Ucab Tzijobelil 22:9 - Quiché Bible

⁹ Xukuje' xutak u tzucuxic ri Ocoziy ri u c'u'm rib pa Samar, xchap c'ut xc'am bic chuwäch ri Jehu xcämisax c'ut. Xmuk c'ut, rumal rech chi u c'ojol ri Josapat, ri xutzucuj ri Ajawaxel ruc' ronojel ri ranima'. Je c'u ri' man c'o ta jachin jun xcanaj ta can chque ri rachalaxic ri Ocoziy ri ticarel taj ri cajawin ta che ajawinel.

Ucab Tzijobelil 22:9 ပူးပေါင်းရင်းမြစ်များ

Nabe Ajawinelab 13:21

ruc' c'u rakoj chi'aj xubij we nim winak ri' che we k'axal tzij ri': “Ri Ajawaxel u bim chi rumal rech chi man xanimaj taj ri takanic ri xuya' chawe,

Nabe Ajawinelab 14:13

Ronojel c'ut ri Israel carok'ej na, cämuk c'u na; xuwi c'u rija'lil ri Jeroboam wa' ri cämukic. Chquixo'l c'u conojel ri rija'lil ri Jeroboam, xuwi c'u ri are' u rikom wi ri Ajawaxel, ri u Dios ri Israel, jubik' ri cäkaj chuwäch.

Ucab Ajawinelab 9:34

Xbe c'u ri Jehu che u tijic u wa ruq'uia'. C'ä chumatam, ri Jehu xuya' takanic: “Quinjach we itzel ixok ri', pa i k'ab chimuku'; u mia'l c'u ne jun ajawinel.”

Ucab Tzijobelil 19:3

E c'o c'u ne niq'uiaj jastak chic ri cäto'w wi' la e yojim c'u la ri e qui wächbal tak ri Asera ri e c'o can pa ri ulew yo'm c'u tzij la che u tzucuxic ri Dios.”

Ucab Tzijobelil 21:17

xepe c'u puwi' ri Juda xquimajij c'ut ri ulew, xequic'am c'u bic conojel ri utzalaj tak jastak ri xequirik chupam ri rachoch ri ajawinel, xukuje' tak ne ri e u c'ojol xukuje' tak ri e rixokilal. Xuwi c'u xcanaj can ri Joacaz ruc', ri chak'axel.

Ucab Tzijobelil 21:20

Juwinak cablajuj c'ut ri u junab aretak xuchaplej ajawinic, wajxakib junab c'ut xajawin pa Jerusalen. Man c'o ta c'u jun xok'en u wäch aretak xbe pa mukic. Xmuk chupam ri u Tinimit ri David, man chupam ta c'ut ri quemuk wi ri ajawinelab.

Ucab Tzijobelil 21:4

Are c'u ri Joram, aretak xuna' rib chi co u puwi' chic ri u tem re ajawibal ri u tat, xebuk'ok'ej conojel ri rachalal chi ch'ich' xukuje' jujun takanelab pa Israel.

Ucab Tzijobelil 22:8

Are' c'u ri Jehu aretak cätajin cuq'uis tzij paquiwi' ri rachalal ri Acab, xeburik ri e c'amal tak be pa Juda xukuje' ri e rachalaxic ri Ocoziy, ri e c'o che u patanixic wa', xebucämisaj c'ut.

Ucab Tzijobelil 24:25

Aretak ri aj siriyab xetzelej chquij, nimalaj yawab xquiya' canok, xquiwalijisaj c'u quib ri e rach k'atal tak tzij chrij che u tojic ri u cämisaxic ri u c'ojol ri Joiad, cojol tabal tok'ob, kas c'u pa ri u ch'at xquicämisaj wi. Xquimuk c'ut chupam ri u Tinimit ri David, man chupam ta c'ut ri qui mukubal tak ri ajawinelab.

Ucab Tzijobelil 25:27

Kas pa ri jok'otaj aretak ri Amasiy xutas rib chrij ri Ajawaxel, xtzucux u cämisaxic ri Amasiy pa Jerusalen, ri xanimaj bic pa Lacs; xetzucux c'u c'ä pa ri tinimit, chila' c'u xcämisax wi.

Ucab Tzijobelil 33:24

Xquiwalijisaj c'u quib ri e quinimal tak ri rajch'ojab chrij, xquicämisaj c'ut chupam ri rachoch.

Ri Jeremiy 29:13

Quinitzucuj na quinirik c'u na, rumal rech chi quinitzucuj na ruc' ronojel iwanima'.