Ucab Tzijobelil 11:12 - Quiché Bible

¹² Xebujach c'u tak qui quetecak ch'ich' xukuje' qui tz'imaj tak ch'ich' conojel ri tinimit, sibalaj c'u utz qui colomaxic xubano. Je c'u nimalaj qui cowirisaxic wa' xubano. Je c'u ri' xcanaj ri Juda xukuje' ri Benjamin pa u k'ab ri Roboam.

Ucab Tzijobelil 11:12 ပူးပေါင်းရင်းမြစ်များ

Ucab Tzijobelil 32:5

Man c'u ruc' ta queblan c'uxaj xuchaplej u suc'umaxic ri nim tapia ri tzakinak, xukuje' xebuyac tac'atak tak ja puwi', xukuje' chi jun nimalaj tapia chrij. Xuban c'u u t'iquic ri julujic ri c'o pa ri u Tinimit ri David, xebuban e jumulaj tz'imaj tak ch'ich' xukuje' quetecak tak ch'ich'.

Ucab Samuel 13:22

Ri Absalon, man c'o ta jas xuch'a' che ri Amnon xak ta pa re wi, caretzelaj c'u u wäch rumal rech chi xuban il che ri Tamar ri rana'b.

Ucab Samuel 13:19

xuya' chaj pa u jolom, xujis ri ratz'iak ri u cojom, xebuya' ri quieb u k'ab pa u jolom, cok'ic xbec pa ri be.

Ucab Tzijobelil 11:11

Xebuc'ojoj ri qui tapia tak we tinimit ri xebucoj c'u takanelab chquipam xukuje' ri cätijic, aseit xukuje' u wa'l uva.

Ucab Tzijobelil 11:13

Ri e cojol tabal tok'ob xukuje' ri aj levitib ri e c'o pa ronojel Israel conojel xebel ulok pa tak ri qui c'olbal che u mulixic quib ruc',

Ucab Tzijobelil 10:17

E are tak c'ut ri aj israelib ri e jekel chquipam ri tak tinimit ri e c'o pa Juda, ri Roboam xutakej ajawinic paquiwi'.

Ucab Tzijobelil 15:2

xel bic che u c'ulaxic ri As che u bixic che: “¡Chintabej la, As, xukuje' conojel ri aj Juda xukuje' ri aj Benjamin! Ri Ajawaxel c'o uc' alak, we c'o alak ruc'. We c'u cäya' can alak, cärik na alak; we c'u catzakan alak, xukuje' ri are' cäya' can alak rumal.

Ucab Tzijobelil 17:12

Nojimal c'ut, xc'oji' sibalaj u chuk'ab ri Josapat. Xebuyac tak tapia pa Juda xukuje' tak tinimit che qui c'olajixic tak ri jastak,

Ri Ezequiel 37:16

“Chac'ama' jun che', chatz'ibaj c'u chrij: ‘Juda xukuje' ri aj israelib ri junam qui wäch ruc'.’ Chac'ama' chi c'u jun che', chatz'ibaj c'ut: ‘Jose, q'uexwächim rumal ri Eprain, xukuje' conojel ri junam qui wäch ruc' ri e u tz'akatil ri Israel’.