Ucab Tzijobelil 22:2 - Quiché Bible

² Juwinak quieb u junab aretak xuchaplej ajawinic, jun junab c'ut xajawin pa Jerusalen. Ataliy u bi' ri u nan, rija'lil c'ut ri Omri.

Ucab Tzijobelil 22:2 ပူးပေါင်းရင်းမြစ်များ

Ucab Tzijobelil 21:6

Are c'u xutakej u banic rech ri xquiban tak ri ajawinelab re Israel xukuje' ri xquiban ri e rija'l ri Acab, ri rixokil rija'lil ri Acab; e itzel c'ut ri e u banoj chuwäch ri Ajawaxel.

Ucab Ajawinelab 8:26

Juwinak quieb u junab aretak xuchaplej ajawinic, jun junab c'ut xajawin pa Jerusalen. Ataliy u bi' ri u nan, rachalaxic ri Omri, ajawinel re Israel.

Nabe Ajawinelab 16:28

Aretak xcämic, xmuk pa Samar. Are' chi c'u xajawin ri u c'ojol pa ri u c'olbal, ri Acab u bi'.

Ucab Tzijobelil 22:1

Ri aj Jerusalen are' xquicoj ri Ocoziy ri ch'i'p u c'ojol ri Joram pa ri u c'olbal che ajawinel, e are' tak c'ut ri e jupuk eläk'omab e cachil tak ri aj arabib qui ch'äcom ri kajebal re ajawibal, xequicämisaj c'ut conojel ri e u c'ojol ri Joram ri e nabeal, ajawinel re Juda. Je c'u ri', ri Ocoziy ri u c'ojol ri Joram ajawinel re Juda, xuchaplej ajawinic.

Ucab Tzijobelil 22:3

Ri Ocoziy xukuje' xutakej u banic rech jas ri xuban ri Acab xukuje' ri e rija'lil, are c'u ri u nan are' cayo'w ri itzel tak cojbal c'uxaj che, u mac c'u rech chi cäruc'aj rib cuc' ri e rija'lil ri Acab, man utz taj ri e u banoj chuwäch ri Ajawaxel. Kas c'u e are', ri xeyo'w u no'j aretak cäminak chic ri u tat, xquic'am c'u bic chupam ri sachbal wächaj.

Ucab Ajawinelab 8:18

Xutakej c'ut qui banic ri xequiban tak ri ajawinelab re Israel xukuje' ri xequiban ri e rija'lil ri Acab, ri rixokil rija'lil ri Acab; jeri' ri e u banoj e itzel chuwäch ri Ajawaxel.