Ucab Samuel 8:8 - Quiché Bible

⁸ Xukuje' xuban rech che nimalaj jumulaj kan ch'ich' re Bet xukuje' re Berotay, we tinimit tak ri' e rech ri Hadad-ezer.

Ucab Samuel 8:8 ပူးပေါင်းရင်းမြစ်များ

Ucab Samuel 8:7

Xerechbej c'u na ri David ri quetecak tak ch'ich' ri e re k'an puak ri xequicoj ri e qui nimakil ri e rajch'ojab ri Hadad-ezer, xebuc'am c'u u bic pa Jerusalen.

Nabe Ajawinelab 11:23

Ri Dios xukuje' xubano chi xukuje' ri Rezon cuwalijisaj rib chrij ri Salomon. Ri Rezon u c'ojol ri Eliad ri animajinak chuwäch ri rajaw, ri Hadad-ezer, ri ajawinel re Soba.

Nabe Tzijobelil 18:1

Xc'ulmataj c'ut chi ri David xebuch'äc ri aj pilisteyib, xekaj c'u pa u k'ab xutokij c'ut ri tinimit Gat chque xukuje' ri alaj tak u tinimit.

Nabe Tzijobelil 18:8

Xukuje' xuban rech che jumulaj k'an ch'ich' ri petinak pa Tibat xukuje' pa Cun, e tak tinimit wa' ri e c'o pa u k'ab ri Hadad-ezer. Ruc' we k'an ch'ich' ri' xuban ri Salomon ri nimalaj pila, xukuje' tak ri rakan ja xukuje' tak ri chaconisan re k'an ch'ich' ri xebajwataj chupam ri rachoch Dios.

Nabe Tzijobelil 22:14

Chawilampe', ri in ruc' sibalaj tijow chuk'ab in cuininak che u suc'umaxic che ri rachoch ri Ajawaxel oxc'al wakib mil (66,000) quintal k'an puak, wakib sient mil ruc' oxc'al mil (660,000) quintal sak puak, xukuje' jun nimalaj jumulaj k'an ch'ich' xukuje' räx ch'ich' ri man cuya' taj capajic. Xukuje' nu mulin che' xukuje' abaj, ri catik chi na niq'uiaj at.

Nabe Tzijobelil 29:7

xquiya' c'u che ri chac che u banic ri rachoch Dios oxib mil wakib sient juwinak lajuj (3,630) quintal, xukuje' lajuj mil (10,000) rakan k'an puak, wukub mil quieb sient oxc'al (7,260) quintal sak puak, xukuje' xa' co'l man oxlajuj mil quieb sient (13,200) quintal k'an ch'ich' xukuje' oxc'al cablajuj mil wakib sient (72,600) quintal räx ch'ich'.

Ri Ezequiel 47:16

ri Berot xukuje' ri Sibraim (ri e c'o pa ri rulew ri Damasc xukuje' pa ri rulew ri Hamat), xukuje' ri Hazar-haticon (ri u c'ulbat rib ruc' ri Hauran).