Ucab Samuel 7:23 - Quiché Bible

²³ Are c'u ri Israel, ri tinimit la, ¡man c'o ta chi jun jacha' ta ri are', xa c'u jun we nim tinimit ri' cho ri uwächulew! Lal, Oh Dios, xto'tajisaj la rech cux tinimit la, xban c'u la che chi xux nim u k'ij, xeban c'u la nimak xukuje' mayibalalaj tak jastak che u banic utzil che. Ri lal xeq'uiak la bic chuwäch ri tinimit la ri xtor la ulok pa Ejipt, ri niq'uiaj nimak tak tinimit chic e cachil tak ri e qui diosib,

Ucab Samuel 7:23 ပူးပေါင်းရင်းမြစ်များ

Ucab Samuel 7:24

xa c'u jumul chomam la chi ri Israel cux tinimit la re chbe k'ij sak, are c'u ri lal, Ajawaxel cux na la u Dios.

Nabe Tzijobelil 17:21

Are c'u ri Israel, ri winakil la ¡Man c'o ta chi jun jacha' ta ri are', man c'o ta chi jun nim tinimit ri cajunamataj ta ruc' cho ri uwächulew! Lal, Dios, xto'tajisaj la rech cux tinimit la, xnimarisax c'u k'ij la cumal ri qui banic nimak tak jastak xukuje' e mayibal. Lal xerokij la bic chuwäch ri tinimit la ri xto'tajisaj la ulok pa Ejipt, ri jule' ri nimak tak tinimit chic,

Ri Nehemiy 1:10

Uj uj pataninelab la xukuje' tinimit la, ri xujlok' chi la rumal ri nimalaj cuinem la xukuje' chuk'ab la.

Salmib 106:22

ri xebuban nimak tak mayibal pa ri rulew ri Cam, xukuje' jastak ri e xibibal pa ri Quiäk Plo.

Salmib 111:9

Xutor ri u tinimit, co xujekeba' ri u c'ulwächinic re chbe k'ij sak. Ri Dios tastalic xukuje' xibibal.

Salmib 145:6

Quetzijox na ri nimak xukuje' ri xibibalalaj tak jastak ri e banom la, in quintzijoj na ri nimalil la.

Salmib 147:20

Man junam ta xuban cuc' jule' nimak tak tinimit chic ri mawi jubik' xquetamaj ri e u colomibal. ¡Chyo'k u k'ij ri Ajawaxel!

Salmib 40:5

Ajawaxel, xukuje' nu Dios, man quebajilataj ta ri mayibal ri e banom la xukuje' ri u tok'obisaxic tak ka wäch umal la. ¡Man c'o ta cajunamataj ta wi la! Quinwaj ta ne' quinwesaj qui tzijol quinya' ta qui bixic, sibalaj c'u e c'o c'u na chquiwäch ri quincuin che qui tzijoxic.

Salmib 44:3

Man are' ta c'u ri qui chuk'ab mawi ri qui ch'ich' re ch'o'j ri xyo'w ta ri ch'äcanic chque; man e are' ta xech'äcow ri ulew. ¡Are ri cuinem la xukuje' ri chuk'ab la! ¡Are' ri u juluwem ri wächbal la, rumal chi e lok' chwäch la!

Salmib 65:5

Dios xukuje' ka colonel, ri lal cätzelej la u wäch ri ka tzij cuc' mayibalalaj tak banoj re suq'uil; ronojel ri uwächulew cucu'ba' u c'u'x chij la, xukuje' ne ri plo ri naj c'o wi;

Salmib 66:3

chibij che ri Dios: “Ri jastak ri e banoj la e mayibal. Rumal ri nimalaj cuinem la ri e c'ulel la quixe'n quib quetzak na chwäch la;

Elem 12:12

Pa ri ak'ab ri' quinoc'ow na pa ronojel ri Ejipt, quebencämisaj na ri qui nabeal ri aj ejiptib ri e c'o pa tak ri cachoch, xukuje' ri e qui nabeal ri awaj, quinban na ri takal u banic chque conojel ri diosib re Ejipt. In ri Ajawaxel, ri nu yo'm u bixic.

Elem 33:16

We c'u ri lal, man cujachilaj ta la bic, ¿jas ta c'u ri cäban che retamaxic chi ri tinimit la xukuje' ri in uj lok' chwäch la? Xuwi c'u we lal c'o kuc', ri tinimit la xukuje' ri in, cujk'alajinic chi man uj ta junam cuc' conojel ri niq'uiaj tinimit chic ri e c'o cho ri uwächulew.”

Elem 6:7

Quixinc'am na ix jacha' che nu tinimit, are c'u ri in quinux na i Dios. Jeri' quiwetamaj na chi in ri' ri Ajawaxel ri i Dios, ri cätajin quixresaj chuxe' ri c'axalaj tak chac ri ix takom che qui banic cumal ri aj ejiptib.

