Ucab Tzijobelil 30:1 - Quiché Bible

¹ Ri Ezequiy xutak u bixic pa ronojel Israel xukuje' Juda, xukuje' xebutak wuj che cula'xic ri Eprain xukuje' ri Manases rech quebopan pa ri rachoch ri Ajawaxel pa Jerusalen che roc'owisaxic ri rocowem ri Ajawaxel, ri u Dios ri Israel.

Ucab Tzijobelil 30:1 ပူးပေါင်းရင်းမြစ်များ

Ri Osey 11:8

¿Jas ta che catinya' canok, Eprain? ¿Jas ta che catinxutuj canok, Israel? ¿La quincuin ta lo quinsachisaj a wäch jacha' ri xinban che u sachisaxic u wäch ri tinimit re Adma, o quenbana' ta chawe junam jas ri xinban che ri Zeboim? ¡Ri wanima' slabetajinak, nojinak che elebal c'uxaj chawe!

Ri Osey 5:4

Ri e itzel tak u banoj ri tinimit man cäyo'w ta che chi cätzelej ruc' ri u Dios. Kajinak pa u k'ab ri u mac quech ri nim ch'utin, man cuya' ta u k'ij ri Ajawaxel.

Ucab Tzijobelil 35:6

Chipila' ri alaj ama' chij re ri Oc'owem, chijosk'ila' tak iwib chisuc'umaj ri cajwatajic rech ri e iwachalal quecuinic quequitz'akatisaj ri xutak u banic ri Ajawaxel rumal ri Moises.”

Ucab Tzijobelil 25:7

Xutac'aba' c'u rib jun achi chuwäch ri xtak ulok rumal ri Dios, ri xubij che: “O ajawinel maquinuc' quib ri ajch'ojab aj Israel awuc' rumal rech chi ri Ajawaxel man c'o ta ruc' ri Israel, cuc' conojel we winak ri' ri e re Eprain.

Ucab Tzijobelil 11:16

Xukuje' c'ut, ri c'o pa canima' ri u tzucuxic ri Ajawaxel, ri u Dios ri Israel, xquitakej u banic quech ri xquiban ri e cojol tabal tok'ob xukuje' ri aj levitib xebe c'u pa Jerusalen che u chi'xic tabal tok'ob che ri Ajawaxel, ri qui Dios ri e qui mam.

Ucab Tzijobelil 11:13

Ri e cojol tabal tok'ob xukuje' ri aj levitib ri e c'o pa ronojel Israel conojel xebel ulok pa tak ri qui c'olbal che u mulixic quib ruc',

Ri Josue 14:4

Ri e rija'lil ri Jose xebux quieb amak', ri rech ri Manases xukuje' ri rech ri Eprain, are' c'u ri chque ri aj levitib man c'o ta jun ch'akap ulew xya' ta chque, xa ne xuwi tak ri tinimit ri cuya' quejeki' wi xukuje' culew che qui yuk'uxic wacax xukuje' chij.

Ucab Tzijobelil 29:36

Xukuje' c'u ri Ezequiy jacha' ronojel ri tinimit xequicot che ri u banom ri Dios che ri tinimit, ronojel c'ut xbanaxtax ruc' aninakil.

Ucab Tzijobelil 30:2

Ri ajawinel, aretak chomatajinak chic cuc' ri e rach k'atal tak tzij xukuje' cuc' conojel ri aj Jerusalen, xuchomaj u roc'owisaxic ri nimak'ij re ri Oc'owem pa ri ucab ic',

Ri Jeremiy 29:1

Aretak c'u c'amtajinak chi bic ri ajawinel Jeconiy pa jun ulew chic, junam ruc' ri u nanaxel, ri pataninelab re ri rachoch ri ajawinel, ri e c'amal tak be pa Juda xukuje' pa Jerusalen, ri e nawinelab tak ajchaquib xukuje' ri e ch'ayal tak räx ch'ich', ri Jeremiy ri k'axal tzij kas pa Jerusalen c'o wi xutak bic jun wuj chque ri e qui tz'akatil ri nimak tak tatayib ri xecanaj canok chque ri xec'am bic pa jun ulew chic, xukuje' ri e cojol tabal tok'ob, k'axal tak tzij xukuje' chque ri winak ri xebuc'am bic ri ajawinel Nabucodonosor pa Jerusalen xebuya' pa Babilon.

Ucab Ajawinelab 23:22

Mawi jumul oc'owisam ta jun Oc'owem ri junam ta ruc' wa' kas pa ri qui k'ijol ri c'amal tak be ri xetakan puwi' ri Israel, mawi pa ronojel ri qui k'ijol ri ajawinelab re Israel xukuje' ri e rech ri Juda.

Ucab Tzijobelil 29:24

Xtakex c'u qui pilic cumal ri e cojol tabal tok'ob, xquijamij c'ut ri qui quiq'uel puwi' ri porobal jacha' jun sipanic che u rikic ri cuyubal tak qui mac ri Israel, u yo'm c'u takanic ri ajawinel chi ri tabal tok'ob ri cachajirisaxic cächi'x puwi' ronojel ri aj Israel.