Ucab Samuel 8:1 - Quiché Bible

¹ Xch'ojin c'ut ri David cuc' ri aj pilisteyib, xebuch'äco, xecanaj chuxe' ri u takanic, xresaj c'ut ri u chuk'ab ri takanic ri c'o pa qui k'ab.

Ucab Samuel 8:1 ပူးပေါင်းရင်းမြစ်များ

Ucab Samuel 19:9

Pa conojel tak ri amak' Israel ri winak quech'a'ch'a'tic caquibij c'ut: “Ri ajawinel David xcuinic xujuto'tajisaj pa qui k'ab ri ka c'ulel, ri aj pilisteyib; xa c'u rumal rech ri Absalon, xanimaj na bic xuya' can ri ulew.

Ucab Samuel 2:24

Are c'u ri Joab xukuje' ri Abisay xquitakej rokataxic ri Abner. Pa ri u kajebal c'ut ri k'ij xebopan puwi' ri juyub aj Am, ri c'o chuwäch ri Jia, pa ri be ri cäbe pa ri chaki'j uwo sak pa Gabaon.

Ucab Samuel 22:44

Xinto'tajisaj la pa ri tijoj chuk'ab cuc' ri nu tinimit ri xech'ach'at chwij, xban la chwe chi xincanaj c'amal qui be ri nimak tak tinimit, xinquipatanij c'u winak ri man weta'm ta qui wäch.

Ucab Samuel 5:17

Aretak xquetamaj ri pilisteyib chi jamatajinak chic aseit puwi' ri David rech cäcanaj can che ajawinel puwi' ri Israel, conojel xeyacätaj ulok xepe che u tzucuxic; xoc c'u pa u jolom ri David xkaj bic chupam ri cowilaj to'bal ib.

Ucab Samuel 5:25

Ri David je xubano jas ri xubij ri Ajawaxel che, xuchap c'u qui cämisaxic ri e aj pilisteyib kas pa Gabaon xetanal c'ä pa Jezer.

Ucab Samuel 7:9

at c'u wachilam apawije' ta ne ri at benak wi, nu q'uisom tzij paquiwi' conojel ri c'ulel ri xebel ulok che a cämisaxic sibalaj c'u nu nimarisam a k'ij, jacha' ri u nimarisaxic qui k'ij ri achijab ri nimak na qui k'ij ri e c'o cho ri uwächulew.

Salmib 18:43

Xinesaj la pa u k'ab jun tinimit ri man tal ta tzij, xban la chi xinux c'amal qui be nimak tak tinimit, xinquipatanij winak ri man weta'm ta qui wäch.

Salmib 60:2

Xban la chi xyicop ri uwächulew, xujak c'u rib; camic c'ut, chetz'apij la ri e u tetobic cätajin c'u cäwulwubic.

Salmib 60:8

ri Moab are tzima ri quinch'abej wib; puwi' ri Edom quinq'uiak wi na ri nu xajäb; ¡quinrak c'u nu chi' rumal ri ch'äcanic paquiwi' ri aj pilisteyib!”

Hebreos 11:33

Ri rumal ri cojonic jujun xequich'äc ajawibal, xquichacuj suq'uil, xequirik ri chi'm, xequitz'apij u pa qui chi' coj,

Hebreos 11:34

xquichup nimak tak k'ak', xquito' quib chuwäch ri qui ch'ich' ri quecämisanic, xya' chuk'ab chque pa ri qui tukaril, xc'oji' qui chuk'ab pa ri ch'o'j, xequich'äc tak ri cajch'ojab ri qui c'ulel.

Nabe Samuel 7:13

Ri aj pilisteyib xech'äctajic man xeboc ta chi c'u pa ri culew ri aj israelib; aretak c'asal ri Samuel, ri Ajawaxel xuk'atij qui wäch ri aj pilisteyib.