Ucab Samuel 8:11 - Quiché Bible

¹¹ Ri David xebujach conojel we jastak ri' che ri Ajawaxel, xrachilaj ri k'an puak ri sak puak ri u tasom che nabe, ri e petinak pa tak ri nimak tak tinimit ri e u ch'äcom:

Ucab Samuel 8:11 ပူးပေါင်းရင်းမြစ်များ

Ucab Samuel 8:10

xutak ulok ri Joram ri u c'ojol xebuc'am ulok jastak re sak puak, re k'an puak xukuje' re k'an ch'ich', che u ya'ic rutzil u wäch xukuje' chi caquicot ruc' ri ajawinel David chi xutij u chuk'ab ruc' ri Hadad-ezer chi xcuin c'u che u ch'äquic, amak'el c'ut ch'ojininak ruc' ri Toy.

Nabe Ajawinelab 7:51

Aretak c'u xtz'akat qui banic conojel tak ri chac ri xtakan che qui banic chupam ri rachoch ri Ajawaxel, ri Salomon xebuc'am bic tak ri chaconisan re k'an puak xukuje' re sak puak ri u tasom ri David, ri u tat, che ri Ajawaxel, xebuya' cuc' ri e u k'inomal ri rachoch ri Ajawaxel.

Nabe Tzijobelil 18:11

Ri David xebujach conojel we jastak ri' che ri Ajawaxel, junam ruc' ri k'an puak xukuje' ri sak puak ri xutokij chque conojel ri nimak tak tinimit, che ri Edom, che ri Moab, chque ri aj amonib, chque ri aj pilisteyib xukuje' chque ri aj amalesib.

Nabe Tzijobelil 29:2

Ruc' ronojel tijow chuk'ab nu mulin ri cajwataj che u yaquic ri rachoch ri nu Dios: k'an puak, sak puak, k'an ch'ich', räx ch'ich' xukuje' che' ri quebajwataj che qui banic tak ri jastak chquijujunal. Xukuje' c'u cornalin, abaj ri cäjulk'irisaxic, yujulic, abaj che wikom qui wäch, ronojel qui wäch je'lic tak abaj xukuje' alabastr ri sibalaj tz'ebetalic.

Ucab Tzijobelil 5:1

Aretak c'u xeq'uis qui banic conojel tak ri chac ri takaninak ri Salomon che qui banic chupam ri rachoch Dios, xebuc'am bic ri Salomon ri e chaconisan ri e re k'an puak xukuje' ri e re sak puak ri e u tasom ri David, ri u tat, che ri Ajawaxel, xebuya' c'u cuc' ri e u k'inomal ri rachoch ri Ajawaxel.

Ri Miquey 4:13

¡Chatwalijok chabana' c'ut ri yak'oj, tinimit Sion! Cubij c'ut ri Ajawaxel: “In quinya' na ri u chuk'ab jun ama' wacax chawe ri e c'o ruc'a' re räx ch'ich' xukuje' tak rixq'uiak re k'an ch'ich', rech e q'ui ri tinimit ri quebumuchu. At cawesaj na ri qui k'inomal, ri xa' e qui t'orim quebatas c'u chwe, che ri Ajawaxel ri ajchak'e ronojel ri uwächulew.”