Ucab Tzijobelil 5:5 - Quiché Bible

⁵ xquik'axej c'ut junam xrachilaj ri Lic'om Rachoch re rikoj ib ruc' ri Dios xukuje' conojel ri e tastalicalaj tak chaconisabal ri e c'o chupam, ri xec'am bic cumal tak ri e cojol tabal tok'ob xukuje' ri aj levitib.

Ucab Tzijobelil 5:5 ပူးပေါင်းရင်းမြစ်များ

Nabe Ajawinelab 8:4

xquik'axej xrachilaj ri Lic'om Rachoch re rikoj ib ruc' ri Dios xukuje' conojel ri tastalic tak chaconisan ri e c'o chupam, ri xequic'am bic ri e cojol tabal tok'ob xukuje' tak ri aj levitib.

Nabe Ajawinelab 8:6

C'äte c'u ri' ri e cojol tabal tok'ob xquic'am bic ri caxa ri c'o wi ri u c'ulwächinic ri Ajawaxel xequiya' chupam ri Rachoch ri Dios, c'ä chupam ri Sibalaj Tastalicalaj C'olbal, chquixe' ri qui xic' ri wächbal ri e aj cajalaj tak to'banelab,

Ucab Tzijobelil 1:3

Xerachilaj c'u conojel ri winak ri qui mulin quib xbe pa ri k'ijilabal ri c'o pa Gabaon, chila' c'u c'o wi ri Lic'om Rachoch Dios re rikoj ib ruc' ri Dios, ri xuban ri Moises, ri pataninel rech ri Dios pa ri chaki'j uwo sak.

Ucab Tzijobelil 23:18

Ri Joiad xebucoj c'ut chajinelab chupam ri rachoch ri Ajawaxel, ri xecanaj chuxe' ri qui takanic ri e cojol tabal tok'ob xukuje' ri aj levitib, ri xebujach wi ri David ri patanijic chupam ri rachoch Dios chquiwäch quequichi'j c'ut ri tabal tok'ob ri cachajirisaxic je jas ri tz'ibatal chupam ri u pixab ri Moises, quebixon c'ut ruc' quicotemal, je jas ri takanic ri xuya' ri David.

Ucab Tzijobelil 5:4

Xebopan conojel ri nimak tak tatayib aj Israel, e are' c'ut ri aj levitib xetelen ri caxa

Ucab Tzijobelil 5:6

Ri ajawinel Salomon xukuje' conojel ri tinimit aj israelib ri qui mulin quib ruc', e c'o chuwäch ri caxa cätajin quequichi'j tabal tak tok'ob chij ama'ib tak wacax ri rumal ri qui q'uiyal man xban ta cuinic che cajilaxic.