Ucab Tzijobelil 15:12 - Quiché Bible

¹² Xquiya' c'u qui tzij xuwi che u tzucuxic ri Ajawaxel ruc' ronojel canima'; ri qui Dios ri e qui mam.

Ucab Tzijobelil 15:12 ပူးပေါင်းရင်းမြစ်များ

Hechos 24:14

Are c'u wa' quink'alajisaj chwäch la, chi quinpatanij ri qui Dios ri nu mam je jas ri u banic we C'ac' Be ri', ri cäquibij juk'at che. Quincoj ronojel ri tz'ibam pa ri pixab xukuje' pa ri qui wuj ri e k'axal tak tzij.

Ucab Tzijobelil 23:16

Ri Joiad xuban c'u na jun c'ulwächinic ruc' ronojel ri tinimit xukuje' ruc' ri ajawinel, chi ri e are' e u tinimit ri Ajawaxel.

Ucab Tzijobelil 29:10

Je c'u ri' nu yo'm nu tzij che u banic jun c'ulwächinic ruc' ri Ajawaxel, ri u Dios ri Israel, rech cupac ri royowal pakawi'.

U Camulixic ri Pixab 10:12

“Are c'u ri camic aj israelib, ¿jas ri cutz'onoj ri Ajawaxel chiwe? Xuwi chiya' u k'ij, chilok'ok'ej chebitakej c'u conojel ri e u be; xukuje' chik'ijilaj ruc' ronojel iwanima' xukuje' ruc' ronojel ri i c'aslibal,

2 Corintios 8:5

Man xiquiban ta c'ut jas ri keye'm, xane' nabe xquijach quib che ri Ajawaxel, te c'u ri' xquijach quib chke uj, jas ri u rayibal ri Dios.

Ri Jeremiy 50:5

Caquitatabela' na jachique ri be ri cäbe pa Sion, quebe c'u na che ri u suq'uil, je c'u cäquibij wa': ‘Jo' ba' ruc' ri Ajawaxel, ka junaj c'u kib ruc' pa jun junalic c'ulwächinic, ri mawi cäsach ta u tza'm.’

Ri Nehemiy 10:29

xquijunamaj quib cuc' tak ri cachalaxic xukuje' cuc' tak ri e c'amal tak qui be, xeban chi'nic ri kas cäban na, xecha' chi quequibana' je jas ri cubij ri u pixab ri Dios ri yo'm che ri Moises ri pataninel rech, xukuje' quebequitz'akatisaj tak ruc' jicomal conojel tak ri takomal, xukuje' ri pixab tak ri e tz'ibam, xukuje' tak ri e u pixab ri Ajawaxel.

Ri Nehemiy 9:38

Pune' c'u je c'ulmatajinak wa' ri uj cakatz'ibaj jun je'licalaj c'ulwächinic, ri wuj ri t'ikom caquicoj qui bi' ri e c'amal tak ka be che, ri aj levitib xukuje' tak ri e cojol tabal tok'ob.

Ucab Tzijobelil 15:4

Aretak c'u e c'o pa u niq'uiajil ri qui c'axc'olil, tzelejinak c'ut ri tinimit ruc' ri Ajawaxel, ri u Dios ri Israel, u tzucum c'ut, ri are' u yo'm rib pa rikic.

Ucab Ajawinelab 23:3

Xutac'aba' c'u rib ri ajawinel chuxcut ri rakan ja, xuya' c'u u tzij chuwäch ri Ajawaxel chi caniman che, cuban c'ut ri cubij ruc' tz'akatil, man ruc' ta quieb u c'u'x cutakej qui banic ri e u takomal, ri e u takanic xukuje' tak ri pixab, xukuje' ri qui tz'akatisaxic ri u cholajil ri c'ulwächinic ri e tz'ibatal chupam ri wuj. Ronojel c'ut ri tinimit xuya' u tzij che u banic.

Nabe Ajawinelab 8:48

we c'u quetzelej uc' la ruc' ronojel ri canima' xukuje' ruc' ronojel ri qui c'aslibal pa ri culew ri c'ulel jawije' ri e yo'm wi la, caquiban c'u ch'awem uc' la chusuq'uil we ulew ri' ri xya' la chque ri e qui mam, xukuje' che ri tinimit ri cha'om la, xukuje' che ri achoch la ri nu yacom che la,

U Camulixic ri Pixab 29:12

rech quiya' i tzij aretak quiban ri chi'nic ri kas cäban na chi quinimaj ri c'ulwächinic ri cuban ri Ajawaxel ri i Dios iwuc' camic.

U Camulixic ri Pixab 29:1

E are' tak tzij wa' re ri c'ulwächinic ri xuya' wi takanic ri Ajawaxel che ri Moises chi cuban cuc' ri aj israelib pa ri Moab, c'o chi c'u wi na can ri' ri c'ulwächinic ri u banom chi can cuc' pa ri juyub Horeb.

U Camulixic ri Pixab 4:29

we c'u quitzucuj ri Ajawaxel ri i Dios chila' ruc' ronojel iwanima' xukuje' ruc' ronojel i c'aslibal quirik na.

Ucab Ajawinelab 11:17

Ri Joiad xuban c'u na jun c'ulwächinic ruc' ri Ajawaxel, ri ajawinel xukuje' ri tinimit, chi ri e are' xquicoj quib chuxe' chi quebux u tinimit ri Ajawaxel, ri ajawinel xukuje' ri tinimit.

U Camulixic ri Pixab 6:5

Chalok'ok'ej ri Ajawaxel ri a Dios ruc' ronojel awanima', ruc' ronojel a c'aslibal xukuje' ruc' ronojel a chuk'ab.

U Camulixic ri Pixab 29:11

ri ac'alab, ri ixokib xukuje' ri man e i winakil ta ri e jekel chixo'l, xukuje' ne ri banal tak si', ri c'amal tak ja',

Ri Josue 24:25

Kas pa ri k'ij ri', chila' pa Siquem, ri Josue xuban jun c'ulwächinic ruc' ri tinimit, xebuya' c'u pixab chque xukuje' tak takanic,

Ucab Tzijobelil 11:16

Xukuje' c'ut, ri c'o pa canima' ri u tzucuxic ri Ajawaxel, ri u Dios ri Israel, xquitakej u banic quech ri xquiban ri e cojol tabal tok'ob xukuje' ri aj levitib xebe c'u pa Jerusalen che u chi'xic tabal tok'ob che ri Ajawaxel, ri qui Dios ri e qui mam.

Ucab Tzijobelil 19:3

E c'o c'u ne niq'uiaj jastak chic ri cäto'w wi' la e yojim c'u la ri e qui wächbal tak ri Asera ri e c'o can pa ri ulew yo'm c'u tzij la che u tzucuxic ri Dios.”