Ucab Tzijobelil 2:3 - Quiché Bible

³ Ri Salomon xutak c'u na u bixic che ri Hiram, ajawinel re Tir: “Je' bana' la chwe jas ri xban la che ri David, ri nu tat, ri xebetak la ulok tak che' re chacalte' che, rech cuyac jun rachoch ri cac'oji' wi.

Ucab Tzijobelil 2:3 ပူးပေါင်းရင်းမြစ်များ

Ucab Samuel 5:11

Rumal c'u ri' ri Hiram ri ajawinel ri c'o pa Tir, xebutak ulok ri u tako'n ruc' ri David, e cuc'am c'u ulok ajanelab xukuje' tzoc'ol tak abaj, ri e cuc'am tak ulok che' re chacalte' xquiyac c'ut ri rachoch ri David ri cäc'oji' wi.

Nabe Tzijobelil 14:1

Ri Hiram, ajawinel re Tir, xebutak ulok e u q'uexwäch ruc' ri David, xebutak c'u ne ulok banal tak tz'ak xukuje' ajanelab ri e cuc'am ulok tz'alam re chacalte' che u yaquic ri rachoch ri ajawinel.

Ucab Tzijobelil 13:11

E are' quechi'n che ri Ajawaxel, ak'ab xukuje' que k'ij, tabal tak tok'ob ri quechajirisaxic xukuje' c'oc' k'ol, caquicoj puwi' jun mexa ri ch'ajch'oj jas ri nak'atisabal ri caxlanwa ri tastalic, qui tzij c'u ronojel que k'ij ri k'ak' ri quenicow puwi' ri tzuc'ulibal re k'an puak. Rumal rech chi ri uj quekatz'akatisaj qui banic ri e u chomanic ri Ajawaxel ri ka Dios, are c'u ri ix i xutum canok.

Ucab Tzijobelil 24:14

Aretak xq'uis u suc'umaxic, xquic'am bic che ri ajawinel xukuje' che ri Joiad ri puak ri xto'tajic, xequitak c'u qui banic tak chaconisan ri quebajwataj chupam ri rachoch ri Ajawaxel, ri quebajwataj che qui banic tak ri k'ijilanic jacha' xukuje' chque tak ri tabal tok'ob ri quechajirisaxic, paq'uebal tak xukuje' niq'uiaj tak chaconisan chic re k'an puak xukuje' re sak puak. Xquitakej c'u na qui chi'xic tabal tok'ob ri quechajirisaxic joropa' k'ij xc'asi' na ri Joiad.

Ucab Tzijobelil 4:19

Ri Salomon xukuje' xutak qui banic tak ri e chaconisabal ri quebajwataj chupam ri rachoch Dios: ri porobal re k'an puak, ri mexa tak ri queya' wi tak ri caxlanwa ri quetas che ri Ajawaxel,

Ucab Tzijobelil 8:13

Pa tak ri k'ij ri rajawaxic qui chi'xic che je jas ri cubij ri u pixab ri Moises, che u bixic, pa tak ri k'ij que uxlanem, pa tak ri nimak'ij re ri c'ac' ic' xukuje' pa ri oxib nimak'ij ri queboc'ow chujunab: ri quech ri caxlanwa ri man cäya' ta ch'am cuc', ri quech ri wukutak k'ij xukuje' ri quech tak ri Cäbal.

Ri Esdras 6:3

“Pa ri nabe junab re ri rajawinic, ri Ajawinel Sir xtakan che u tz'ibaxic we takanic ri': ‘Che u bixic ri cäban che u banic u yaquic ri Rachoch ri Dios pa Jerusalen: Chi checoj ri e u tac'alibal chyac c'u ri ja, rech quechi'x ri tabal tak tok'ob chila'. Juwinak oxlajuj (33) bara' c'ut quebel chicaj xukuje' juwinak oxlajuj (33) c'ut bara' u wäch;

Ri Nehemiy 10:34

C'o c'u ne na wa', chi ri e cojol tabal tok'ob, ri aj levitib xukuje' ronojel ri tinimit, jas ri qui cholajil tak ri kachalaxic, xakaq'uiak ri taklebenic rech cakilo jachin ri cac'amow ulok ri si' re jun junab, ri cajwataj chupam ri rachoch Dios che u poroxic puwi' ri porobal ri rech ri Ajawaxel ri ka Dios, jacha' ri tz'ibatal chupam ri pixab.

Elem 25:30

Amak'el quebacoj ri caxlanwa puwi' ri mexa chnuwäch ri caxlanwa ri cätas chwe.”

Elem 29:38

“K'ij chi k'ij mel a k'ij rajawaxic quebachi'j quieb alaj ama'ib tak chij re jujun qui junab puwi' ri porobal.

Elem 29:39

Jun chque caya' ak'abil, ri jun chic benak k'ijil.

Elem 29:41

Je caban che ri jun alaj ama' chij chic benak k'ij xukuje' ri sipanic re c'äj, re u wal uva, sipanic wa' ri cäporoxic ri cäc'oc'at chuwäch ri Ajawaxel.

Elem 30:7

Ri Aaron cuporoj na c'oc'alaj k'ol puwi' we porobal ri' ronojel ak'abil, aretak quebusuc'umaj ri yabal k'ak',

Aj Levitib 23:2

“Chabij chque ri aj israelib, ri quinbij chawe: E are tak k'ijol wa' ri nimak qui k'ij ri quebiya' che ri Ajawaxel, ri quebicoj na tastalicalaj tak mulin ib che qui bi'.

Aj Levitib 9:17

Xujach c'ut ri sipanic quech c'äj, ri xuc'am jumuk' che, ri xuporoj puwi' ri porobal, e c'o chi c'u wi na ri' ri tabal tak tok'ob ri que chajirisax ak'abibal.

Ajilanic 28:11

“Chupam ri nabe k'ij re jujun tak ic' qui chi'j na jacha' che tabal tok'ob ri cächajirisaxic che ri Ajawaxel quieb c'ojol tak wacax, jun ama' chij xukuje' wukub alaj ama'ib tak chij re jujun qui junab, ri man c'o ta qui yab.

Ajilanic 28:9

“Chupam tak ri k'ij re uxlanibal rajawaxic quebichi'j quieb alaj tak ama'ib chij re jun qui junab, ri ma ta c'o qui yab, xukuje' belejeb libra utzalaj c'äj ri cayok' aseit ruc' jacha' che sipanic que tak c'äj, carachilaj ri u wa'l uva.