebal u c'u'x.

Salmib 118:1

Chiya' maltioxinic che ri Ajawaxel, rumal rech chi utz ri are'; rumal rech chi ri lok'ok'ebal u c'u'x junalic.

Ucab Tzijobelil 20:18

Are c'u ri Josapat xxuquic xupachba' rib c'ä na ri u palaj cho ri ulew, e are' c'ut ri aj Juda xukuje' ri aj Jerusalen xquimej quib chuwäch ri Ajawaxel che u ya'ic k'ijilanic che.

Ucab Tzijobelil 29:28

Ri tinimit winak e xucuxuj cätajin quek'ijilanic quebixon c'ut ri ajbixab xukuje' ri e cojol tabal tok'ob quecok'asala' tak ri trompet. Je c'u xtakex u banic wa' c'ä xchajir na ri tabal tok'ob.

Ucab Tzijobelil 29:29

Aretak xq'uis u banic wa', ri ajawinel xukuje' conojel ri e achilaninak xexuquic che u ya'ic k'ijilanic.

Ucab Tzijobelil 29:30

Xuya' chi c'u takanic ri ajawinel Ezequiy xukuje' ri e rach k'atal tak tzij chque ri aj levitib chi chquiya' k'ijilanic che ri Ajawaxel cuc' tak ri u bix ri David xukuje' ri e rech ri Asap, ri k'axal tzij. Xquiban c'ut ruc' nimalaj quicotemal, xukuje' xexuquic che u ya'ic k'ijilanic.