Ucab Tzijobelil 22:1 - Quiché Bible

¹ Ri aj Jerusalen are' xquicoj ri Ocoziy ri ch'i'p u c'ojol ri Joram pa ri u c'olbal che ajawinel, e are' tak c'ut ri e jupuk eläk'omab e cachil tak ri aj arabib qui ch'äcom ri kajebal re ajawibal, xequicämisaj c'ut conojel ri e u c'ojol ri Joram ri e nabeal, ajawinel re Juda. Je c'u ri', ri Ocoziy ri u c'ojol ri Joram ajawinel re Juda, xuchaplej ajawinic.

Ucab Tzijobelil 22:1 ပူးပေါင်းရင်းမြစ်များ

Ucab Ajawinelab 10:13

chila' c'u xeburik wi ri e rachalal ri Ocoziy, ajawinel re Juda. Ri Jehu xuc'ot qui chi': “¿Ix jachin tak ix?” Ri e are' xquitzelej u bixic che: “Uj rachalal ri Ocoziy, uj petinak che u ya'ic rutzil qui wäch ri e u c'ojol ri ajawinel xukuje' ri e ral ri ajawinel ixok'.”

Ucab Ajawinelab 8:16

Pa ri uro' junab ri rajawinic ri Joram pa Israel, u c'ojol ri Acab, ri Joram, u c'ojol ri Josapat, xuchaplej ajawinic pa Juda.

Ucab Ajawinelab 9:1

Ri Elisey ri k'axal tzij xusiq'uij jun chque ri jumulaj e k'axal tzij, xubij che: “Chasuc'umaj awib che awelic bic. Chac'ama' we jun uc'a' aseit ri' jät c'ut pa Ramot re Galaad;

Ucab Tzijobelil 22:2

Juwinak quieb u junab aretak xuchaplej ajawinic, jun junab c'ut xajawin pa Jerusalen. Ataliy u bi' ri u nan, rija'lil c'ut ri Omri.

Ucab Tzijobelil 23:3

Conojel ri xquimulij quib xquiban jun c'ulwächinic chila' ruc' ri ajawinel chupam ri rachoch ri Ajawaxel. Ri Joiad xubij chque: “¡C'o ri u c'ojol ri ajawinel chiwäch! Are wa' ri rajawaxic cux ajawinel, jacha' ri xuchi'j ri Ajawaxel chque ri e rija'lil ri David.

Ucab Tzijobelil 25:23

Ri Joas, ajawinel re Israel xkaj ri Amasiy pa u k'ab pa Bet-sems, ajawinel re Juda, xuc'ama' c'u bic pa Jerusalen, ri xuwor jun c'ob che ri tapia re quieb sient juwinak (220) bara', kas ruc' ri Oquibal re Eprain c'ä ruc' ri Oquibal pa ri Xquina.

Ucab Tzijobelil 26:1

Ronojel c'ut ri tinimit Juda xumajij ri Uziy, xucoj c'u che rajawinel che u q'uexwäch ri Amasiy ri u tat. Wuklajuj c'ut u junab ri Uziy,

Ucab Tzijobelil 33:25

Are c'u ri winak re ri tinimit xequicämisaj ri xquiwalijisaj quib chrij ri ajawinel Amon, are' c'u xquicoj ri u c'ojol pa ri u c'olbal ri Josiy u bi'.

Ucab Tzijobelil 36:1

Ri winak re ri tinimit xumajij c'ut ri Joacaz, u c'ojol ri Josiy, xquicoj c'u che ajawinel pa Jerusalen che u q'uexwäch ri u tat.