Ucab Samuel 8:13 - Quiché Bible

¹³ Ri David xnimar u k'ij. Aretak c'u xtzelej ulok che qui ch'äquic ri aj edomib, xebuch'äc wajxaklajuj mil (18,000) aj edomib pa ri Beya' re Atz'am.

Ucab Samuel 8:13 ပူးပေါင်းရင်းမြစ်များ

Chapletajic 11:4

Xquibij c'ut: “Tisaj kayaca' jun ka tinimit xukuje' jun nimalaj tz'ak ri quel ri u wi' c'ä chicaj. Rech cänimar ka k'ij, man cäkatuquij ta c'u kib cho ronojel ri uwächulew.”

Ucab Samuel 7:9

at c'u wachilam apawije' ta ne ri at benak wi, nu q'uisom tzij paquiwi' conojel ri c'ulel ri xebel ulok che a cämisaxic sibalaj c'u nu nimarisam a k'ij, jacha' ri u nimarisaxic qui k'ij ri achijab ri nimak na qui k'ij ri e c'o cho ri uwächulew.

Nabe Ajawinelab 11:15

Aretak ri David xuch'äc ri Edom, ri Joab, ri qui nimal ri ajch'ojab, ri xbe che qui mukic ri xecäm pa ri ch'o'j, xebucämisaj conojel ri achijab ri e c'o pa Edom:

Ucab Ajawinelab 14:7

Ri Amasiy are' ri xecämisan ri lajuj mil aj edomib pa ri Beya' re Atz'am xuch'äc c'ut ri Sel, xucoj c'u Jocteel che u bi', are c'u u bi' c'ä camic.

Nabe Tzijobelil 18:12

Are chi c'u ri Abisay, ral ri Sarb, xebuch'äc wajxaklajuj mil (18,000) aj edomib chupam ri beya' re atz'am.

Ucab Tzijobelil 25:11

Xuchajij c'u anima' ri Amasiy xebuc'am bic ri rajch'ojab pa ri beya' re ri atz'am, xebucämisaj c'u lajuj mil (10,000) achijab aj Seir.

Salmib 60:1

Chupam ri oyowal la, nu Dios uj wonobam la canok, uj c'äjim la; ¡tzelej ba la camic ri ka chuk'ab!