Elem 9:15

In in cuininak ta ri' che u c'utic ri nu cuinem chawäch ruc' jun yabil ri cämisanel, ri at xukuje' ri a tinimit sachtajinak ta chi i wäch ri' cho ri uwächulew;

Elem 9:16

c'ä at nu c'asbam c'ut rech cäwil ri nu cuinem xukuje' rech quinc'ut wib cho ronojel ri uwächulew.

Ri Jeremiy 32:20

Lal xeban la tak mayibal xukuje' tak etal pa Ejipt, xukuje' c'u ne camic takem la qui banic pa Israel jacha' xukuje' chquixo'l tak ri winak, jeri' chi ri bi' la uxinak nim u k'ij.

Ri Jeremiy 32:21

Lal, ruc' ri nimalaj u liq'uic ri cuinem la, xesaj la ulok pa Ejipt ri tinimit la Israel, xeban tak la mayibal xukuje' tak etal xenojisaj c'u la conojel ri winak che xibin ib.

Ri Ezequiel 20:9

Man c'u xinban taj, xa' c'u ne are xebenwesaj ulok chupam ri ulew Ejipt, rech man cäyok' taj ri nu bi' chquixo'l ri nimak tak tinimit ri e jekel wi pa qui niq'uiajil, chquiwäch c'u ne we nimak tak tinimit ri'. Xinc'utunisaj wib chquiwäch nu chi'm c'u chque chi quebenwesaj ulok pa Ejipt.

Ajilanic 6:27

Jeri' ri e are' caquinataj na ri nu bi' paquiwi' ri aj israelib, quebentewichi'j c'u na.”

Efesios 1:6

Rumal wa' cäkak'ijilaj amak'el rumal ri juluwemalaj rutzil, ri xujutewichibej rumal rech ri lok'alaj u C'ojol.

U Camulixic ri Pixab 10:21

Che c'ut ri are' quiya' wi ri k'ijilanic; are' i Dios, ri e u banom chiwe we nimak tak jastak ri', ri xukuje' e mayibal ri e iwilom.

U Camulixic ri Pixab 15:15

Mäsach pa a jolom chi ri at xukuje' xatux can lok'om pataninel lok'om pa Ejipt, are c'u ri Ajawaxel ri a Dios xyo'w ri a tzopitajem. Rumal ri' quinya' we takanic ri' chawe camic.

U Camulixic ri Pixab 33:29

Utz awech at Israel, ¿Jachin ta ri cujunamaj rib awuc'? Kas are' ri Ajawaxel at to'tajisanic; are' catc'uxlanic, catuto' c'ut, ¡are' ri a ch'ich' re ch'o'j ch'äcanel! Ri e a c'ulel cäquijach na quib pa ak'ab, ri at caxak'alej na ri nimal ri quec'amowic.”

U Camulixic ri Pixab 9:26

cuc' bochi'nic xinbij che: ‘Ajawaxel, masach la u wäch we tinimit ri', ri ech la, ri xtor la ruc' ri nimalaj chuk'ab la xesaj c'u la ulok pa Ejipt ruc' nimalaj cuinem.

Ri Tit 2:14

Ri Jesucrist xuya' ri u c'aslemal rumal kech, che kesaxic pa u k'ab ronojel etzelal xukuje' che ka josk'ixic, rech cujux rech are' xukuje' cäkacoj ka chuk'ab che u banic utzalaj tak chac.

Ri Josue 7:9

Ri aj cananeyib xukuje' conojel ri e jekel pa ri ulew caquinabej na ri c'ulmatajinak, cujquich'äc c'u na junam, mawi c'u ne ta ri natabal kech cacanajic. ¿Jas c'u lo ri cuc'ulmaj na ri nimalaj bi' la?”

1 Pedro 2:9

Ri ix c'ut ix winak ix cha'om, ix ajawinelab xukuje' ix cojol tabal tok'ob, ix winak tastalicalaj tinimit, ix rech ri Dios, rech quiya' u tzijoxic ronojel u wäch utzalaj tak jastak ri cuban ri Dios, ri xixusiq'uij ulok pa ri k'eku'm, xixuya' pa ri u sakil ri sibalaj mayibal.

Apocalipsis 5:9

Xquibixoj jun c'ac'alaj bix, xquibij: “Ya'tal che la chi cäc'am la ri wuj, chi quejak la ri e u t'ikbal, rumal rech chi xcämisax la, ruc' ri quiq'uel la xelok' la winak rech quebux rech ri Dios re conojel qui wäch winak, ch'abal, amak', nimak tak tinimit.